സൈനബ് ബിൻത് ഖുസൈമ

ഇംഗ്ലീഷ് വിലാസം

https://ml.wikipedia.org/wiki/Zaynab_bint_Khuzayma

സൈനബ് ബിൻത് ഖുസൈമ പ്രവാചകപത്നിമാർ
زينب بنت خزيمة
ജനനം	c. 596 CE മക്ക, ഹിജാസ്, അറേബ്യ, സൗദി അറേബ്യ
മരണം	റബീഉൽ ആഖിർ 4 AH ; c. സെപ്റ്റംബർ/ഒക്റ്റോബർ 625 CE മദീന, ഹിജാസ് (ഇന്നത്തെ സൗദി അറേബ്യ)
അന്ത്യ വിശ്രമം	ജന്നത്തുൽ ബഖീ, മദീന
അറിയപ്പെടുന്നത്	പ്രവാചക പത്നി
സ്ഥാനപ്പേര്	ഉമ്മുൽ മസാകീൻ
ജീവിതപങ്കാളികൾ	ഉബൈദ ഇബ്‌നു ഹാരിഥ് (died. 624) മുഹമ്മദ് (m. 624/625 – till her death in 625 CE)
മാതാപിതാക്കൾ	ഖുസൈമ ഇബ്‌നു ഹാരിഥ്(father)
കുടുംബം	ബനൂ ഹിലാൽ (ജനനം) Ahl al-Bayt (വിവാഹം)

സൈനബ് ബിൻത് ഖുസൈമ (Arabic:زينب بنت خزيمة ) എഡി 595 നു സൗദി അറേബ്യയിലെ മക്കയിലാണ് ജനിച്ചത്. ഇസ്‌ലാമിക പ്രവാചകനായ മുഹമ്മദിന്റെ 12 ഭാര്യമാരിൽ അഞ്ചാമത്തെ ഭാര്യയായിരുന്നു അവർ. ദരിദ്രരോടുള്ള അവരുടെ അനുകമ്പയും സഹാനുഭൂതിയും കാരണമായി ഉമ്മുൽ മിസ്ക്കീൻ (ദരിദ്രരുടെ ഉമ്മ) എന്ന പേരിലും അറിയപ്പെട്ടിരുന്നു. ഖുസയ്മ അൽ -ഹാരിത് ആയിരുന്നു അവരുടെ പിതാവ്. അവർ മരിച്ചത് സെപ്റ്റംബർ മാസം 625 എഡി സൗദി അറേബ്യയിലെ മദീനയിൽ വച്ച് ആണ്‌. മദീനയിലെ ജന്നത്തുൽ ബഖീയിലാണ് അവരെ കബറടക്കം ചെയ്തത്. നബി തങ്ങൾ ജനാസ നിസ്കരിച്ച ഏക ഭാര്യയായിരുന്നു സൈനബ്. അവരുടെ അകാല മരണത്തിന്റെ ഫലമായി, അദ്ദേഹത്തിന്റെ മറ്റ് ഭാര്യമാരെക്കുറിച്ച് ഉള്ളതിനേക്കാൾ വളരെ കുറച്ച് വിവരങ്ങൾ മാത്രമേ അവളെക്കുറിച്ച് വിശ്വാസികൾക്ക് അറിയൂ.

ആദ്യകാല ജീവിതം.

ഖുറൈഷ് ഗോത്രത്തിൽ നിന്നുള്ളവരല്ലാത്ത മുഹമ്മദിന്റെ ഭാര്യമാരിൽ ആദ്യത്തേതായിരുന്നു സൈനബ്. അവരുടെ പിതാവ് ഖുസൈമ ഇബ്നു അൽ-ഹാരിത് മക്കയിലെ ഹിലാൽ ഗോത്രത്തിൽ നിന്നുള്ളയാളായിരുന്നു. അവരുടെ മാതാവ് ഒരുപക്ഷേ ഹിന്ദ് ബിൻത് ഔഫ് ആണെന്ന് പറയപ്പെടുന്നു, പക്ഷേ ഈ അവകാശവാദം ദുർബലമാണ്. അവരുടെ ആദ്യ ഭർത്താവ് അവരുടെ കസിനായിരുന്ന ജഹ്ം ഇബ്നു അമർ ഇബ്നു അൽ-ഹാരിത് ആയിരുന്നു.

