സ്വവർഗലൈംഗികത

വിക്കിപീഡിയ, ഒരു സ്വതന്ത്ര വിജ്ഞാനകോശം.
(സ്വവർഗ്ഗരതി എന്ന താളിൽ നിന്നും തിരിച്ചുവിട്ടതു പ്രകാരം)

ഒരേ ലിംഗത്തിലോ ലിംഗതന്മയിലോ പെട്ടവർ തമ്മിലുള്ള ലൈംഗികമോ പ്രണയപരമോ ആയ ആകർഷണമാണ് സ്വവർഗലൈംഗികത. (Homosexuality). ഒരു ലൈംഗികചായ്‌വ് എന്ന നിലയിൽ സ്വന്തം ലിംഗത്തിൽ പെട്ട വ്യക്തിയോട് ലൈംഗികാഭിനിവേശവും പ്രണയവും തോന്നുന്നത് സ്വവർഗാനുരാഗം, സ്വവർഗപ്രണയം, സ്വവർഗപ്രേമം, സ്വവർഗസ്നേഹം എന്നൊക്കെ അറിയപ്പെടുന്നു. സ്വവർഗപ്രണയികൾക്ക് സ്വന്തം‌ ലിംഗത്തിലുള്ള വ്യക്തികളോട് മാത്രമേ ആകർഷണം തോന്നുകയുള്ളൂ. ആണിനോടും പെണ്ണിനോടും ആകർഷണം തോന്നുന്നവരെ ഉഭയവർഗപ്രണയി എന്ന് വിളിയ്ക്കുന്നു.[1]

എൽ.ജി.ബി.റ്റി. അവകാശപോരാട്ടങ്ങളുടെ പ്രതീകമായ മഴവിൽ പതാക

എതിർവർഗ്ഗലൈംഗികത (Heterosexuality), ഉഭയലൈംഗികത/ദ്വിവർഗ്ഗലൈംഗികത (Bisexuality) എന്നിവയ്ക്കൊപ്പം മനുഷ്യലൈംഗികതയുടെ തുടർച്ചയിലെ മൂന്നു പ്രധാന തരംതിരിവുകളിലൊന്നാണ് സ്വവർഗ്ഗലൈംഗികത.[2] ഒരാളുടെ ലൈംഗികത സ്വന്തം തിരഞ്ഞെടുപ്പല്ലെന്നും, മറിച്ച് വിവിധ ജൈവഘടകങ്ങളുടെയും വളർച്ചയിലെ ചുറ്റുപാടുകളുടെയും‌ [3][4] (പ്രാരംഭ ഭ്രൂണാവസ്ഥയിലേത് പ്രത്യേകിച്ച്)[5] സങ്കീർണ്ണമായ പ്രതിപ്രവർത്തനങ്ങളാൽ നിർണ്ണയിക്കപ്പെടുന്നതാണെന്നും ശാസ്ത്രലോകവും‌ വൈദ്യലോകവും വിശ്വസിക്കുന്നു. സ്വവർഗ്ഗാനുരാഗം 'പ്രകൃതിവിരുദ്ധമാണെന്നും' 'രോഗാവസ്ഥയാണെന്നും' വിശ്വസിക്കുന്നവരുണ്ടെങ്കിലും [6][7], മനുഷ്യലൈംഗികതയിലെ വളരെ സാധാരണമായ ഒരു വ്യതിയാനം മാത്രമാണ് സ്വവർഗ്ഗലൈംഗികതയെന്നും മനസ്സിനെ ദോഷമായ രീതിയിൽ‌ ബാധിക്കുന്ന ഒന്നല്ലെന്നും പഠനങ്ങൾ‌ തെളിയിച്ചിട്ടുണ്ട് [8] . എന്നാൽ‌ സ്വവർഗ്ഗാനുരാഗികളോടും ദ്വിവർഗ്ഗാനുരാഗികളോടും സമൂഹം വച്ചുപുലർത്തുന്ന മുൻധാരണകളും വെറുപ്പും വിവേചനവും അത്തരം വ്യക്തികൾക്ക് മാനസികസമ്മർദ്ദം ഉണ്ടാക്കാറുണ്ട്. [8] [9]

സ്വവർഗ്ഗാനുരാഗികൾ സമൂഹത്തിൽ എത്രയുണ്ടെന്ന് കണ്ടെത്തുന്നത് വിവിധ കാരണങ്ങളാൽ പ്രയാസമാണ്‌[10]. എങ്കിലും ചില പഠനങ്ങൾ സൂചിപ്പിക്കുന്നത് പടിഞ്ഞാറൻ സമൂഹത്തിലെ 6% മുതൽ 13% വരെ പേർ സ്വവർഗ്ഗനുരാഗികൾ ആണെന്നാണ് [ക] 2006-ൽ നടത്തിയ ഒരു പഠനം സൂചിപ്പിക്കുന്നത് ജനസംഖ്യയിലെ 20% പേർ സ്വവർഗാനുരാഗത്തോട് താല്പര്യമുള്ളവരാണെന്നാണ്‌. [11] മനുഷ്യനു പുറമെ മറ്റു പല ജന്തു സ്പീഷീസുകളിലും സ്വവർഗലൈംഗികത കാണപ്പെട്ടിട്ടുണ്ട്.[12] [13]

