ഏയ്ഞ്ചൽസ് ആൻഡ് ഡീമൺസ് (സിനിമ)

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search

ഏയ്ഞ്ചൽസ് & ഡീമൺസ്
പ്രമാണം:Angels and demons.jpg
Theatrical poster
സംവിധാനംRon Howard
നിർമ്മാണംBrian Grazer
Ron Howard
John Calley
തിരക്കഥDavid Koepp
Akiva Goldsman
ആസ്പദമാക്കിയത്Angels & Demons –
Dan Brown
അഭിനേതാക്കൾTom Hanks
Ewan McGregor
Ayelet Zurer
Stellan Skarsgård
Pierfrancesco Favino
Nikolaj Lie Kaas
Armin Mueller-Stahl
സംഗീതംHans Zimmer
ഛായാഗ്രഹണംSalvatore Totino
ചിത്രസംയോജനംDaniel P. Hanley
Mike Hill
വിതരണംColumbia Pictures
സ്റ്റുഡിയോImagine Entertainment
Skylark Productions
Panorama Films
റിലീസിങ് തീയതി
  • മേയ് 14, 2009 (2009-05-14) (Australia)
  • മേയ് 15, 2009 (2009-05-15) (United States)
രാജ്യംUnited States
ഭാഷEnglish
ബജറ്റ്$150 million[1]
സമയദൈർഘ്യം138 minutes
ആകെ$485,930,816[2]

2009ൽ പുറത്തിറങ്ങിയ ഒരു അമേരിക്കൻ ത്രില്ലർ സിനിമയാണ് 'ഏയ്ഞ്ചൽസ് ആൻഡ് ഡീമൺസ്'. പ്രസിദ്ധ നോവലിസ്റ്റ്‌ ഡാൻ ബ്രൌണിന്റെ ഹിസ്റ്റോറിക്കൽ ത്രില്ലർ നോവലായ ഏയ്ഞ്ചൽസ് ആൻഡ് ഡീമൺസ് ആണ് അതെ പേരിൽ സിനിമയാക്കിയത്.

കഥാ സാരം[തിരുത്തുക]

ജനീവയിലെ കണികാ പരീക്ഷണ ശാലയായ ലാർജ് ഹാഡ്രോൺവഴി പരീക്ഷണാർത്ഥം ഉല്പാദിപ്പിച്ച ആന്റി മാറ്റർ മോഷ്ടിക്കപ്പെടുന്നു. ഒരു പ്രത്യേക രീതിയിൽ സൂക്ഷിക്കപ്പെട്ട ആന്റി മാറ്റർ ; മാറ്റർ അഥവാ ഭൗതിക പതാർത്ഥവുമായി കൂട്ടി മുട്ടിയാൽ ഒരു മഹാ സ്ഫോടനം നടക്കും. പ്രത്യേക രീതിയിൽ മാഗ്നറ്റിക് ട്യൂബിൽ സൂക്ഷിച്ച ഇതിന്റെ ബാറ്ററി തീർന്നു മാഗ്നറ്റിക് ഫീൽഡ് ഇല്ലാതായാൽ ഉടനാണ് ഈ സ്ഫോടനം നടക്കുക.

വത്തിക്കാനിലെ മരണപ്പെട്ട പോപ്പിന് പകരം പുതിയ പോപ്പിനെ തെരഞ്ഞെടുക്കുവാനുള്ള കോൺക്ലേവ് ആരംഭിക്കാനിരിക്കുകയാണ്. ലോകത്തിനെ എല്ലഭാഗത്ത്‌ നിന്നുമായി വോട്ടവകാശമുള്ള കർദ്ദിനാൾമാർക്കൊപ്പം ലോകത്തിന്റെ പലഭാഗങ്ങളിൽ നിന്നുള്ള മാട്യമ പ്രവർത്തകരും ജനങ്ങളും ഒക്കെ വത്തിക്കാനിലെ സെന്റ്‌ പീറ്റർ കത്രീഡലിൽ എത്തിക്കഴിഞ്ഞു. എന്നാൽ ക്രിസ്തു സഭയുമായി നൂറ്റാണ്ടുകളുടെ ശത്രുതയുള്ള ‪ഇല്ല്യുമനാറ്റി‬ എന്ന സംഘടന തങ്ങളുടെ പ്രതികാരം തീർക്കാൻ ഈ സമയം തെരഞ്ഞെടുക്കുന്നു.

