ആർത്തവം

വിക്കിപീഡിയ, ഒരു സ്വതന്ത്ര വിജ്ഞാനകോശം.
ആർത്തവചക്രം.

ഗർഭപാത്രത്തിന്റെ ഉൾപാളി അടർന്ന് രക്തത്തോടൊപ്പം യോനിയിലൂടെ പുറത്തുപോകുന്ന പ്രക്രിയയാണ് ആർത്തവം അല്ലെങ്കിൽ തീണ്ടാരി.

പദപരിചയം[തിരുത്തുക]

  • ആർത്തവം (Menstruation)
  • ആർത്തവചക്രം (Menstrual Cycle)
  • ശരിയായ ആർത്തവം (Eumenorrhoea)
  • വേദനയോടു കൂടിയ ആർത്തവം (Dysmenorrhoea)
  • അടുത്തടുത്തുണ്ടാകുന്ന ആർത്തവം (Polymenorrhoea)
  • ആർത്തവ വിരാമം (Menupause)

ആർത്തവചക്രം[തിരുത്തുക]

പ്രധാന ലേഖനം: ആർത്തവചക്രം

ആർത്തവചക്രത്തിന്റെ ഏറ്റവും അനുഭവവേദ്യമാകുന്ന ഭാഗമാണ് ആർത്തവം. ആർത്തവചക്രം കണക്കാക്കുന്നത് ആർത്തവരക്തം പോക്കിന്റെ ആദ്യ ദിനം മുതലാണ്. ഒരു ആർത്തവത്തിന്റെ ആദ്യ ദിനം മുതൽ അടുത്ത ആർത്തവത്തിന് തൊട്ടു മുമ്പു വരെയുള്ള കാലയളവിൽ ഗർഭപാത്രത്തിലും ശരീരത്തിൽ പൊതുവെയും ഉണ്ടാകുന്ന ക്രമമായ മാറ്റങ്ങളെ ഒരു ആർത്തവചക്രം എന്നു കണക്കാക്കുന്നു. ഒരു ആർത്തവചക്രത്തിന്റെ ദൈർഘ്യം സാധാരണ ഗതിയിൽ 28±7 ദിവസങ്ങൾ ആണ്. ആർത്തവത്തിന്റെ ആരംഭം ശരീരത്തിലെ ഹോർമോൺ വ്യതിയാനങ്ങളുമായി ബന്ധപ്പെട്ടു കിടക്കുന്നു. ഗർഭകാലത്തും മുലയൂട്ടുന്ന കാലയളവിലും ആർത്തവം താൽക്കാലികമായി നിലയ്ക്കുന്നു. ആർത്തവം പുനരാരംഭിച്ചിട്ടില്ലെങ്കിൽ മുലയൂട്ടുന്ന കാലയളവിൽ ഗർഭിണിയാവനുള്ള സാധ്യത കുറവാണ്.

ആർത്തവവും ലൈംഗികബന്ധവും[തിരുത്തുക]

ആർത്തവസമയത്ത് ലൈംഗികബന്ധത്തിലേർപ്പെടുന്നത് നേരിട്ട് പ്രശ്നങ്ങൾക്കിടയാക്കുകയില്ല. എന്നാൽ ഈ സമയത്ത് സ്ത്രീകൾക്ക് അണുബാധയേൽക്കാനുള്ള സാദ്ധ്യത കൂടുതലാണ്. സാധാരണഗതിയിൽ അമ്ലഗുണമുള്ള യോനിയിലെ പിഎച്ച് ഈ സമയത്ത് ഉയർന്നിരിക്കും. ഗർഭാശയമുഖം (സർവിക്സ്) പതിവിലും താഴ്ന്ന സ്ഥാനത്തായിരിക്കും കാണപ്പെടുന്നത്. ഗർഭാശയത്തിലേയ്ക്ക് തുറക്കുന്ന ഭാഗം വികസിച്ചായിരിക്കും കാണപ്പെടുന്നത്. ഗർഭാശയത്തിനുള്ളിലെ എൻഡോമെട്രിയം എന്ന ആവരണം നഷ്ടപ്പെട്ട സ്ഥിതിയിലായിരിക്കും. ഇക്കാരണങ്ങളാൽ രോഗാണുക്കൾക്ക് രക്തത്തിൽ എത്തിപ്പെടാനുള്ള സാദ്ധ്യത കൂടുതലായിരിക്കും. ലൈംഗികരോഗങ്ങൾ പകരാനുള്ള സാദ്ധ്യത ഈ സമയത്ത് കൂടുതലാണ്.

ലൈംഗികബന്ധത്തിലേർപ്പെടുന്നത് ആർത്തവരക്തസ്രാവം പെട്ടെന്ന് നിലയ്ക്കാൻ കാരണമായേക്കാം. രതിമൂർച്ഛയിലെത്തുന്നത് ഗർഭാശയം സങ്കോചിച്ച് എൻഡോമെട്രിയൽ ആവരണത്തെ പുറന്തള്ളുന്നത് എളുപ്പത്തിലാക്കുമെന്ന് ചില സ്രോതസ്സുകൾ അവകാശപ്പെടുന്നുണ്ട്. [1]

ആർത്തവത്തോടനുബന്ധിച്ച് ഉപയോഗിക്കാവുന്ന സംവിധാനങ്ങൾ[തിരുത്തുക]

ആർത്തവരക്തം വസ്ത്രങ്ങളിലും മറ്റും പറ്റി അഴുക്കാകാതിരിക്കാൻ പല സംവിധാനങ്ങളുമുണ്ട്.