ഐക്യരാഷ്ട്രസഭയുടെ മനുഷ്യാവകാശ കൗൺസിൽ ലൈംഗികചായ്‌വോ ലിംഗതന്മയോ അടിസ്ഥാനത്തിലുള്ള വിവേചനം അന്താരാഷ്ട്ര മനുഷ്യാവകാശ നിയമങ്ങൾ പ്രകാരം തെറ്റാണെന്നും[14] സ്വവർഗലൈംഗികത കുറ്റമാക്കുന്ന നിയമങ്ങൾ മനുഷ്യാവകാശങ്ങളെ ലംഘിക്കുന്നുവെന്നും[15] ലൈംഗിക ന്യൂനപക്ഷങ്ങളെ സംരക്ഷിക്കേണ്ടത് അംഗരാജ്യങ്ങളുടെ കടമയാണെന്നും[16] പ്രസ്താവിച്ചിട്ടുണ്ട്.

  വിവരം ലഭ്യമല്ല
സ്വവർഗരതി നിയമമാക്കിയത്
  സ്വവർഗ്ഗ വിവാഹം ഉള്ളത്1
  മറ്റു തരത്തിലുള്ള ബന്ധങ്ങൾ (ലിവിംഗ് ടുഗെതർ)2
  വിദേശത്ത് നടന്ന സ്വവർഗ്ഗ വിവാഹത്തിനു അംഗീകാരം
  സ്വർഗ്ഗരതി ഇണകൾക്ക് അംഗീകാരമില്ല
സ്വവർഗരതി നിയമത്തിന് എതിരായത്
  ചെറിയ ശിക്ഷ
  ഉയർന്ന ശിക്ഷ
  ജയിൽ ശിക്ഷ
  വധശിക്ഷ

1Vermont (USA) effective 1 September 2009, Maine (USA) effective 14 September 2009, New Hampshire (USA) effective 1 January 2010
2Wisconsin (USA) effective 3 August 2009, Nevada (USA) effective 1 October 2009
v  d  e

പദപരിചയം[തിരുത്തുക]

ഇംഗ്ലീഷിൽ ഹോമോ എന്ന ഗ്രീക്ക് വാക്കും സെക്സ് എന്ന ലാറ്റിൻ പദത്തിൽ നിന്നുണ്ടായ സെക്ഷ്വാലിറ്റി എന്ന വാക്കും കൂട്ടിച്ചേർത്ത് ഹോമോസെക്ഷ്വലിറ്റി എന്ന് ഉപയോഗിക്കപ്പെടുന്നു. ഹിന്ദിയിൽ സമലൈംഗികത എന്ന വാക്ക് നിലവിലുണ്ട്.

സ്വവർഗലൈംഗികതയുള്ള പുരുഷനെ ഗേ അല്ലെങ്കിൽ സ്വവർഗപ്രണയി എന്നും സ്വവർഗലൈംഗികതയുള്ള സ്ത്രീയെ ലെസ്ബിയൻ അല്ലെങ്കിൽ സ്വവർഗപ്രണയിനി എന്നും വിളിക്കുന്നു.

ലെസ്ബിയൻ, ഗേ, ബൈസെക്ഷ്വൽ, ട്രാൻസ്ജെൻഡർ(അപരലിംഗർ) എന്നീ സമൂഹങ്ങളെ മൊത്തമായി സംബോധന ചെയ്യുന്നതിനുപയോഗിക്കുന്ന ചുരുക്കപ്പേരാണ് എൽ.ജി.ബി.റ്റി. ലൈംഗികന്യൂനപക്ഷം എന്ന വാക്കും നിലവിലുണ്ട്. ലൈംഗികത ചില ചട്ടക്കൂടുകൾക്കുള്ളിൽ പെടുത്തേണ്ട ഒന്നല്ല എന്ന് വിശ്വസിക്കുന്നവർ ലെസ്ബിയൻ, ഗേ എന്നിവയ്ക്ക് പകരം എതിർവർഗലൈംഗികതയിൽ നിന്ന് വ്യത്യസ്തർ എന്നു സൂചിപിക്കാൻ ക്വിയർ എന്ന പദം ഉപയോഗിക്കുന്നു. മധ്യലിംഗർ എന്നർഥം വരുന്ന ഇന്റർസെക്സ് എന്ന പദവും നിർലൈംഗികർ എന്നർഥം വരുന്ന എസെക്ഷ്വൽ എന്ന പദവും ചേർത്ത് ബദൽലൈംഗികതകളുടെ വൈവിധ്യത്തെ സൂചിപ്പിക്കാൻ എൽ.ജി.ബി.റ്റി.ക്യൂ.ഐ.എ എന്ന ചുരുക്കവും പ്രചാരത്തിലുണ്ട്. [17]

