ബസേലിയോസ് ഗീവർഗീസ് പ്രഥമൻ
 | ഈ ലേഖനം ഏതെങ്കിലും സ്രോതസ്സുകളിൽ നിന്നുള്ള വേണ്ടത്ര തെളിവുകൾ ഉൾക്കൊള്ളുന്നില്ല. ദയവായി യോഗ്യങ്ങളായ സ്രോതസ്സുകളിൽ നിന്നുമുള്ള അവലംബങ്ങൾ ചേർത്ത് ലേഖനം മെച്ചപ്പെടുത്തുക. അവലംബമില്ലാത്ത വസ്തുതകൾ ചോദ്യം ചെയ്യപ്പെടുകയും നീക്കപ്പെടുകയും ചെയ്തേക്കാം. |
| മോറാൻ മാർ ബസേലിയോസ് ഗീവർഗീസ് I (പൗരസ്ത്യ കാതോലിക്കോസ്) | |
|---|---|
| മലങ്കര ഓർത്തഡോക്സ് സഭ | |
 | |
| സ്ഥാനാരോഹണം | 1925 |
| ഭരണം അവസാനിച്ചത് | 1928 |
| പിൻഗാമി | ബസേലിയോസ് ഗീവർഗീസ് II |
| വ്യക്തി വിവരങ്ങൾ | |
| ജനനം | ജനുവരി 11, 1870 വാകത്താനം,കോട്ടയം ജില്ല |
| മരണം | ഡിസംബർ 17, 1928 വള്ളിക്കാട്ട്. |
| കബറിടം | വള്ളിക്കാട്ട് ഓർത്തഡോക്സ് ദയറ |
മലങ്കര ഓർത്തഡോക്സ് സഭയുടെ രണ്ടാമത്തെ കാതോലിക്ക ബാവയായിരുന്നു[1] 'വള്ളിക്കാട്ട് ബാവ' എന്നറിയപ്പെടുന്ന ബസേലിയോസ് ഗീവർഗീസ് പ്രഥമൻ. ഇദ്ദേഹം ശെമ്മാശനായിരുന്ന (കാരുചിറ ഗീവർഗീസ് ശെമ്മാശൻ) കാലത്ത് രചിച്ച കൊളംബ് യാത്രാവിവരണം മലയാളത്തിലെ ആദ്യകാല യാത്രാവിവരണങ്ങളിലൊന്നാണ്[അവലംബം ആവശ്യമാണ്].
ജീവിതരേഖ[തിരുത്തുക]
കോട്ടയം ജില്ലയിലെ വാകത്താനത്ത് കാരുചിറ കുടുംബത്തിൽ പൗലോസി(പുന്നൻ)ന്റെയും ഉണിച്ചിയുടേയും മകനായി1870 ജനുവരി 11-ന് ജനനം. പ്രാഥമിക വിദ്യാഭ്യാസത്തിന് ശേഷം സുറിയാനി ഭാഷയിൽ നൈപുണ്യം നേടി. 1886 ജൂൺ 13-ന് കോറുയോ സ്ഥാനവും 1892 സെപ്റ്റംബർ 18-ന് പൂർണ്ണ ശെമ്മാശു സ്ഥാനവും നേടി. 1896 ആഗസ്റ്റ് 16-ന് കശീശ സ്ഥാനവും1896 ആഗസ്റ്റ് 23 ന് റമ്പാൻ സ്ഥാനവും നേടിയ അദ്ദേഹം 1913 ഫെബ്രുവരി 9 ന് 'ഗീവർഗീസ് മാർ പീലക്സിനോസ്'എന്ന പേരിൽ മെത്രാപ്പോലീത്തായായി അഭിഷിക്തനായി. കോട്ടയം, അങ്കമാലി ഭദ്രാസനങ്ങളുടെ ചുമതലയുണ്ടായിരുന്ന അദ്ദേഹം വള്ളിക്കാട്ട് ദയറ തന്റെ ആസ്ഥാനമായി തെരഞ്ഞെടുത്തു. 1925 ഏപ്രിൽ 30-ന് 'ബസേലിയോസ് ഗീവർഗീസ് പ്രഥമൻ' എന്ന നാമത്തിൽ നിരണത്തു വെച്ച് പൗരസ്ത്യ കാതോലിക്കയായി സ്ഥാനമേറ്റു.1928 ഡിസംബർ 17-ന് നെയ്യൂർ എൽ.എം.എസ്. ആശുപത്രിയിൽ കാലം ചെയ്ത അദ്ദേഹത്തെ വള്ളിക്കാട്ട് ദയറായിൽ കബറടക്കിയിരിക്കുന്നു.