എ.എം. തോമസ്

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
Nuvola camera.svg ഈ ലേഖനത്തിനു മിഴിവേകാൻ ചിത്രങ്ങൾ ചേർക്കുന്നത് നന്നായിരിക്കും. താങ്കളുടെ കൈവശം സ്വതന്ത്ര ചിത്രങ്ങൾ ഉണ്ടെങ്കിൽ ദയവായി അത് വിക്കിപീഡിയയിലേക്ക് അപ്‌ലോഡ് ചെയ്യുകയും ലേഖനത്തിൽ ചേർക്കുകയും ചെയ്യുക.

ജവഹർലാൽ നെഹ്റു, ലാൽബഹദൂർ ശാസ്ത്രി, ഇന്ദിരാഗാന്ധി എന്നിവരുടെ മന്ത്രിസഭകളിൽ അംഗമായിരുന്ന മലയാളിയാണ് എ.എം. തോമസ്.[1] (മരണം: 2004 ഏപ്രിൽ 27)[2]

ജീവിതരേഖ[തിരുത്തുക]

സാധാരണ കർഷക കുടുംബത്തിലാണ് ഇദ്ദേഹം ജനിച്ചത്. [1] കൊച്ചിയിൽ വിശ്രമജീവിതം നയിക്കുകയായിരുന്ന ഇദ്ദേഹം 2004-ൽ തന്റെ 92-ആം വയസ്സിൽ മരണമടഞ്ഞു. നാൽ ആണ്മക്കളും അഞ്ച് പെണ്മക്കളുമടക്കം[3] ഇദ്ദേഹത്തിന് ഒൻപതു മക്കളുണ്ടായിരുന്നു.[2]

ഔദ്യോഗിക പദവികൾ[തിരുത്തുക]

നിയമ വിദ്യാർത്ഥിയായിരിക്കുമ്പോൾ ഗാന്ധിജിയുടെ ആഹ്വാനമനുസ്സരിച്ച് മദ്രാസ് യൂണിവേഴ്സിറ്റിയിൽ സമരപരിപാടികൾക്ക് നേതൃത്വം നൽകുകയുണ്ടായി. പഠനത്തിനുശേഷം കേരള ഹൈക്കോടതിയിൽ അഭിഭാഷകനായി ജോലിയാരംഭിച്ച ഇദ്ദേഹത്തെ രാഷ്ട്രീയത്തിലേക്ക് നയിച്ചത് കെ.പി. മാധവൻ നായരും പനമ്പിള്ളി ഗോവിന്ദ മേനോനും ആയിരുന്നു. പ്രജാമണ്ഡലത്തിൽ പ്രവർത്തിച്ചിരുന്ന ഇദ്ദേഹം 1948-ൽ കൊച്ചി നിയമസഭാംഗമാവുകയും തിരു-കൊച്ചി സംയോജനത്തോടെ സഭയുടെ സ്പീക്കറാവുകയും ചെയ്തു. എറണാകുളം ലോകസഭാ മണ്ഡലത്തിൽ നിന്ന് എം.പി. മേനോനെ തോൽപിച്ചു കൊണ്ടാണ് 1952-ൽ ആദ്യമായി ഇദ്ദേഹം ലോക്സഭാംഗമായത്. 1957-ലും 1962-ലും എറണാകുളത്തെ പ്രതിനിധീകരിച്ചു. 57-ലെ നെഹ്റു മന്ത്രിസഭയിൽ കൃഷി വകുപ്പിലെ ഉപമന്ത്രിയും 62-ൽ സഹമന്ത്രിയുമായി. 64-ലെ ഇന്ദിരാഗാന്ധി മന്ത്രിസഭയിൽ പ്രതിരോധ വകുപ്പ് സഹമന്ത്രിയായിരുന്നു.[1]