ചരിത്രം[തിരുത്തുക]

ലോകത്തിലെ പല സംസ്കാരങ്ങൾ പല സമയത്ത് പല രീതിയിലാണ് സ്വവർഗലൈംഗിതയെ സമീപിച്ചിട്ടുള്ളത്. ചിലപ്പോൾ അംഗീകരിച്ചും ചിലപ്പോൾ ഖണ്ഡിച്ചും സമൂഹങ്ങൾ ഇതിനോട് പ്രതികരിച്ചിട്ടുണ്ട്. അബ്രഹാമിക മതങ്ങൾ പിന്തുടരുന്ന മതസ്ഥാപനങ്ങൾ പലതും സ്വവർഗരതിയെ അസ്വീകാര്യമായി കാണുന്നു. സ്വവർഗാനുരാഗം പ്രകൃതിവിരുദ്ധമാണെന്ന ആശയത്തിന്റെ കരടുകൾ പുരാതന ഗ്രീക്കിലെ പ്ലാറ്റോ സ്വലിംഗത്തിൽ പെട്ടവരുടെ ഗുദഭോഗം അപ്രാകൃതികമാണെന്ന് പറഞ്ഞതിൽ കാണാം.[18]

ആഫ്രിക്ക[തിരുത്തുക]

ഈജിപ്തിലെ ഖ്നുമോട്ടെപ്പും നിയൻഖ്നുമ്മും ഒരുപക്ഷേ ചരിത്രത്തിൽ കുറിക്കപ്പെട്ട ആദ്യത്തെ സ്വവർഗപ്രണയജോഡിയാവാം. ഈജിപ്ഷ്യൻ ചിത്രകലയിൽ ഏറ്റവും കൂടുതൽ അടുപ്പം കാണിക്കാൻ ഉപയൊഗിക്കപ്പെട്ട മൂക്കുകൾ മുട്ടിയുള്ള നിൽപ്പിൽ ഈ ജോഡി വരയ്ക്കപ്പെട്ടിട്ടുണ്ട്.[19] എന്നാൽ ഇവർ ഇരട്ടകളായിരുന്നെന്ന വാദവും നിലവിലുണ്ട്. ലെസോതോ രാജ്യത്തിലെ സ്ത്രീകൾ സമൂഹം അംഗീകരിക്കുന്ന മൊത്സൊആലെ എന്ന ബന്ധങ്ങളിൽ ഏർപ്പെട്ടിരുന്നുവെന്ന് നരവംശപഠനങ്ങൾ പറയുന്നുണ്ട്.[20]

അമേരിക്കകൾ[തിരുത്തുക]

സ്പാനിഷുകാർ കോളനികൾ സ്ഥാപിക്കുന്നതിനു മുമ്പത്തെ ലാറ്റിൻ അമേരിക്കയിൽ അസ്റ്റെക്, മായൻ, കെചുവ, മോചെസ്, സപോതെക്സ്, തുപിനമ്പാ പോലുള്ള ആദിവാസിസമൂഹങ്ങളിൽ സ്വവർഗാനുരാഗികളും ലിംഗാതീതരും സാധാരണമായി ഉണ്ടായിരുന്നു.[21] എന്നാൽ സ്പാനിഷ് അധിപതികൾ ഇവർക്കിടയിലെ ഗുദഭോഗം ശിക്ഷാർഹമാക്കി.[22] എമേരിക്കൻ ഐക്യനാടുകളിലെ സുപ്രീം കോടതി 1986ൽ സ്വവർഗരതി ശിക്ഷാർഹമാക്കാമെന്നും 2003ൽ ഈ വിധി അസാധുവാണെന്നും വിധിച്ചു. ബ്രസീൽ, അർജന്റീന, ഉറുഗ്വായ് പോലുള്ള രാജ്യങ്ങളിൽ ഇന്ന് സ്വവർഗവിവാഹം നിയമപരമാണ്.