വീണ്ടും ഉപയോഗിക്കാവുന്നവ[തിരുത്തുക]

  • വീണ്ടും ഉപയോഗിക്കാവുന്ന തുണി — കോട്ടൻ കൊണ്ടുണ്ടാക്കിയ പാഡുകൾ വീണ്ടും കഴുകി ഉപയോഗിക്കാറൂണ്ട്.
  • മെൻസ്ട്രുവൽ കപ്പുകൾ — മണിയുടെ ആകൃതിയിലുള്ള ഒരുപകരണം യോനിക്കുള്ളിൽ ധരിച്ച് ആർത്തവരക്തം പുറത്തേയ്ക്കൊഴുകാതെ ശേഖരിക്കാൻ ഉപയോഗിക്കാറുണ്ട്. എല്ലാത്തവണയും ഉപയോഗത്തിനുമുൻപ് ഇവ അണുവിമുക്തമാക്കേണ്ടത് ആവശ്യമാണ്.
  • സ്പോഞ്ച് — കടലിൽ നിന്ന് ശേഖരിക്കുന്ന സ്വാഭാവിക സ്പോഞ്ചുകൾ ടാമ്പോൺ മാതിരി യോനിക്കുള്ളിൽ ആർത്തവരക്തം വലിച്ചെടുക്കാനായി ധരിക്കാറുണ്ട്.
  • പാഡുള്ള പാന്റികൾ — അടിവസ്ത്രത്തിൽ ആർത്തവരക്തം വലിച്ചെടുക്കാനുദ്ദേശിച്ച് അധികപാളികൾ ചേർത്ത സംവിധാനം ഉപയോഗിക്കപ്പെടുന്നുണ്ട്.
  • തുണികൾ — രാത്രിയിൽ ഒരു വലിയ കഷണം തുണി ആർത്തവരക്തം ഒലിക്കാതിരിക്കാൻ തുടകൾക്കിടയിൽ ധരിക്കാറുണ്ട്.

ഡിസ്പോസബിൾ സംവിധാനങ്ങൾ[തിരുത്തുക]

  • സാനിട്ടറി നാപ്കിനുകൾ — ചതുരാകൃതിയിലുള്ള ഈ സംവിധാനം ആർത്തവരക്തസ്രാവം വലിച്ചെടുക്കാനായി അടിവസ്ത്രത്തോട് ചേർത്ത് ധരിക്കുകയാണ് ചെയ്യുന്നത്. ഇവയ്ക്ക് ചിറകുകളും "വിങ്സ്" ഉണ്ടാകാറുണ്ട്. ഈ ചിറകുകൾ അടിവസ്ത്രത്തിനു ചുറ്റും പൊതിഞ്ഞ് നാപ്കിൻ സ്ഥാനം മാറിപ്പോകാതെ സംരക്ഷിക്കുന്നു.
  • ടാമ്പോൺ — ഇവ യോനിക്കുള്ളിലേയ്ക്ക് കടത്തിവയ്ക്കുന്ന സിലിണ്ടർ ആകൃതിയുള്ള സംവിധാനങ്ങളാണ്. ആർത്തവരക്തം വലിച്ചെടുക്കുകയാണ് ഇവയും ചെയ്യുന്നത്.
  • പാഡെറ്റുകൾ — യോനിക്കുള്ളിലായി ആർത്തവരക്തം വലിച്ചെടുക്കാനായി ധരിക്കുന്ന ചെറിയ പാഡുകൾ
  • ഉപേക്ഷിക്കാവുന്ന മെൻസ്ട്രുവൽ കപ്പുകൾ


അർത്തവ വിരാമം[തിരുത്തുക]

ഏകദേശം 35 വയസ്സാവുമ്പോൾ അണ്ഡാശയത്തിലെ ഫോളിക്കിളുകൾ ക്ഷയിക്കാൻ തുടങ്ങുകയും അവ വളരെ കുറച്ചാവുമ്പോൾ അണ്ഡോൽപ്പാദനവും ആർത്തവവും നിലയ്ക്കുന്നു. ഇത് 45 വയസ്സിനും 55 വയസ്സിനും ഇടയ്ക്ക് സംഭവിക്കുന്നു.[2]

പരിണാമം[തിരുത്തുക]

അവലംബം[തിരുത്തുക]

  1. "WAYS TO SHORTEN A MENSTRUAL CYCLE". 
  2. page 104, All about human body, Addone Publishing Group


"http://ml.wikipedia.org/w/index.php?title=ആർത്തവം&oldid=1970385" എന്ന താളിൽനിന്നു ശേഖരിച്ചത്