സൈനബ് ഒരു ബഹുദൈവ വിശ്വാസിയായിരുന്നപ്പോൾ തന്നെ, അങ്ങേയറ്റത്തെ ഔദാര്യത്തിന്റെ പേരിൽ അറിയപ്പെട്ടിരുന്നു . "യാചകരോടുള്ള അവരുടെ സമീപനവും ദയയും അവരോടുള്ള സഹതാപവും കാരണം അവരെ 'യാചകരുടെ മാതാവ് ' എന്ന് വിളിച്ചിരുന്നു." സൈനബ് ഇസ്ലാം സ്വീകരിച്ചത് എപ്പോഴാണെന്ന് കൃത്യമായ രേഖയില്ല, പക്ഷേ അവരുടെ രണ്ടാമത്തെ ഭർത്താവ് ഒരു പ്രമുഖ മുസ്ലീമായ അബ്ദുല്ല ഇബ്നു ജഹ്ഷ് ആയിരുന്നു. ആദ്യ ഭർത്താവ് അബ്ദുള്ളയുടെ മരണസമയത്ത് സൈനബ് പുനർവിവാഹം കഴിച്ചിരുന്നതിനാൽ ഈ വിവാഹം വിവാഹമോചനത്തിൽ അവസാനിച്ചിരിക്കണം; കാരണം 622-ൽ അദ്ദേഹം മദീനയിലേക്ക് കൊണ്ടുപോയ ആളുകളുടെ പട്ടികയിൽ അവർ ഇല്ല.

സൈനബിന്റെ അടുത്ത ഭർത്താവ് മുത്തലിബ് വംശത്തിൽ നിന്നുള്ള ഒരു മുസ്ലീമായ തുഫൈൽ ഇബ്നു അൽ-ഹാരിത് ആയിരുന്നു; എന്നാൽ ഈ വിവാഹവും വിവാഹമോചനത്തിൽ അവസാനിച്ചു. പിന്നീട് സൈനബ് തുഫൈലിന്റെ സഹോദരനായ ഉബൈദയെ വിവാഹം കഴിച്ചു, അയാൾക്ക് തന്നേക്കാൾ മുപ്പത് വയസ്സ് കൂടുതലായിരുന്നു. 622-ൽ അവർ മദീനയിലേക്കുള്ള പൊതു കുടിയേറ്റത്തിൽ ചേർന്നു, അവിടെ ഉബൈദയുടെ രണ്ട് സഹോദരന്മാരുമായി പങ്കിട്ട ഒരു സ്ഥലത്ത് അവർ താമസിച്ചു. 624 മാർച്ചിൽ ബദർ യുദ്ധത്തിൽ ഉബൈദ കൊല്ലപ്പെട്ടു, സൈനബ് പിന്നീട് ഏകദേശം ഒരു വർഷത്തോളം വിധവയായി തുടർന്നു.

മുഹമ്മദുമായുള്ള വിവാഹം

സൈനബ് "സുന്ദരി"യായിരുന്നോ എന്നും വിവാഹാഭ്യർത്ഥനകൾ പലതും അവൾ നിരസിച്ചോ അതോ അവൾ ഒഴിവാക്കപ്പെട്ടു എന്നിവയെക്കുറിച്ചും പരസ്പരവിരുദ്ധമായ റിപ്പോർട്ടുകളുണ്ട്. എന്നിരുന്നാലും, 625 ഫെബ്രുവരിയിൽ അവളുടെ കസിൻ ഖുബൈസ (ആദ്യ ഭർത്താവിന്റെ സഹോദരൻ) മുഹമ്മദിനെ വിവാഹം കഴിക്കാൻ ഏർപ്പാട് ചെയ്തു, അദ്ദേഹം അവൾക്ക് 400 ദിർഹം അല്ലെങ്കിൽ 12½ ഔഖിയകൾ സ്ത്രീധനമായി നൽകുകയും ചെയ്തു . ഹഫ്സ ബിൻത് ഉമറുമായുള്ള വിവാഹത്തിന് ഏകദേശം ഒരു മാസത്തിന് ശേഷമായിരുന്നു ഇത്.