യൂറോപ്പ്[തിരുത്തുക]

പുരാതന ഗ്രീക്കിലെ പ്ലാറ്റോയുടെ ശിഷ്യനായിരുന്ന അരിസ്റ്റോട്ടിൽ തന്റെ ഗുരുവിന്റെ നിലപാടിനെ വിമർശിച്ചുകൊണ്ട് സ്വവർഗരതി ഒരു പ്രശ്നമല്ലെന്ന് വാദിക്കുന്നു.[23] ഗ്രീസിലെ സാഫോ എന്ന കവയിത്രിയുടെ കവിതകളിൽ സ്ത്രീസ്വവർഗാനുരാഗം യഥേഷ്ടം കാണാം. സ്ത്രീസ്വവർഗാനുരാഗത്തെ സൂചിപ്പിക്കാൻ ഇവരുടെ പേരിനെ അടിസ്ഥാനമാക്കി സാഫോയിസം എന്നും ഇവർ ജനിച്ച ലെസ്ബോസ് എന്ന ദ്വീപിനെ അടിസ്ഥാനമാക്കി ലെസ്ബിയനിസം എന്നും ഇന്നും ഉപയോഗിച്ചു പോരുന്നു.[24] [25] പുരാതന ഗ്രീസിലും റോമിലും ഒരു മുതിർന്ന പുരുഷനും ഒരു യുവാവും തമ്മിലുള്ള ലൈംഗികബന്ധം സാധാരണമായിരുന്നു.[26] ക്രിസ്തുവിനു ശേഷം വന്ന റോമൻ ചക്രവർത്തി ഥിയോഡോസിയസ് ഒന്നാമൻ A.D.390ൽ സ്വവർഗരതി ഒരു കുറ്റമാക്കിയെങ്കിലും[27] പുരുഷ ലൈംഗികതൊഴിലാളികളുടെ മേലുള്ള നികുതി AD498 വരെ തുടർന്നു.[28]

നവോത്ഥനകാലത്ത് ഫ്ലോറൻസ്, വെനീസ് പോലുള്ള പട്ടണങ്ങളിൽ ചില ശിക്ഷകൾ നിലവിലുണ്ടായിരുന്നുവെങ്കിലും സ്വവർഗരതി പതിവായിരുന്നു.[29] എന്നാൽ പതിമൂന്നാം നൂറ്റാണ്ടിലെ പ്രഭാഷകനായ ജിറോലമോ സവോനറോല സ്വവർഗരതി തെറ്റാണെന്നു വാദിച്ചതോടെ യൂറോപ്പിലെങ്ങും ഇത് ഒരു കുറ്റകൃത്യമായി മാറി.[30]

ആധുനികകാലത്ത് ഇംഗ്ലീഷ് എഴുത്തുകാരൻ തോമസ് കാനൻ സ്വവർഗരതിയെ അനുകൂലിച്ച് 1749ൽ പ്രബന്ധം എഴുതിയിരുന്നു. എന്നാൽ ഇത് അടിച്ചമർത്തപ്പെട്ടു.[31] 1785ൽ ജെറമി ബെന്തം മറ്റൊരു പ്രബന്ധം എഴുതിയെങ്കിലും ഇത് 1978ൽ മാത്രമേ പുറത്തു വന്നുള്ളൂ.[32] ഗുദഭോഗം 1803 വരെ നെതർലന്റ്സിലും 1835 വരെ ഇംഗ്ലണ്ടിലും ശിക്ഷാർഹമായ കുറ്റമായി തുടർന്നു. ഇന്ന് ഇംഗ്ലണ്ട്, ഫ്രാൻസ്, സ്പെയിൻ പോലുള്ള രാജ്യങ്ങളിൽ സ്വവർഗവിവാഹം ഒരു അവകാശമാണ്.

ഏഷ്യ[തിരുത്തുക]

പേർഷ്യയിലെ ഷാ അബ്ബാസ് ഒന്നാമൻ ഒരു യുവാവിനോടൊപ്പം

പുരാതന അസീറിയയിൽ സ്വവർഗബന്ധങ്ങൾ സാധാരണമായിരുന്നു. ഈ ബന്ധങ്ങൾക്ക് അനുഗ്രഹം തേടുന്ന പ്രാർത്ഥനകളും ഈ സമൂഹത്തിലുണ്ടായിരുന്നു.[33] എന്നാൽ ഇന്ന് മിക്ക പശ്ചിമേഷ്യൻ രാജ്യങ്ങളിലും സ്വവർഗരതി ശിക്ഷാർഹമായ കുറ്റമാണ്.

ശാന്തസമുദ്രത്തിലെ പാപുവ ന്യൂ ഗിനി പോലുള്ള മെലനേഷ്യൻ ദ്വീപുകളിലും സ്വവർഗലൈംഗികത സ്വീകാര്യമായിരുന്നു. എന്നാൽ യൂറോപ്പിൽ നിന്നുള്ള ക്രൈസ്തവ പ്രചാരകരുടെ വരവോടെ ഈ സമൂഹങ്ങളും സ്വവർഗലൈംഗികതയെ ഹീനമായി കാണാൻ തുടങ്ങി.[34]

