കുരീപ്പുഴ ശ്രീകുമാർ
കുരീപ്പുഴ ശ്രീകുമാർ | |
|---|---|
 കുരീപ്പുഴ ശ്രീകുമാർ | |
| Occupation | സാഹിത്യകാരൻ /കവി |
| Language | മലയാളം |
| Nationality |  ഇന്ത്യ |
ആധുനികാനന്തരതലമുറയിലെ ശ്രദ്ധേയനായ മലയാളകവിയാണ് കുരീപ്പുഴ ശ്രീകുമാർ. കൊല്ലം ജില്ലയിലെ കുരീപ്പുഴയിൽ 1955 ഏപ്രിൽ 10-ന് പി.എൻ. ശാസ്ത്രിയുടേയും കെ.കമലമ്മയുടേയും മകനായി ജനിച്ചു. ജാതി-മത വിശ്വാസിയല്ല .[1] ആഫ്രോ ഏഷ്യൻ യങ്ങ് റൈറ്റെഴ്സ് കോൺഫറൻസിൽ ഇന്ത്യയേയും, ദേശീയ കവിസമ്മേളനത്തിൽ മലയാളത്തേയും പ്രതിനിധീകരിച്ചിട്ടുണ്ട് . കൂട്ടുകാരി-കെ.സുഷമകുമാരി, മകൻ-നെസിൻ.
ഒരു ഹൈന്ദവദേവന്റെ പേരിലുള്ളതായതിനാൽ ശ്രീപദ്മനാഭസ്വാമി പുരസ്കാരം അദ്ദേഹം നിരസിക്കുകയുണ്ടായി.[2]
കുരീപ്പുഴ ശ്രീകുമാർ നവമാധ്യമമായ ഫേസ്ബുക്കിലൂടെ -ഇന്ന് വായിച്ച കവിത- എന്ന പംക്തിയിലൂടെ ദിവസേന ഓരോ കവികളുടെ, കവിത വായനക്കാർക്കായി പങ്കുവെയ്ക്കുന്നു. ഞായറാഴ്ചകളിൽ മൺമറഞ്ഞ മലയാള കവികളുടെ കവിതകളാണ് പങ്കുവെയ്ക്കുക - ഇന്നും വായിച്ച കവിത- എന്നാണ് ഞായറാഴ്ച പംക്തിക്ക് പേര്. കൂടാതെ തിങ്കളാഴ്ച മറ്റ് ഭാഷയിലെ കവിതകളുടെ മലയാള പരിഭാഷയും പങ്കുവെയ്ക്കുന്നു. സുരേഷ് കുറുമുള്ളൂർ, വിനോദ് വെള്ളായണി, മിനി ഫ്രാൻസിസ്, ടി.കെ ഉണ്ണി, തുടങ്ങി നിരവധി കവികൾ കുരീപ്പുഴയുടെ പാത പിന്തുടർന്ന് ഫേസ്ബുക്കില് നിത്യവും മറ്റു കവികളുടെ കവിതകൾ പങ്കുവെയ്ക്കുന്നവരാണ്. മലയാള കവിതാസ്വാദന രംഗത്ത് കുരീപ്പുഴ ശ്രീകുമാറിന്റെ ഈ പരീക്ഷണം വളരെ അധികം ശ്രദ്ധപിടിച്ചുപറ്റിയിട്ടുണ്ട്.
ഹിന്ദുത്വ ഭീഷണി[തിരുത്തുക]
കൊല്ലം കോട്ടുക്കലിൽ കൈരളി ഗ്രന്ഥശാലയുടെ വാർഷികത്തോടനുബന്ധിച്ചുള്ള സംസ്കാരിക സമ്മേളനത്തിൽ പങ്കെടുത്തു മടങ്ങുമ്പോൾ ഒരു സംഘം ബിജെപി പ്രവർത്തകർ തടഞ്ഞു നിർത്തി ആക്രമണ ഭീഷണി മുഴക്കിയതായി മാധ്യമങ്ങൾ റിപ്പോർട്ട് ചെയ്തിരുന്നു.[3] ആക്രമണശ്രമവുമായി ബന്ധപ്പെട്ട് ബി.ജെ.പി. ഗ്രാമപഞ്ചായത്തംഗം അടക്കം 6 പേരെ കടയ്ക്കൽ പൊലീസ് അറസ്റ്റ് ചെയ്തു.[4] സമ്മേളനം ഉദ്ഘാടനം ചെയ്യുന്നതിനിടെ വടയമ്പാടി ജാതി മതിൽ സമരത്തെയും ചിത്രകാരൻ അശാന്തന്റെ മൃതദേഹത്തോട് അനാദരവ് കാട്ടിയതിനെക്കുറിച്ചും ശ്രീകുമാർ പരാമർശിച്ചിച്ചിരുന്നു. സംഭവത്തെത്തുടർന്ന് സാംസ്കാരിക പ്രവർത്തകരുടെയും സംഘടനകളുടെയും നേതൃത്വത്തിൽ പ്രതിഷേധ പ്രകടനങ്ങളും യോഗങ്ങളും നടന്നു.
