ചെമ്പൻ മുള്ളൻകോഴി

ഇംഗ്ലീഷ് വിലാസം

https://ml.wikipedia.org/wiki/Red_Spurfowl

ചെമ്പൻ മുള്ളൻകോഴി
പരിപാലന സ്ഥിതി
ഒട്ടും ആശങ്കാജനകമല്ല  (IUCN 3.1)
ശാസ്ത്രീയ വർഗ്ഗീകരണം
കിങ്ഡം:	Animalia
Phylum:	Chordata
Class:	Aves
Order:	Galliformes
Family:	Phasianidae
Genus:	Galloperdix
Species:	G. spadicea
Binomial name
Galloperdix spadicea (Gmelin, 1789)

കോഴികളും കാടകളും മയിലുകളും അടങ്ങുന്ന ഫാസിയാനിഡ എന്ന കുടുംബത്തിൽ പെട്ട ഒരു പക്ഷിയാണ് ചെമ്പൻ മുള്ളൻകോഴി. ഇവയുടെ ഇംഗ്ളീഷ് പേര് Red Spurfowl എന്നാണ്. കുന്നിൻ ചരിവുകളിലും പറങ്കിമാവ് തോട്ടങ്ങളിലുമൊക്കെ കാണുന്ന ഈ പക്ഷി നാടൻകോഴിയേക്കാൾ ചെറുതാണ്.

രൂപവിവരണം

പൂവന് തിളങ്ങുന്ന ചെമ്പൻ നിറമാണ്. പിട പൂവനെക്കാൾ ചെറുതും ഇരുണ്ട നിറക്കാരിയുമാണ്. പൂവന് അങ്കവാലില്ല.ശ്രീരം ചെമ്പിച്ച തവിട്ടു നിറമാണ്. കണ്ണിന്റെ ചുറ്റുമുള്ള നഗ്നമായ ഭാഗം ചുവപ്പാണ്. ആൺപക്ഷിയുടെ കാലിനു പിന്നിൽ 2-4 മുള്ളുകൾ കാണും. തലയുടെ മുകൾ ഭാഗം ഇരുണ്ട നിറമാണ്. തലയിലെ തൂവലുകൾചിലപ്പോൾ ശിഖ പോലെ ഉയർന്നു നിൽക്കും എ ന്നാൽ ഇവയ്ക്ക് പൂവില്ല.

സ്വഭാവം, ആഹാരരീതി

പൊതുവെ വളരെ നാണംകുണുങ്ങികളാണ്, മനുഷ്യർ വസിക്കുന്ന സ്ഥലങ്ങളിലേക്ക് അധികം വരാറില്ല. കാട്ടുകോഴിയുടെ അതെ ആഹാരരീതി ആണ് ഇവക്കുള്ളത്.ഷഡ്പദങ്ങളും, ചെറിയ പഴങ്ങളും, വിത്തുകളും മണ്ണിൽ ചിക്കി ചികഞ്ഞു കഴിക്കുന്നതാണ് ശീലം.

ശബ്ദം

ഗിനി കോഴിയെ അനുസ്മരിപ്പിക്കുന്ന തരത്തിലുള്ള വേഗത്തിലുള്ള കൊക്കൽ

പ്രജനനം

നിലത്താണ് കൂട് കെട്ടുന്നത്. മുട്ടകൾ ചന്ദനനിറം ഉള്ളതും 3 സെ.മീ നീളവും കോഴിമുട്ടയുടെ ആകൃതി ഉള്ളതുമാണ്.ഒരുതവണ രണ്ടോ മൂന്നോ മുട്ടകളാണ് ഇടാറ്. കുഞ്ഞുങ്ങൾ മുതിർന്നവർക്കൊപ്പം ഇരതേടാനിറങ്ങുന്നു. പറക്കാൻ കഴിവ് കുറവായ ഇവ അതിവേഗം ഓടുന്നു. തെക്കൻ മലബാറിലെ വീട്ടുവളപ്പുകളിൽ ഈ പക്ഷി കാണപ്പെടുന്നു.

വിതരണം, ആവാസസ്ഥലം

ഇന്ത്യ മുഴുവനായും (വടക്ക് -കിഴക്കൻ സംസ്ഥാനങ്ങൾ ഒഴിച്ച് )ഇടവിട്ട സ്ഥലങ്ങളിൽ കാണപ്പെടുന്നു. നിത്യഹരിത വനങ്ങളിലും,  ഇലപൊഴിയും വനങ്ങളിലും, മലപ്രദേശങ്ങളിലും കാണപ്പെടുന്നു.