ചൈനയിൽ 'മുറിഞ്ഞ കുപ്പായക്കൈയുടെ അഭിനിവേശങ്ങൾ' (ചൈനീസ്: 断袖之癖; pinyin: duànxiù zhī pǐ) എന്ന പേരിൽ ബി.സി. 600 മുതൽ സ്വവർഗലൈംഗികത കുറിക്കപ്പെട്ടിട്ടുണ്ട്.[35] ചൈനയെ ആഴത്തിൽ സ്വാധീനിച്ച കൺഫ്യൂഷനിസം എതിർ/സ്വവർഗലൈംഗികതയെ പറ്റി ഒന്നും പറഞ്ഞതേയില്ല. അഞ്ചാം നൂറ്റാണ്ടിൽ അധികാരത്തിൽ വന്ന ല്യൂ സൊങ് വംശത്തിന്റെ കാലത്തുണ്ടയ സാഹിത്യത്തിൽ സ്വവർഗാനുരാഗം മൂന്നാം നൂറ്റാണ്ട് മുതലേ ചൈനയിൽ സർവ്വസാധാരണമായിരുന്നു എന്ന് എഴുതപ്പെട്ടിട്ടുണ്ട്.[36] സ്വവർഗാനുരാഗത്തോട് എതിർപ്പ് പ്രകടമാകാൻ തുടങ്ങിയത് ചിങ് ഭരണത്തിന്റെ അവസാനകാലത്തും ഇന്നുള്ള ഭരണകൂടത്തിന്റെ കീഴിലും ആണ്.[37]

ഇന്ത്യയിൽ[തിരുത്തുക]

നിയമ പോരാട്ടം[തിരുത്തുക]

സ്വവർഗ്ഗരതി ഉൾപ്പെടെയുള്ള "പ്രകൃതിവിരുദ്ധ രതി" കുറ്റകരമാണെന്ന് ഇന്ത്യൻ നിയമാവലിയുടെ 377-വകുപ്പിൽ പറഞ്ഞിട്ടുണ്ട്. ബ്രിട്ടീഷുകാർ ഇന്ത്യയുൾപ്പെടെയുള്ള അവരുടെ കോളനികളിൽ 1860-ൽ അടിച്ചേൽപ്പിച്ചതാണ് ഈ നിയമം. 2009 ജൂലൈ 2-ന്‌ ദില്ലി ഹൈക്കോടതി നടത്തിയ ഒരു വിധിയിൽ പ്രായപൂർത്തിയായവർക്ക്‌ ഉഭയസമ്മതപ്രകാരം സ്വവർഗരതിയിൽ ഏർപ്പെടാമെന്ന്‌ ദില്ലി ഹൈക്കോടതി വിധിച്ചു[38][39]. എന്നാൽ ഈ വിധിക്കെതിരെ വിവിധ മത സംഘടനകളുൾപ്പെടെയുള്ളവർ നലകിയ അപ്പീലിൽ സുപ്രീം കോടതി,സ്വവർഗ്ഗ രതി ജീവപര്യന്തം വരെ തടവ്‌ ലഭിക്കാവുന്ന കുറ്റമായി നിർവചിക്കുന്ന 377-ആം വകുപ്പിൽ ഭരണഘടനാ പ്രശ്നമില്ലെന്ന് വിധിക്കുകയുണ്ടായി.[40].[41]ഇതോടെ, ഡെൽഹി ഹൈക്കോടതി വിധി സുപ്രീം കോടതി തള്ളിയിരിക്കുകയാണ്. ഇനി അപ്പീലിലൂടെ സുപ്രീം കോടതിയുടെ ഭരണഘടനാ ബഞ്ച് വിഷയം പരിഗണിക്കുന്നില്ലെങ്കിൽ പാർലിമെന്റിൽ നിയമ ഭേദഗതിയിലൂടെയുള്ള നടപടിയ്ക്ക് മാത്രമേ സാധ്യതയുള്ളൂ. സ്വവർഗ്ഗ രതി നിയമവിധേയമാക്കാം എന്ന നിലപാടാണ് കേന്ദ്രം കേസിൽ വാദം കേൾക്കുന്ന സമയത്ത് സ്വീകരിച്ചത്.

ഇന്ത്യൻ സൈക്യാട്രിസ്റ്റ് സൊസൈറ്റി 2014ൽ സ്വവർഗാനുരാഗം നിലവിലുള്ള ശാസ്ത്രീയ തെളിവുകളുടെയും മനഃശാസ്ത്രമേഖലയിലെ നല്ല പ്രവൃത്തിക്കായുള്ള മാർഗനിർദ്ദേശങ്ങളുടെയും അടിസ്ഥാനത്തിൽ ഒരു മാനസികരോഗം അല്ലെന്ന നിലപാട് സ്വീകരിച്ചു. [42][43]

സർക്കാർ ഇതര സംഘടനകൾ[തിരുത്തുക]