ദാരിദ്ര്യത്തിലേക്ക് തള്ളിവിടേണ്ടിയിരുന്ന അർഹതയുള്ള ഒരു വിധവയെ സഹായിക്കുന്നതിനായി മുഹമ്മദ് വിവാഹാഭ്യർത്ഥന നടത്തുകയോ അല്ലെങ്കിൽ സമ്മതിക്കുകയോ ചെയ്തതായി സൂചനയുണ്ട്. യുദ്ധത്തിൽ മരിക്കുന്ന തന്റെ അനുയായികൾക്ക് അവരുടെ കുടുംബങ്ങൾ പട്ടിണി കിടക്കുകയോ അവഗണിക്കപ്പെടുകയോ ചെയ്യില്ലെന്ന് ഉറപ്പുനൽകുന്നതിനാണ് ഈ വിവാഹം ഉദ്ദേശിച്ചതെന്ന് പറയപ്പെടുന്നു. മറ്റൊരു നിർദ്ദേശം, രാഷ്ട്രീയ പ്രേരിതമായിരുന്ന ഈ വിവാഹം, "അമീർ ബി. സസാ'അ' എന്ന അവളുടെ സ്വന്തം ഗോത്രവുമായി നല്ല ബന്ധം വളർത്തിയെടുക്കുക" എന്നതായിരുന്നു .

വളരെയധികം ദാനശീലമുള്ളവരായിരുന്നു അവർ. അവരുടെ ദാമ്പത്യജീവിതത്തെക്കുറിച്ചുള്ള ഒരു കഥ, ഒരു ദരിദ്രൻ സൈനബിന്റെ വീട്ടിൽ ഭിക്ഷ യാചിക്കാൻ വന്നതെങ്ങനെയെന്ന് പറയുന്നു. അവൾ തന്റെ കൈവശമുള്ളതിൽ അവസാനത്തെ തരിയും അയാൾക്ക് നൽകി, പക്ഷേ ആ രാത്രിയിൽ അവൾക്ക് കഴിക്കാൻ ഭക്ഷണമൊന്നും ഉണ്ടായിരുന്നില്ല. അവളുടെ കാരുണ്യത്തിൽ പ്രചോദിതനായി മുഹമ്മദ് തന്റെ മറ്റ് ഭാര്യമാരോട് ഇതിനെക്കുറിച്ച് പറഞ്ഞു: "നിങ്ങൾക്ക് അല്ലാഹുവിൽ വിശ്വാസമുണ്ടെങ്കിൽ ... രാവിലെ വിശപ്പോടെ കൂടു വിട്ട ശേഷം രാത്രിയിൽ നിറയെ ഭക്ഷണം കഴിച്ച് എത്തുന്ന പക്ഷികൾക്ക് നൽകുന്നതുപോലെ അവൻ (ദൈവം) നിങ്ങളുടെയും ഉപജീവനമാർഗ്ഗവും നൽകും".

മരണം

മുഹമ്മദുമായുള്ള സൈനബിന്റെ വിവാഹം ഏതാനും മാസങ്ങൾ മാത്രമേ നീണ്ടുനിന്നുള്ളൂ. ഏകദേശം മുപ്പതാമത്തെ വയസ്സിൽ അവർ മരിച്ചു. മുഹമ്മദ് അവരെ ജന്നത്തുൽ-ബാഖിയിലേക്ക് കൊണ്ടുപോയി മയ്യിത്ത് പ്രാർത്ഥനകൾ നടത്തി, തുടർന്ന് അവരുടെ മൂന്ന് സഹോദരന്മാർ. ചേർന്നു മൃതദേഹം കബറടക്കി . പള്ളിയിലെ അവരുടെ വീട്ടിലേക്ക് മുഹമ്മദിന്റെ ആറാമത്തെ ഭാര്യ ഉമ്മു സലാമ മാറുന്നത് വരെ അവരുടെ വീട് ആറ് മാസത്തേക്ക് ശൂന്യമായി തുടർന്നു.