പ്രധാനകൃതികൾ[തിരുത്തുക]
- പെണങ്ങുണ്ണി
- ശ്രീകുമാറിന്റെ ദുഃഖങ്ങൾ
- രാഹുലൻ ഉറങ്ങുന്നില്ല
- അമ്മ മലയാളം
- ഹബീബിന്റെ ദിനക്കുറിപ്പുകൾ
- കുരീപ്പുഴ ശ്രീകുമാറിന്റെ കവിതകൾ
- കീഴാളൻ
- യക്ഷിയുടെ ചുരിദാർ(നഗ്നകവിതകൾ)
- നരകത്തിലേക്ക് ഒരു ടിക്കറ്റ്(നഗ്നകവിതകൾ)
- ഇത്തിരിസ്നേഹമുണ്ടോ സിറിഞ്ചിൽ
- കുരീപ്പുഴ ശ്രീകുമാറിന്റെ ലേഖനങ്ങൾ.
- Suicide Point (കവിതകളുടെ ഇംഗ്ലിഷ് മൊഴിമാറ്റം. (ആർ.രാമൻ നായർ) കൊൽക്കത്തയിൽ നിന്നും പ്രസിദ്ധീകരിച്ചു.)
പുരസ്കാരങ്ങൾ[തിരുത്തുക]
- കേരള സർവ്വകലാശാലാ യുവജനോത്സവത്തിൽ കവിതാരചനയ്ക്ക് ഒന്നാം സ്ഥാനം(1975)
- വൈലോപ്പിള്ളി പുരസ്കാരം(1987)
- അബുദാബി ശക്തി അവാർഡ്
- സംസ്ഥാന ബാലസാഹിത്യ അവാർഡ്
- പുനലൂർ ബാലൻ ഫൗണ്ടേഷൻ അവാർഡ് (2019)
- ഭീമ ബാലസാഹിത്യ അവാർഡ്
- മഹാകവി പി.പുരസ്കാരം.
- ശ്രീപത്മനാഭ സ്വാമി സമ്മാനം.(സെക്കുലറിസം മുൻനിർത്തി നിരസിച്ചു)
- കേസരി പുരസ്കാരം.
- ഡോ.എ.ടി.കോവൂർ,എം.സി.ജോസഫ്,പവനൻ പുരസ്കാരങ്ങൾ.
- കേരള സാഹിത്യ അക്കാദമി പുരസ്കാരം (2011) കീഴാളൻ എന്ന കവിതാ സമാഹാരത്തിന്[5]
അവലംബം[തിരുത്തുക]
- ↑ http://www.keralasahityaakademi.org/ml_aw13.htm
- ↑ "Briefly: Poet rejects Akademi award". The Hindu. 11 February 2004. മൂലതാളിൽ നിന്നും 2004-03-24-ന് ആർക്കൈവ് ചെയ്തത്. ശേഖരിച്ചത് 10 January 2010.
The noted poet, Kureepuzha Sreekumar, who won the Kerala Sahithya Akademi award for the best work in children's literature for his work Penangunni, has rejected the award. In a brief statement here today, Mr. Sreekumar said he was rejecting the award because it was named after a Hindu God, Sree Padmanabha.
- ↑ "കവി കുരീപ്പുഴ ശ്രീകുമാറിനു നേരെ ആക്രമണം; അന്വേഷണത്തിന് നിർദ്ദേശം". 05 February 2018. ശേഖരിച്ചത് 14 February 2018.
{{cite news}}: Check date values in:|date=(help) - ↑ "കുരീപ്പുഴ ശ്രീകുമാറിന് നേരെ കൈയേറ്റ ശ്രമം: 6 പേർ അറസ്റ്റിൽ". news.keralakaumudi.com. keralakaumudi. 07.2.2018. ശേഖരിച്ചത് 14.2.2018.
{{cite web}}: Check date values in:|access-date=and|date=(help) - ↑ http://www.keralasahityaakademi.org/pdf/Akademi%20Award%20-%202011.pdf
പുറത്തേക്കുള്ള കണ്ണികൾ[തിരുത്തുക]
- കവിത രാഷ്ട്രീയം[പ്രവർത്തിക്കാത്ത കണ്ണി]
- പുഴ.കോം ലെ പരിചയം Archived 2012-09-05 at the Wayback Machine.
- ചിന്ത.കോം Archived 2010-12-12 at the Wayback Machine.