ഇന്ത്യയിൽ ഇന്നു ധാരാളം ലൈംഗിക ന്യൂനപക്ഷ അനുകൂല സർക്കാർ ഇതര സംഘടനകൾ പ്രവർത്തിയ്ക്കുന്നുണ്ട്. ഈ വിഭാഗത്തിൽ പെടുന്നവരുടെ സാമൂഹ്യ പ്രശ്നങ്ങളിൽ അവർക്ക് തണലാകുക, നിയമപരമായ കാര്യങ്ങളിലും വ്യക്തിപരമായ കൌൺസിലിങ്ങുകൾ നൽകുക, എച്ച് ഐ വി വ്യാപനം തടയുക, എയ്ഡ്സ് ബോധവൽക്കരണ പരിപാടികൾ നടത്തുക എന്നിങ്ങനെ ലൈംഗിക ന്യൂനപക്ഷങ്ങളിൽ പെടുന്നവരുടെ പ്രശനങ്ങളെ പൊതുവിൽ നേരിടുന്ന വേദികൾ എന്ന നിലയിൽ സജീവമായ ഇത്തരം പ്രധാനപ്പെട്ട ചില സംഘടനകളിൽ ഒന്നാണ് മുംബൈ അടിസ്ഥാനമാക്കി പ്രവർത്തിയ്ക്കുന്ന ഹംസഫർ ട്രസ്റ്റ്. [44]

കേരളത്തിൽ[തിരുത്തുക]

നേരിട്ട നിയമപ്രശ്നങ്ങൾ[തിരുത്തുക]

കേരളത്തിൽ സ്വവർഗപ്രണയവുമായി ബന്ധപ്പെട്ട് നിയമ നടപടികൾ [45]

  • 2013 ഓഗസ്റ്റിൽ, ഒന്നിച്ചു ജീവിക്കാൻ തീരുമാനിച്ച് ബംഗ്ലൂരിലേക്ക് തിരിച്ച സ്വവർഗപ്രണയിനികൾക്കെതിരെ മാതാപിതാക്കൾ കേരള ഹൈക്കോടതിയിൽ ഹേബിയസ് കോർപ്പസ് ഹർജി ഫയൽ ചെയ്തു. ബംഗ്ലൂരിലെ 'സംഗമ' എന്ന സംഘടനയുടെ പിന്തുണയിൽ കോടതിയിൽ ഹാജരായ പെൺകുട്ടികളിൽ ഒരാൾ മാതാപിതാക്കളോട് കൂടെ പോകുവാൻ തീരമാനിച്ചു.[46]

കുറിപ്പുകൾ[തിരുത്തുക]

.^ "[47][48][49][50][51][52][53][54][55][56][57]

ഇതുകൂടി കാണുക[തിരുത്തുക]


അവലംബം[തിരുത്തുക]