(നവോത്ഥാന ശാസ്ത്രഞ്ജനായ ഗലീലിയോ സ്ഥാപിച്ച സംഘടയായിരുന്നു #ഇല്ല്യുമനാറ്റി . വിഞാനികളുടെ സംഘം എന്നറിയപ്പെടുന്ന ശാസ്ത്രകാരന്മാരുടെ സംഘമായിരുന്നു ഇത്.. എന്നാൽ ശാസ്ത്രത്തിനു എതിരായിരുന്ന ക്രൈസ്തവ സഭ ഗലീലിയോയെ മത വിചാരണ ചെയ്തു. മാപ്പ് ചോദിച്ചതിനാൽ ആ മഹാൻ മരണം വരെ വീട്ടു തടങ്കലിൽ കഴിയാം എന്ന ഉപാധിയോടെ മരണത്തിൽ നിന്ന് രക്ഷപ്പെട്ടു. മാപ്പ് പറയാൻ തയ്യാറാവാതിരുന്ന ബ്രൂണോ എന്ന ശാസ്ത്രന്ജനെ ജീവനോടെ ചുട്ടുകൊന്നു. തുടർ നൂറ്റാണ്ടുകളിൽ നിരവധി ശാസ്ത്രകാരന്മാർ വത്തിക്കാന്റെ മതവിചാരണക്കിരയായി. അവസാനം ‪‎ഇല്ല്യുമനാറ്റിയുടെ‬ നാല് നേതാക്കന്മാരെ ചർച്ച് പിടിച്ചു പരസ്യമായി വധിച്ചു. അവരുടെ മൃതശരീരങ്ങൾ ദിവസങ്ങളോളം തെരുവിൽ തൂക്കിയിട്ടു. അതോടെ ‎ഇല്ല്യുമനാറ്റിയില്‬‍ ചർച്ചിനോട് പ്രതികാരം ചെയ്യുക എന്ന ഉദ്ദേഷത്തോടെ തീവ്രവാദികളുടെ ഒരു സംഘം ഉടലെടുത്തു, 17-18 നൂറ്റാണ്ടുകളിൽ ഇവർ ചർച്ചിനെതിരെ പല ആക്രമണങ്ങളും സംഘടിപ്പിച്ചു. സമൂഹത്തിൽ പേരും പ്രശസ്തിയും ഉള്ള പല ശാസ്ത്രകാരന്മാരും ഇല്ല്യുമനാറ്റിയിൽ രഹസ്യ അംഗങ്ങളായിരുന്നു. 18ആം നൂറ്റാണ്ടോടെ ഇവരുടെ പ്രവർത്തനം പതിയെ ഇല്ലാതായി എന്നാണു വിശ്വസിച്ചിരുന്നത് )

അടുത്ത പോപ്‌ ആവാൻ സാധ്യത കൽപിക്കുന്ന നാല് പ്രധാന കർദിനാൾമാരെ കിഡ്നാപ് ചെയ്യുന്ന ഇല്ല്യുമനാറ്റി ജനീവയിൽ നിന്ന് മോഷ്ടിച്ച ആന്റി മാറ്റർ വത്തിക്കാനിലെ ഒരു രഹസ്യസ്ഥലത്ത് സ്ഥാപിക്കുന്നു. തങ്ങളുടെ നാല് ഇല്ല്യുമനാറ്റി നേതാക്കന്മാരെ നൂറ്റാണ്ടുകൾക്കു മുൻപ് വധിച്ച പോലെ ഈ നാല് കർദിനാൾ മാരെ ഓരോ മണിക്കൂർ വെച്ച് വധിക്കുമെന്നും അവസാനം ആന്റി മാറ്റർ സ്ഫോടനം നടത്തി വത്തിക്കാൻ നഗരത്തെ ഭൂമുഖത്ത് നിന്ന് മായ്ച്ചു കളയുമെന്നും മുന്നറിയിപ് നൽകുന്നു. വധം തടയാനുള്ള വെല്ലുവിളിക്കൊപ്പം വധം അരങ്ങേറാൻ പോകുന്ന സ്ഥലങ്ങളുടെ സൂചനയും സന്ദേശത്തിൽ ഉണ്ടായിരുന്നു. ചർച്ച് രക്ഷക്കായി റോബർട്ട് ലാംഗ്ഡനെ വിളിക്കുന്നു. ഇല്ല്യുമനാറ്റിയുടെ സൂചനകളിലൂടെ വത്തിക്കാന്റെ പുരാതന ഗ്രന്ഥങ്ങളിലെ വിവരങ്ങൾ വിശകലനംചെയ്ത് ഓരോ മണിക്കൂറിലും നടക്കാൻ പോകുന്ന വധങ്ങളും വത്തിക്കാന്റെ നാശവും തടയുക എന്ന ദൌത്യം റോബർട്ട് ലാംഗ്ഡന്റെ ചുമലിൽ വന്നു ചേരുന്നു. ഇല്ല്യുമനാറ്റിയിൽ രഹസ്യമായി അംഗങ്ങളായ ചില ശിൽപികൾ ഡിസൈൻ ചെയ്ത ചില നിർമിതികളുടെ അകത്തോ സമീപമോ വെച്ചാണ് വധം ഉണ്ടാവുക എന്നാണു പിന്നീട് ലാംഗ്ടൻ കണ്ടെത്തുന്ന സൂചനകൽ പിന്തുടർന്ന് പിന്നീട് അതിലും വലിയ പുരാതന രഹസ്യങ്ങളിലേക്ക് ചെന്നെത്തുന്നു.

ആദ്യ ഗ്രന്ഥമായ ഡാവിഞ്ചി കോഡിനെ പോലെ ഒരു ഹിസ്റ്റോരിക്കൽ ത്രില്ലർ തന്നെയാണ് ഈ ചിത്രവും. വത്തിക്കാന്റെ ഓരോ പുരാതന സ്ഥലങ്ങളും സിനിമയിൽ പാത്രമാവുന്നു.

  1. DiOrio, Carl (മേയ് 17, 2009). "'Angels & Demons' hauls $48 million". Nielsen Business Media, Inc. The Hollywood Reporter. ശേഖരിച്ചത് ജനുവരി 11, 2010.[പ്രവർത്തിക്കാത്ത കണ്ണി]
  2. "Angels & Demons (2009)". Box Office Mojo. മൂലതാളിൽ നിന്നും ഒക്ടോബർ 10, 2009-ന് ആർക്കൈവ് ചെയ്തത്. ശേഖരിച്ചത് ഒക്ടോബർ 28, 2009.