വിഷ്ണുക്രാന്തി
| വിഷ്ണുക്രാന്തി | |
|---|---|
 |
|
| വിഷ്ണുക്രാന്തി | |
| ശാസ്ത്രീയ വർഗ്ഗീകരണം | |
| സാമ്രാജ്യം: | Plantae |
| കുടുംബം: | Convolvulaceae |
| ശാസ്ത്രീയ നാമം | |
| Evolvulous alsinoides Linn. |
|
| Synonyms | |
|
കൃഷ്ണക്രാന്തി (മലയാളം) |
|
ഉഷ്ണമേഖലകളിൽ ജലനിരപ്പിൽ നിന്ന് 1600 മീറ്റർ വരെ ഉയരമുള്ള വെള്ളക്കെട്ടില്ലാത്ത പ്രദേശങ്ങളിൽ ആണ്ടോടാണ്ടു വളരുന്നു.[1] [2] ദീർഘവൃത്താകൃതിയിൽ രോമാവൃതമായ ഇലകൾ, തണ്ടുകൾക്ക് 30 സെ. മി. അടുത്ത് നീളം, മെലിഞ്ഞ് നിലം പറ്റി വളരുന്ന തണ്ടുകളിൽ 1-2 സെ. മി. നീളമുള്ള രോമങ്ങളുണ്ട്. മേയ് മുതൽ ഡിസംബർ വരെ പുഷ്പിക്കുന്നു. പുഷ്പങ്ങൾക്ക് നീല നിറം, പഴങ്ങൾ/കായ്കൾ പുറം തോടിനുള്ളിൽ നാല് അറകളിലായി കാണുന്നു. വേരുകൾക്ക് 15-30 സെ. മി. നീളം, പച്ചയോ വെള്ള കലർന്ന പച്ച നിറത്തിലോ കാണുന്നു[2][3].
സ്ലെണ്ടർ ഡ്വാർഫ് മോർണിങ്ങ് ഗ്ലോറി (Slender Dwarf Morning Glory)എന്ന ആംഗലേയ നാമവും ഇവോൾവുലസ് അൾസിനോയിഡ്സ് എന്ന ശാസ്ത്രീയ നാമവുമുള്ള വിഷ്ണുക്രാന്തിക്ക് വിഷ്ണുവിന്റെ കാൽപ്പാട് എന്ന് അർത്ഥം(ജീവനെ പരിപാലിക്കുന്നവൻ വിഷ്ണു എന്നതിനാൽ)[2]. വേദ കാലഘട്ടത്തിൽ വിഷ്ണുക്രാന്തി ഗർഭധാരണ ശേഷി വർദ്ധിപ്പിക്കുന്ന ഔഷധമായി ഉപയോഗിച്ചിരുന്നു[2]. പല സംസ്കൃത നിഘണ്ടുക്കളിലും നീല പുഷ്പ, മംഗല്ല്യപുഷ്പി, സുപുഷ്പി, മംഗല്ല്യകുസുമ, കൃഷ്ണക്രാന്തി തുടങ്ങിയ പര്യായങ്ങൾ ഉപയോഗിച്ചു കാണുന്നു. ചില പേരുകൾ വിഷ്ണുക്രാന്തി പുഷ്പങ്ങൾ ആരാധനയ്ക്ക് ഉപയോഗിച്ചിരുന്നു എന്ൻ സൂചിപ്പിക്കുന്നു. [2] ദക്ഷിണ ഇൻഡ്യയിൽ വിഷ്ണുക്രാന്തി സമൂലം ഔഷധമായി ഉപയോഗിച്ചിരുന്നു; പ്രത്യേകിച്ച് ചില ഉദര രോഗങ്ങളിൽ. ബുദ്ധി ശക്തിയും, ഓർമ്മ ശക്തിയും വർദ്ധിപ്പിക്കുന്ന ഔഷധമായും വിഷ്ണുക്രാന്തി ഉപയോഗിച്ചു വരുന്നു[2]. ശ്വാസകോശ രോഗങ്ങൾ, വിഷ ചികിത്സ, അപസ്മാരം എന്നീരോഗങ്ങൾ ചികിത്സിക്കുവാനും, മന്ത്രവാദത്തിലും വിഷ്ണുക്രാന്തി ഉപയോഗിച്ചിരുന്നു[4].