  1. https://www.scribd.com/doc/247099517/Mathrubhumi-Weekly-19-Jul-2009 പ്രണയം ഒരു മനുഷ്യാവകാശ പ്രശ്നമാണ് - കിഷോർ കുമാർ, മാതൃഭൂമി വാരിക 19 ജൂലൈ 2009
  2. "Sexual orientation and homosexuality". American Psychological Association. 2008. ശേഖരിച്ചത് 25 ജനുവരി 2015. 
  3. APA. "Understanding Sexual Orientation and Gender Identity". American Psychological Association. ശേഖരിച്ചത് 27 ജനുവരി 2015. 
  4. Frankowski BL; American Academy of Pediatrics Committee on Adolescence (June 2004). "Sexual orientation and adolescents". Pediatrics 113 (6): 1827–32. PMID 15173519. ഡി.ഒ.ഐ.:10.1542/peds.113.6.1827. 
  5. Royal College of Psychiatrists: Submission to the Church of England's Listening Exercise on Human Sexuality.
  6. Robinson, B. A. (2010). "Divergent beliefs about the nature of homosexuality". Religious Tolerance.org. ശേഖരിച്ചത് September 12, 2011. 
  7. Schlessinger, Laura (2010). "Dr. Laura Schlessinger and homosexuality". Religious Tolerance.org. ശേഖരിച്ചത് September 19, 2012. 
  8. 8.0 8.1 ""Therapies" to change sexual orientation lack medical justification and threaten health". Pan American Health Organization. ശേഖരിച്ചത് 26 May 2012.  archived here [1].
  9. Prajapati, ArpitC; Parikh, Sonal; Bala, DV (2014). "A study of mental health status of men who have sex with men in Ahmedabad city". Indian Journal of Psychiatry 56 (2): 161–164. PMID 24891704. ഡി.ഒ.ഐ.:10.4103/0019-5545.130498. ശേഖരിച്ചത് 25 ജനുവരി 2015. 
  10. LeVay, Simon (1996). Queer Science: The Use and Abuse of Research into Homosexuality. Cambridge: The MIT Press ISBN 0-262-12199-9
  11. McConaghy et al., 2006
  12. University of California - Riverside (17 June 2009). "Same-sex Behavior Seen In Nearly All Animals, Review Finds". Science Daily. 
  13. Sommer, Volker Sommer; Vasey, Paul L. (2006). Homosexual behaviour in animals : an evolutionary perspective. Cambridge: Cambridge Univeristy Press. ഐ.എസ്.ബി.എൻ. 0521864461. 
  14. UN Human Rights Council. "Combating discrimination based on sexual orientation and gender identity". 
  15. UN Human Rights Council. "Combatting discrimination based on sexual orientation and gender identity - Speeches and statements". United Nations Office of the High Commissioner for Human Rights. 
  16. UN Human Rights Council (2012). "Born Free and Equal: Sexual Orientation and Gender Identity in International Human Rights and Law". Geneva: United Nations Office of the High Commissioner for Human Rights. 
  17. Schulman, Michael (9 January 2013). "Generation LGBTQIA". The New York Times. 
  18. Plato (1972). The Laws. Penguin Books. p. 340. 
  19. Wilford, John Noble (20 December 2005). "A Mystery, Locked in Mystery Times". The New York Times. 
  20. Murray, Stephen; Roscoe, Will (1998). Boy Wives and Female Husbands: Studies of African Homosexualities. New York: St. Martin's Press. ഐ.എസ്.ബി.എൻ. 0-312-23829-0. 
  21. Summers, Claude J. "lbtq: An Encyclopedia of Gay, Lesbian, Bisexual, Transgender, and Queer Culture". glbtq Inc. 
  22. Coello de la Rosa, Alexandre (2002). "Good Indians", "Bad Indians", "What Christians?": The Dark Side of the New World". Delaware Review of Latin American Studies 3 (2). 
  23. Boswell, John (1980). Christianity, Social Tolerance, and Homosexuality: Gay People in Western Europe from the Beginning of the Christian Era to the Fourteenth Century. Chicago: University of Chicago Press. 
  24. Greene, Ellen (ed.) (1996). Re-reading Sappho: Reception and Transmission. Berkeley and Los Angeles, California: University of California Press. 
  25. "Sappho (ca 630?BCE)". glbtq. 2002. ശേഖരിച്ചത് 26 ജനുവരി 2015. 
  26. Hubbard, Thomas K (ed.) (2003). Homosexuality in Ancient Greece and Rome. Berkeley and Los Angeles, California: University of California Press. 
  27. Crompton, Louis (2006). Homosexuality and Civilization (ആദ്യത്തെ പേപ്പർബാക്ക് എഡി.). Cambridge, Massachusetts: Harvard University Press. pp. 133–134. ഐ.എസ്.ബി.എൻ. 0674022335. ശേഖരിച്ചത് 26 ജനുവരി 2015. 
  28. McGinn, Thomas A.J. (1998). Prostitution, Sexuality and the Law in Ancient Rome. New York: Oxford University Press. p. 273. ഐ.എസ്.ബി.എൻ. 9780195161328. ശേഖരിച്ചത് 26 ജനുവരി 2015. 
  29. Ruggiero, Guido (1989). The boundaries of eros : sex crime and sexuality in Renaissance Venice (Paperback[ -Ausg.], 5. [Dr.]. എഡി.). New York: Oxford University Press. ഐ.എസ്.ബി.എൻ. 9780195056969. 
  30. Rocke, Michael (1996). Forbidden friendships : homosexuality and male culture in Renaissance Florence ([Nachdr.]. എഡി.). New York: Oxford Univ. Press. ഐ.എസ്.ബി.എൻ. 01-95069-75-7. 
  31. Gladfelder, Hal (2006). In Search of Lost Texts: Thomas Cannon's 'Ancient and Modern Pederasty Investigated and Exemplified. Institute of Historical Research. 
  32. Bentham, Jeremy (1978). "Offences Against One's Self". Journal of Homosexuality 3,4: 389–405. 
  33. Neill, James (2009). The origins and role of same-sex relations in human societies. Jefferson, N.C.: McFarland & Co. p. 83. ഐ.എസ്.ബി.എൻ. 9780786435135. ശേഖരിച്ചത് 26 ജനുവരി 2015. 
