ജെറോം
വിക്കിപീഡിയ, ഒരു സ്വതന്ത്ര വിജ്ഞാനകോശം.
| വിശുദ്ധ ജെറോം | |
|---|---|
 വി. ജെറോം, Lucas van Leyden വരച്ചത് |
|
| സഭാപണ്ഡിതന് | |
| ജനനം | ca. 347, Stridon, Dalmatia |
| മരണം | 420, ബെത്ലഹെം, യൂദയാ |
| വണങ്ങുന്നത് | റോമന് കത്തോലിക്കാ സഭ ലൂഥറന് സഭ പൗരസ്ത്യ ഓര്ത്തഡോക്സ് സഭ കോപ്റ്റിക് ഓര്ത്തഡോക്സ് സഭ |
| വാഴ്ത്തപ്പെട്ടതായി പ്രഖ്യാപിച്ചത് | 1747 by ബെനഡിക്ട് XIV |
| വിശുദ്ധന്/വിശുദ്ധയായി പ്രഖ്യാപിച്ചത് | 1767 by ക്ലമന്റ് XIII |
| പ്രധാന കപ്പേള | Basilica of Saint Mary Major, Rome |
| ഓര്മ്മത്തിരുന്നാള് | സെപ്റ്റംബര് 30 (C, L), ജൂണ് 15 (O) |
| Attributes | lion, cardinal attire, cross, skull, trumpet, owl, books and writing material |
| Patronage | archeologists; archivists; Bible scholars; librarians; libraries; schoolchildren; students; translators |
 Saints Portal |
|
ക്രി.പി. 347 മുതല് 420 വരെ ജീവിച്ചിരുന്ന പ്രമുഖ ക്രൈസ്തവ പണ്ഡിതനും താപസനും. കിഴക്കന് യൂറോപ്പിലെ സ്ട്രിഡോയിലാണ് ജനിച്ചത്. വിസ്മയം ജനിപ്പിക്കുന്ന പാണ്ഡിത്ത്യത്തിന്റേയും അഗാധമായ ഭാഷാജ്ഞാനത്തിന്റേയും പേരില് അദ്ദേഹം പ്രത്യേകം ശ്രദ്ധിക്കപ്പെട്ടു.
[തിരുത്തുക] ബൈബിള് പരിഭാഷകന്
ജെറോം പ്രധാനമായും അറിയപ്പെടുന്നത്, ഹെബ്രായ, ഗ്രീക്ക് മൂലങ്ങളില് നിന്നു നേരിട്ട് ലത്തീനിലേക്കു നടത്തിയ സമ്പൂര്ണ്ണ ബൈബിള് പരിഭാഷയുടെ പേരിലാണ്. അത് വള്ഗാത്തേ എന്ന പേരില് പ്രസിദ്ധമാണ്. പഴയനീയമ പരിഭാഷയില് ഹെബ്രായ മൂലത്തെ ആശ്രയിച്ച ജെറോമിന് അതില് ഇല്ലാത്ത പഴയ നിയമപുസ്തകങ്ങളോട് മതിപ്പ് കുറവായിരുന്നു. പ്രാചീന ഗ്രീക് പരിഭാഷയായ സെപ്ത്വജിന്റില് മാത്രമുള്ള അത്തരം പുസ്തകങ്ങളെ അദ്ദേഹം തന്റെ പരിഭാഷയില് ഒരു പ്രത്യേക വിഭാഗമാക്കി അപ്പോക്രിഫ എന്നു വിളിച്ചു. പരിഭാഷാ യത്നത്തില് അദ്ദേഹം യഹൂദ പന്ധിതന്മാരുടെ സഹായം തേടിയിരുന്നു. അതിന്റെ പേരില് വുള്ഗാത്തേയുടെ വിശ്വനീയത ആദ്യമൊക്ക പലരും ചോദ്യം ചെയ്തിരുന്നു. ജെറോമിന്റെ പരിഭാഷയെ ക്രിസ്തുമതത്തിനെതിരായ യഹൂദനിലപാടുകള് സ്വാധീനിച്ചിട്ടുണ്ട് എന്നാണ് ആരോപിക്കപ്പെട്ടത്. ഒടുവില് അഗസ്റ്റിനെപ്പോലെയുള്ള അംഗീകൃത പന്ധിതന്മാരുടെ പിന്തുണ മൂലം വുള്ഗാത്തേ സ്വീകരിക്കപ്പെട്ടു.
[തിരുത്തുക] താപസന്, സൗഹൃദങ്ങള്, വിവാദപുരുഷന്
ജെറോം ബൈബിള് പരിഭാഷ നിര്വഹിച്ചത് ഒരു താപസനായി ബത് ലഹേമില് താമസിച്ചാണ്. താപസവൃത്തിയില് അദ്ദേഹത്തിന്റെ സഹചാരിയായിരുന്നു പൗളാ എന്ന റോമന് പ്രഭ്വി. പൗളായുടെ പുത്രി യുസ്റ്റോക്കിയവും പിന്നീട് ജെറോമിനെ പിന്തുടര്ന്നു. യുസ്റ്റോക്കിയത്തിന് ഉപദേശങ്ങള് നല്കി ജെറൊം എഴുതിയ കത്തുകള് വളരെ പ്രസിദ്ധമാണ്. സങ്കീര്ണ്ണ സ്വഭാവത്തിനുടമയായിരുന്ന ജെറോമിനെ വിവാദങ്ങള് വിടാതെ പിന്തുടര്ന്നു. ചിത്രങ്ങളില് പലപ്പോഴും അദ്ദേഹത്തോടൊപ്പം ഒരു സിംഹവും കാണാറുണ്ട്. ഏകാന്ത താപസനായി കഴിയവേ ഒരിക്കല് അദ്ദേഹം ഒരു സിംഹത്തിന്റെ കാല്പത്തിയില് കയറിയിരുന്ന മുള്ള് എടുത്ത് മാറ്റി എന്ന് പറയുന്ന മദ്ധ്യകാല കഥയെയാണ് ഇത്തരം ചിത്രങ്ങള് പിന്തുടരുന്നത്.
[തിരുത്തുക] അതികായര്ക്കൊപ്പം
വിശുദ്ധ അഗസ്റ്റിന് അംബ്രോസ് തുടങ്ങിയര് ജെറോമിന്റെ സമകാലീനരും സമശീര്ഷരും ആയിരുന്നു. 1298-ല് അഗസ്റ്റിന്, അംബ്രോസ്, മഹനായ ഗ്രിഗറി മാര്പ്പാപ്പ എന്നിവര്ക്കൊപ്പം ജെറോമും പാശ്ചാത്യ സഭയുടെ വേദപാരംഗതന്മാരില് ഒരാളായി പ്രഖ്യാപിക്കപ്പെട്ടു. ആദ്യകാല സഭാപിതാക്കന്മാര്ക്കിടയില് രചനാബാഹുല്യത്തില് അദ്ദേഹത്തെ വെല്ലുന്നതായി അഗസ്റ്റിന് മാത്രമേയുള്ളൂ.
 |
ക്രിസ്തുമതസംബന്ധമായ ഈ ലേഖനം അപൂര്ണ്ണമാണ്. ഇതു പൂര്ണ്ണമാക്കുവാന് വിക്കിപീഡിയ സംരംഭത്തില് പങ്കാളിയാവുക. (സഹായത്തിനു ഈ ലേഖനത്തിന്റെ ഇംഗ്ലീഷ് പതിപ്പ്) |
