ജലമണ്ഡലം
ജലമണ്ഡലം എന്നത് ( ഗ്രീക്കിൽ നിന്ന് ὕδωρ hydōr, "ജലം"[1], σφαῖρα sphaira, "മണ്ഡലം"[2]) ഗ്രഹം, പ്രകൃത്യായുള്ള ഉപഗ്രഹങ്ങൾ എന്നിവയുടെ ഉപരിതലത്തിലും പ്രതലത്തിനുള്ളിലും എല്ലാമായി കാണപ്പെടുന്ന ജലത്തിന്റെ ഒന്നിച്ചുള്ള ആകെ പിണ്ഡമാണ്.
1389 മില്യൺ ക്യുബിക് കിലോമീറ്റർ ജലം ഭൗമോപരിതലത്തിൽ ഉള്ളതായാണ് കണക്കാക്കിയിട്ടുള്ളത്. [3] ഭൂഗർഭജലസ്രോതസ്സുകൾ, സമുദ്രങ്ങൾ, തടാകങ്ങൾ, അരുവികൾ തുടങ്ങിയവയിലെ ദ്രാവകാവസ്ഥയിലും ഖരാവസ്ഥയിലുമുള്ള ജലം ഇതിൽ ഉൾപ്പെടുന്നു. ഇതിൽ 97.5% വും ഉപ്പുവെള്ളമാണ്. 2.5% മാത്രമാണ് ശുദ്ധജലമുള്ളത്. ഈ ശുദ്ധജലത്തിൽത്തന്നെ 68.9% വും ആർട്ടിക്ക്, അന്റാർട്ടിക്ക, പർവ്വത ഗ്ലേസിയറുകൾ എന്നിവിടങ്ങളിലെ ഐസിന്റേയും സ്ഥിരമായുള്ള മഞ്ഞിന്റെ ആവരണരൂപത്തിലുമാണുള്ളത്. 30.8% ജലം ശുദ്ധമായ ഭൂഗർഭജലത്തിന്റെ രൂപത്തിൽ കാണപ്പെടുന്നു. ഭൂമിയിലെ ശുദ്ധജലത്തിൽ 0.3% മാത്രമാണ് കരയിൽ തടാകങ്ങൾ, സംഭരണികൾ, നദീവ്യവസ്ഥകൾ എന്നിവിടങ്ങളിൽ പെട്ടെന്നുപയോഗിക്കാൻ കഴിയും വിധമുള്ളത്. [3]
ഭൂമിയുടെ ജലമണ്ഡലത്തിന്റെ ആകെ പിണ്ഡം ഏകദേശം 1.4 × 1018 ടൺ ആണ്. ഇത് ഭൂമിയുടെ ആകെ പിണ്ഡത്തിന്റെ ഏകദേശം 0.023% ആണ്. ഇതിൽ ഏകദേശം 2 × 1013 ടൺ ഭൂമിയുടെ അന്തരീക്ഷത്തിലെ ജലബാഷ്പത്തിന്റെ രൂപത്തിലാണ്. ഭൂമിയുടെ ഉപരിതലത്തിന്റെ ഏകദേശം 71%, അതായത് 361 ദശലക്ഷം ചതുരശ്ര കിലോമീറ്റർ (139.5 ദശലക്ഷം ചതുരശ്ര മൈൽ) വിസ്തീർണ്ണം, സമുദ്രത്താൽ മൂടപ്പെട്ടിരിക്കുന്നു.[4]
ഇതും കാണുക
[തിരുത്തുക]കുറിപ്പുകൾ
[തിരുത്തുക]അവലംബം
[തിരുത്തുക]- ↑ ὕδωρ, Henry George Liddell, Robert Scott, A Greek-English Lexicon, on Perseus
- ↑ σφαῖρα, Henry George Liddell, Robert Scott, A Greek-English Lexicon, on Perseus
- 1 2 World Water Resources: A New Appraisal and Assessment for the 21st Century (Report). UNESCO. 1998. Archived from the original on 27 September 2013. Retrieved 13 June 2013.
- ↑ Kennish, Michael J. (2001). Practical handbook of marine science. Marine science series (3rd ed.). CRC Press. p. 35. ISBN 0-8493-2391-6.