  34. Herdt, Gilbert, H. (ed.) (1993). Ritualised homosexuality in Melanesia. London: University of California Press. ഐ.എസ്.ബി.എൻ. 0-520-08096-3. 
  35. Hinsch, Bret (1992). Passions of the cut sleeve : the male homosexual tradition in China. Berkeley: University of California Press. ഐ.എസ്.ബി.എൻ. 9780520078697. 
  36. Geng, Song (2004). The fragile scholar : power and masculinity in Chinese culture. Hong Kong: Hong Kong University Press. ഐ.എസ്.ബി.എൻ. 978-962-209-620-2. 
  37. Kang, Wenqing (2009). Obsession: male same-sex relations in China, 1900-1950. Hong Kong: Hong Kong University Press. ഐ.എസ്.ബി.എൻ. 9789622099814. 
  38. "Homosexuality no crime: Delhi High Court". Times Of India. ശേഖരിച്ചത് 2009-07-02. 
  39. "സ്വവർഗരതി കുറ്റകരമല്ല: ദില്ലി ഹൈക്കോടതി" (ഭാഷ: Malayalam). Mathrubhumi. ശേഖരിച്ചത് 2009-07-02. 
  40. http://lifeglint.com/content/india/131211/gay-sex-is-criminal-offence-supreme-court സ്വവർഗ്ഗരതി നിയമ വിരുദ്ധം തന്നെയെന്നു സുപ്രീം കോടതി
  41. http://malabarinews.com/news/sex-gay-high-court-order/ സ്വവർഗ്ഗാനുരാഗം തെറ്റു തന്നെ;സുപ്രീം കോടതി.മലബാരി ന്യൂസ്
  42. Iyer, Malathy (7 February 2014). "Homosexuality is not a disease, psychiatrists say". Times of India. ശേഖരിച്ചത് 25 ജനുവരി 2015. 
  43. "Homosexuality not mental illness, disease: Indian Psychiatric Society". First Post. 7 February 2014. ശേഖരിച്ചത് 25 ജനുവരി 2015. 
  44. http://www.dnaindia.com/mumbai/report-humsafar-trust-naz-foundation-to-boost-lgbtqi-movement-after-receiving-rs-1-crore-donation-2034092
  45. Sangama (13 August 2013). "Sangama wins lesbian case in Kerala High Court: Press release". Bangalore: Praja Rajakiya Vedike. 
  46. FIR (TV Show) (13 August 2013). "Lesbian marriage case". Asianet News. 
  47. ACSF Investigators (1992). AIDS and sexual behaviour in France. Nature, 360, 407–409.‌
  48. Billy, J. O. G., Tanfer, K., Grady, W. R., & Klepinger, D. H. (1993). The sexual behavior of men in the United States. Family Planning Perspectives, 25, 52–60.
  49. Binson, D., Michaels, S., Stall, R., Coates, T. J., Gagnon, & Catania, J. A. (1995). Prevalence and social distribution of men who have sex with men: United States and its urban centers. Journal of Sex Research, 32, 245–254.
  50. Bogaert, A. F. (2004). The prevalence of male homosexuality: The effect of fraternal birth order and variation in family size. Journal of Theoretical Biology, 230, 33–37. [2] Bogaert argues that: "The prevalence of male homosexuality is debated. One widely reported early estimate was 10% (e.g., Marmor, 1980; Voeller, 1990). Some recent data provided support for this estimate (Bagley and Tremblay, 1998), but most recent large national samples suggest that the prevalence of male homosexuality in modern western societies, including the United States, is lower than this early estimate (e.g., 1–2% in Billy et al., 1993; 2–3% in Laumann et al., 1994; 6% in Sell et al., 1995; 1–3% in Wellings et al., 1994). It is of note, however, that homosexuality is defined in different ways in these studies. For example, some use same-sex behavior and not same-sex attraction as the operational definition of homosexuality (e.g., Billy et al., 1993); many sex researchers (e.g., Bailey et al., 2000; Bogaert, 2003; Money, 1988; Zucker and Bradley, 1995) now emphasize attraction over overt behavior in conceptualizing sexual orientation." (p. 33) Also: "...the prevalence of male homosexuality (in particular, same-sex attraction) varies over time and across societies (and hence is a ‘‘moving target’’) in part because of two effects: (1) variations in fertility rate or family size; and (2) the fraternal birth order effect. Thus, even if accurately measured in one country at one time, the rate of male homosexuality is subject to change and is not generalizable over time or across societies." (p. 33)
  51. Fay RE, Turner CF, Klassen AD, Gagnon JH (January 1989). "Prevalence and patterns of same-gender sexual contact among men". Science 243 (4889): 338–48. PMID 2911744. 
  52. Johnson AM, Wadsworth J, Wellings K, Bradshaw S, Field J (December 1992). "Sexual lifestyles and HIV risk". Nature 360 (6403): 410–2. PMID 1448163. ഡി.ഒ.ഐ.:10.1038/360410a0. 
  53. Laumann, E. O., Gagnon, J. H., Michael, R. T., & Michaels, S. (1994). The social organization of sexuality: Sexual practices in the United States. Chicago: University of Chicago Press.
  54. Sell RL, Wells JA, Wypij D (June 1995). "The prevalence of homosexual behavior and attraction in the United States, the United Kingdom and France: results of national population-based samples". Arch Sex Behav 24 (3): 235–48. PMID 7611844. 
  55. Wellings, K., Field, J., Johnson, A., & Wadsworth, J. (1994). Sexual behavior in Britain: The national survey of sexual attitudes and lifestyles. London, UK: Penguin Books.
  56. Norway world leader in casual sex, Aftenposten
  57. Sex uncovered poll: Homosexuality, Guardian

"http://ml.wikipedia.org/w/index.php?title=സ്വവർഗലൈംഗികത&oldid=2133090" എന്ന താളിൽനിന്നു ശേഖരിച്ചത്