തരംഗം (ചലച്ചിത്രം)

ഇംഗ്ലീഷ് വിലാസം

https://ml.wikipedia.org/wiki/Tharangam_(2017_film)

തരംഗം
പ്രമാണം:Tharangam01.jpg ഔദ്യോഗിക പോസ്റ്റർ
സംവിധാനം	ഡൊമിനിക് അരുൺ
അഭിനേതാക്കൾ	ടൊവിനോ തോമസ് ഉണ്ണി മുകുന്ദൻ
സംഗീതം	അശ്വിൻ രഞ്ജു
റിലീസിങ് തീയതി	സെപ്റ്റംബർ 29,2017
രാജ്യം	ഇന്ത്യ
ഭാഷ	മലയാളം
സമയദൈർഘ്യം	153 minutes

നവാഗതനായ ഡൊമിനിക് അരുൺ സംവിധാനം ചെയ്ത് ടോവിനോ തോമസും, ബാലു വർഗീസും മുഖ്യ വേഷത്തിലഭിനയിച്ചു 2017-ൽ പുറത്തിറങ്ങിയ മലയാള ചലച്ചിത്രമാണ് തരംഗം. ധനുഷ് നിർമിച്ച ഈ ചിത്രത്തിൽ സൈജു കുറുപ്പ്, അലെൻസിയർ, മനോജ് കെ ജയൻ തുടങ്ങിയവരും അഭിനയിച്ചിരിക്കുന്നു.

കഥ

പദ്മനാഭൻ (ടൊവിനോ തോമസ്) എന്ന പപ്പൻ ഒരു പോലീസുകാരൻ ആണ്. ജോയിയും(ബാലു വർഗീസ്) പപ്പന്റെ കൂടെ തന്നെയാണ് ജോലി ചെയുന്നത്. പപ്പന്റെയും ജോയിയുടെയും മേൽ ഉദ്യഗസ്ഥനാണ് ആന്റണി ഗോൺസാൽവേസ്‌(മനോജ് കെ ജയൻ). ആന്റണിയുമായി പപ്പനും ജോയിയും കള്ള കടത്തുകാരെ പിടിക്കാൻ ഒരുക്കുന്ന ഒരു ദൗത്യം പരാജയപ്പെടുന്നു. തുടർന്ന് കള്ളക്കടത്തു സംഘം രക്ഷപെടുന്നു. ഇതേ തുടർന്ന് പപ്പനും ജോയിയും സസ്‌പെഷനിൽ ആകുന്നു, ആന്റണി മരണപ്പെടുന്നു. പപ്പന്റെ കാമുകിയാണ് മാലിനി(ശാന്തി ബാലചന്ദ്രൻ). സസ്പെന്ഷൻ കാരണം പപ്പൻ സാമ്പത്തീക ഞെരുക്കത്തിൽ ആകുന്നു. ഈ പ്രശ്‍നം കാരണം പൈസ എളുപ്പം നേടുന്നതിനായി ഓമന(നേഹ അയ്യർ) എന്ന സ്ത്രീയെ രഹസ്യമായി നിരീക്ഷിക്കുന്ന ഉദ്യമം ജോയിയും പപ്പനും ഏറ്റെടുക്കുന്നു. എന്നാൽ ഓമനയുടെ ഭർത്താവ് തര്യൻ(ഷമ്മി തിലകൻ) കൊലപ്പെടുന്നതോടെ കാര്യങ്ങൾ കൂടുതൽ കുഴപ്പത്തിൽ ആകുന്നു. ഇതിനിടയിലേക്കു ടർക്കിയിൽ നിന്നും രഘു(ഉണ്ണി മുകുന്ദൻ ) കുടി വരുന്നതോടെ ഈ ത്രില്ലർ ചിത്രം അതിന്റെ സംഗീർണ്ണമായ ക്ലൈമാക്സിലേക്ക് നീളുന്നു.

അഭിനേതാക്കൾ

• ടൊവിനോ തോമസ് - പദ്മനാഭൻ
• ബാലു വർഗീസ് - ജോയ്
• സൈജു കുറുപ്പ്
• അലെൻസിയർ
• ശാന്തി ബാലചന്ദ്രൻ -മാലിനി
• മനോജ് കെ ജയൻ
• നേഹ അയ്യർ
• ദിലീഷ് പോത്തൻ
• ഷമ്മി തിലകൻ
• ഉണ്ണി മുകുന്ദൻ - രഘു

റിലീസ്

2017 സെപ്തംബര് 29-നാണു തരംഗം റിലീസ് ചെയുന്നത്. വൻവിജയമായിതീർന്ന രാമലീല എന്ന ചിത്രവും ഇതോടൊപ്പമാണ് റിലീസ് ആയതു .

പുറത്തേക്കുള്ള കണ്ണികൾ

• തരംഗം ഇന്റർനെറ്റ് മൂവി ഡാറ്റാബേസിൽ