ബീറ്റൈൻ, എവൊലൈൻ, സ്കോപോലേറ്റിൻ, കൌമറിൻ വിഭാഗങ്ങളിൽ പെട്ട ആൽക്കല്ലോയിടുകൾ വിഷ്ണുക്രാന്തിയിൽ നിന്ന് വേർതിരിച്ചെടുത്തിട്ടുണ്ട്[2][5]. മദ്യത്തിൽ ലയിപ്പിച്ചെടുത്ത വിഷ്ണുക്രാന്തിയുടെ രസം മാനസിക പിരിമുറുക്കത്തിന് ഔഷധമായുപയോഗിക്കാമെന്ന് ശാസ്ത്രീയമായി തെളിയിച്ചിട്ടുണ്ട്[6][7]. ആയുസ്സു വർദ്ധിപ്പിക്കുന്ന ആന്റി ഓക്സിഡന്റുകൾ വിഷ്ണുക്രാന്തിയിൽ ധാരാളം അടങ്ങിയിട്ടുണ്ട്[8]; സജീവ ഘടകങ്ങൾ ശരീരത്തിന്റെ രോഗപ്രധിരോധ പ്രക്രിയയെ അനുകൂലമായി ബാധിക്കുന്നു[9]. രസായന ചികിത്സയിൽ വളരെ പ്രധാനപ്പെട്ട ഔഷധമാണ്.
[തിരുത്തുക] ചിത്രങ്ങൾ
- വിഷ്ണുക്രാന്തിയുടെ ചിത്രങ്ങൾ
-
വിഷ്ണുക്രാന്തി
-
വിഷ്ണുക്രാന്തി
-
[തിരുത്തുക] അവലംബം
- ↑ ഹെർബൽ ക്യുർ ഇൻഡ്യ
- ↑ 2.0 2.1 2.2 2.3 2.4 2.5 2.6 ഹിമാലയ ഹെൽത്ത്കെയർ
- ↑ ഹെർബൽ ക്യുർ ഇൻഡ്യ
- ↑ ഹെർബൽ ക്യുർ ഇൻഡ്യ
- ↑ Nayana S. Kapadia1, Niyati S. Acharya2, Sanjiv A. Acharya2, Mamta B. Shah1;Use of HPTLC to establish a distinct chemical profile for Shankhpushpi and for quantification of scopoletin in Convolvulus pluricaulis choisy and in commercial formulations of Shankhpushpi;Journal of Planar Chromatography - Modern TLC;Volume 19, Number 109/June 2006
- ↑ Kiran Babu Siripurapua, Prasoon Guptab, Gitika Bhatiac, Rakesh Mauryab, Chandishwar Natha and Gautam Palit;Adaptogenic and anti-amnesic properties of Evolvulus alsinoides in rodents;Pharmacology Biochemistry and Behavior;Volume 81, Issue 3, July 2005, Pages 424-432 (ലിങ്കിൽ സംഗ്രഹം മാത്രം)
- ↑ Anxiolytic activity of Evolvulus alsinoides and Convulvulus pluricaulis in rodents Alok Nahata, U.K. Patil, V.K. Dixit;Pharmaceutical BiologyMay 2009, Vol. 47, No. 5, Pages 444-451
- ↑ B. Auddya,M.Ferreira,F.Blasina,L.Lafon,F.Arredondo,F.Dajasb,P.C.Tripathic,T.Seala,B.Mukherjee;Screening of antioxidant activity of three Indian medicinal plants, traditionally used for the management of neurodegenerative diseases;Journal of Ethnopharmacology;Volume 84, Issues 2-3, February 2003, Pages 131-138 (ലിങ്കിൽ സംഗ്രഹം മാത്രം)
- ↑ Lilly Ganju,Dev Karan,SudiptaChanda,K.K.Srivastava,R.C.Sawhney,W.Selvamurthy;Immunomodulatory effects of agents of plant origin;Biomedecine & Pharmacotherapy;Volume57,Issue7,September2003,Pages296-300
|
|||||
ഈ ലേഖനവുമായി ബന്ധപ്പെട്ട കൂടുതൽ പ്രമാണങ്ങൾ ലഭ്യമാണ്
