അഗർത്തല

ഇംഗ്ലീഷ് വിലാസം

https://ml.wikipedia.org/wiki/Agartala

ത്രിപുരയുടെ തലസ്ഥാനമാണ്‌ അഗര്‍ത്തല(ബംഗാളി:আগরতলা Agortôla). ബംഗ്ലാദേശ് അതിര്‍ത്തിയില്‍നിന്നും രണ്ട് കിലോമീറ്റര്‍ അകലെ സ്ഥിതിചെയ്യുന്ന ഈ നഗരത്തിലെ ജനസംഖ്യ, 2004-ല്‍ സമീപസ്ഥങ്ങളായ ചില ഗ്രാമങ്ങള്‍ കൂട്ടിച്ചേര്‍ത്ത് വിപുലീകരിച്ചതിനുശേഷം 367,822 ആണ്‌ (2001-ലെ കണക്കുകള്‍ പ്രകാരം 1,89,327 ആയിരുന്നു.).

ചരിത്രം

സ്വാധീന്‍ ത്രിപുര നാട്ടുരാജ്യത്തിന്റെ തലസ്ഥാനം തെക്കന്‍ ത്രിപുരയില്‍ ഉദയ്പൂരിലെ , ഗോമതീ തീരത്തെ രംഗമതി ആയിരുന്നു. കൃഷ്ണ കിഷോര്‍ മാണിക്യ മഹാരാജാവ് ഹോറ നദിയുടെ തീരത്തുള്ള ഹവേലിയിലേക്ക് മാറ്റി(ഇപ്പോഴത്തെ പഴയ അഗര്‍ത്തല). കൂക്കികളുടെ ആക്രമണം നിമിത്തവും ബ്രിട്ടീഷ് ബംഗാളുമായുള്ള സാമീപ്യത്തിനും വേണ്ടി 1849-ല്‍ തലസ്ഥാനം ഇപ്പോഴത്തെ അഗര്‍ത്തലയിലേക്ക് (പുതിയ ഹവേലി) മാറ്റുകയാണുണ്ടായത്.