വിനീത് ശ്രീനിവാസൻ

ഇംഗ്ലീഷ് വിലാസം

http://ml.wikipedia.org/wiki/Vineeth_Sreenivasan

വിനീത് ശ്രീനിവാസൻ
ജീവിതരേഖ
ജനനം	(1984-10-01) ഒക്ടോബർ 1, 1984
സംഗീതശൈലി	പിന്നണിഗായകൻ
തൊഴിലുകൾ	ചലച്ചിത്ര പിന്നണിഗായകൻ, ചലച്ചിത്രനടൻ, ചലച്ചിത്ര സം‌വിധായകൻ
സജീവമായ കാലയളവ്	2003–ഇതുവരെ

മലയാള സിനിമയിലെ യുവഗായകനും അഭിനേതാവും സംവിധായകനുമാണ് വിനീത് ശ്രീനിവാസൻ. ചലച്ചിത്രനടൻ ശ്രീനിവാസന്റെ മകനാണ്. കണ്ണൂർ ജില്ലയിലെ കൂത്തുപറമ്പ് സ്വദേശി ആണ്.

ജീവിതരേഖ

കൂത്തുപറമ്പ് റാണി ജയ് ഹയർസെക്കൻഡറി സ്കൂളിൽ ഹൈസ്കൂൾ വിദ്യാഭ്യാസത്തിനു ശേഷംചെന്നൈ കെ.ജി.ജി. കോളേജിൽ നിന്നും മെക്കാനിക്കൽ എൻജിനീയറിംഗ് ബിരുദം നേടി. 2003-ൽ കിളിച്ചുണ്ടൻ മാമ്പഴം എന്ന സിനിമയിലെ കസവിന്റെ തട്ടമിട്ട് എന്നതാണ് ആദ്യ ചലച്ചിത്രഗാനം. തുടർന്ന് നിരവധി സിനിമകളിൽ പാടി. 2005-ൽ പുറത്തിറങ്ങിയ ഉദയനാണു താരം എന്ന ചിത്രത്തിൽ സ്വന്തം പിതാവ് അഭിനയിച്ച നൃത്ത രംഗത്തിനുവേണ്ടി പാടിയ കരളേ കരളിന്റെ കരളേ എന്ന ഗാനം ഏറെ ശ്രദ്ധേയമായി. ഓമനപ്പുഴ കടപ്പുറത്ത് (ചാന്തുപൊട്ട്), എന്റെ ഖൽബിലെ (ക്ലാസ്മേറ്റ്സ്) എന്നീ ഗാനങ്ങൾ വിനീതിനെ കൂടുതൽ ജനപ്രിയനാക്കി. മലയാളി എന്ന മ്യൂസിക് ബാൻഡിലും അംഗമാണ്.

2008ൽ പുറത്തിറങ്ങിയ സൈക്കിൾ എന്ന ചിത്രത്തിലെ നായകവേഷത്തിലൂടെയാണ് വിനീത് ചലച്ചിത്രാഭിനയരംഗത്ത് അരങ്ങേറ്റം കുറിച്ചത്. വിനീത് സംവിധാനം ചെയ്ത ആദ്യ ചലച്ചിത്രമാണ് 2010-ൽ പുറത്തിറങ്ങിയ മലർവാടി ആർട്സ് ക്ലബ്.ജന്മനാടായ തലശ്ശേരിയുടെ പശ്ചാത്തലത്തിൽ വിനീത് തിരക്കഥയോരുക്കി സംവിധാനം ചെയ്ത രണ്ടാമത്തെ ചിത്രം തട്ടത്തിൻ മറയത്ത് ഏറെ ശ്രദ്ധിക്കപ്പെടുകയും മികച്ച വിജയം നേടുകയും ചെയ്തു.

2012 ഒക്ടോബർ 18-ന് പയ്യന്നൂർ സ്വദേശി നാരായണന്റെയും ഉഷയുടെയും മകളായ ദിവ്യയെ കണ്ണൂരിൽ വെച്ച് വിവാഹം ചെയ്തു.

അഭിനയിച്ച ചിത്രങ്ങൾ

നമ്പർ	വർഷം	ചിത്രം	കഥാപാത്രം
1	2008	സൈക്കിൾ	റോയ്
2	2009	മകന്റെ അച്ഛൻ	മനു
3	2011	ട്രാഫിക്	റെയ്ഹാൻ
4	2011	ചാപ്പാ കുരിശ്	അൻസാരി
5	2012	പത്മശ്രീ ഭരത് ഡോക്ടർ സരോജ് കുമാർ	ശ്യാം

സംവിധാനം ചെയ്ത ചിത്രങ്ങൾ

• മലർവാടി ആർട്സ് ക്ലബ് (2010)
• തട്ടത്തിൻ മറയത്ത് (2012)

പുറമേയ്ക്കുള്ള കണ്ണികൾ

ഇന്റർനെറ്റ് മൂവി ഡാറ്റാബേസിൽ നിന്ന് വിനീത് ശ്രീനിവാസൻ