1967 മുതൽ 71 വരെ ഇദ്ദേഹം ഓസ്ട്രേലിയയിൽ ഇന്ത്യൻ ഹൈക്കമ്മീഷണറായിരുന്നു. സാംബിയ, ബോട്സ്വാന[2] എന്നിവിടങ്ങളിലും ഇദ്ദേഹം നയതന്ത്രപ്രതിനിധിയായിരുന്നു. ‘ആഫ്രിക്കൻ ഗാന്ധി’ എന്ന് കെന്നത്ത് കൌണ്ട ഇദ്ദേഹത്തെ വിശേഷിപ്പിക്കുകയുണ്ടായി.[1]

1976-ൽ ഇദ്ദേഹം ഖാദി വില്ലേജ് ആന്റ് ഇൻഡസ്ട്രീസ് കമ്മീഷന്റെ ചെയർമാനായി നിയമിതനായി. 77-ൽ ഇദ്ദേഹം കൊച്ചിൻ റിഫൈനറിയുടെ ചെയർമാമുമായി. എറണാകുളം ഗാന്ധി ഭവൻ, ഭാരതീയ വിദ്യാഭവൻ, എന്നീ സ്ഥാപനങ്ങളുടെ പ്രവർത്തനങ്ങളിലും സജീവമായിരുന്നു.[1]

തിരഞ്ഞെടുപ്പുകൾ[തിരുത്തുക]

തിരഞ്ഞെടുപ്പുകൾ[4]
വർഷം മണ്ഡലം വിജയിച്ച സ്ഥാനാർത്ഥി പാർട്ടിയും മുന്നണിയും പരാജയപ്പെട്ട മുഖ്യസ്ഥാനാർത്ഥി പാർട്ടിയും മുന്നണിയും
1967 എറണാകുളം ലോകസഭാമണ്ഡലം വി. വിശ്വനാഥമേനോൻ സി.പി.ഐ.എം. എ.എം. തോമസ് കോൺഗ്രസ് (ഐ.)
1962 എറണാകുളം ലോകസഭാമണ്ഡലം എ.എം. തോമസ് കോൺഗ്രസ് (ഐ.) എം.എം. അബ്ദുൾ ഖാദർ സി.പി.ഐ.
1957 എറണാകുളം ലോകസഭാമണ്ഡലം എ.എം. തോമസ് കോൺഗ്രസ് (ഐ.) അബ്ദുൾ ഖാദർ സ്വതന്ത്ര സ്ഥാനാർത്ഥി
1951 എറണാകുളം ലോകസഭാമണ്ഡലം എ.എം. തോമസ് കോൺഗ്രസ് (ഐ.) പത്മനാഭ മേനോൻ കെ.എസ്.പി.

അവലംബം[തിരുത്തുക]

  1. 1.0 1.1 1.2 1.3 1.4 "വ്യക്തികൾ എ.എം. തോമസ്". കൊച്ചിൻ കോർപ്പറേഷൻ. ശേഖരിച്ചത് 2013 ജൂൺ 12. Check date values in: |accessdate= (help)
  2. 2.0 2.1 2.2 "എ.എം. തോമസ് ഡെഡ്". ദി ഹിന്ദു. മൂലതാളിൽ നിന്നും 2013 ജൂൺ 12-ന് ആർക്കൈവ് ചെയ്തത്. ശേഖരിച്ചത് 2013 ജൂൺ 12. Check date values in: |accessdate= and |archivedate= (help)
  3. "മുൻ കേന്ദ്രമന്ത്രി എ.എം. തോമസ് അന്തരിച്ചു". വൺ ഇന്ത്യ. മൂലതാളിൽ നിന്നും 2013 ജൂൺ 12-ന് ആർക്കൈവ് ചെയ്തത്. ശേഖരിച്ചത് 2013 ജൂൺ 12. Check date values in: |accessdate= and |archivedate= (help)
  4. http://www.ceo.kerala.gov.in/electionhistory.html
"https://ml.wikipedia.org/w/index.php?title=എ.എം._തോമസ്&oldid=3464802" എന്ന താളിൽനിന്ന് ശേഖരിച്ചത്