Jump to content

സീദി സായിദ് മോസ്ക്ക്

Coordinates: 23°01′37″N 72°34′52″E / 23.02694°N 72.58111°E / 23.02694; 72.58111
വിക്കിപീഡിയ, ഒരു സ്വതന്ത്ര വിജ്ഞാനകോശം.
Sidi Saiyyed Mosque
സീദി സായിദ് മോസ്ക്ക് is located in Ahmedabad
സീദി സായിദ് മോസ്ക്ക്
India
സീദി സായിദ് മോസ്ക്ക് is located in Gujarat
സീദി സായിദ് മോസ്ക്ക്
സീദി സായിദ് മോസ്ക്ക് (Gujarat)
സീദി സായിദ് മോസ്ക്ക് is located in India
സീദി സായിദ് മോസ്ക്ക്
സീദി സായിദ് മോസ്ക്ക് (India)
അടിസ്ഥാന വിവരങ്ങൾ
സ്ഥലംAhmedabad, Gujarat, India
നിർദ്ദേശാങ്കം23°01′37″N 72°34′52″E / 23.02694°N 72.58111°E / 23.02694; 72.58111
മതവിഭാഗംSunni Islam
രാജ്യംഇന്ത്യ
വാസ്തുവിദ്യാ വിവരങ്ങൾ
വാസ്തുവിദ്യാ തരംMosque
സ്ഥാപകൻSidi Saiyyid
തറക്കല്ലിടൽ1572
പൂർത്തിയാക്കിയ വർഷം1573

പ്രാദേശികമായി സിദി സയ്യിദ് നി ജാലി എന്നറിയപ്പെടുന്ന സിദി സയ്യിദ് മസ്ജിദ്, 1572-73 എഡിയിൽ ( ഹിജ്‌രി വർഷം 980) നിർമ്മിച്ച, ഇന്ത്യയിലെ ഗുജറാത്ത് സംസ്ഥാനത്തെ ഒരു നഗരമായ അഹമ്മദാബാദിലെ ഏറ്റവും പ്രശസ്തമായ പള്ളികളിലൊന്നാണ്. 1572-73 ൽ ഹബ്ഷി പ്രഭുവായ സിദി സയ്യദ് ആണ് ഈ പള്ളി പണിതത്.

ചരിത്രം

[തിരുത്തുക]

സിദി സയ്യിദ് കി/നി ജാലി എന്ന് പ്രാദേശികമായി അറിയപ്പെടുന്ന സിദി സയ്യിദ് മസ്ജിദ്, 1572-73 എഡിയിൽ (ഹിജ്‌റി വർഷം 980) നിർമ്മിച്ച, ഇന്ത്യയിൽ ഗുജറാത്ത് സംസ്ഥാനത്തിന്റെ തലസ്ഥാനനഗരമായ അഹമ്മദാബാദിലെ ഏറ്റവും പ്രശസ്തമായ പള്ളികളിലൊന്നാണ്. മസ്ജിദിന്റെ ചുമരിൽ ഉറപ്പിച്ച മാർബിൾ ടാബ്ലറ്റ് സാക്ഷ്യപ്പെടുത്തുന്നത് പോലെ, ഇത് നിർമ്മിച്ചത് ഷെയ്ഖ് സഈദ് അൽ-ഹബ്ഷി സുൽത്താനിയാണ്. യെമനിൽ നിന്ന് ഗുജറാത്തിലേക്ക് തന്റെ ഹബ്ഷി അടിമകളെയും കൊണ്ടുവന്ന തുർക്കി ജനറൽ റൂമി ഖാന്റെ അടിമയായിരുന്നു സിദി സഈദ്. സിദി സഈദ് പിന്നീട് സുൽത്താൻ മഹ്മൂദ് മൂന്നാമനെ സേവിച്ചു, അദ്ദേഹത്തിന്റെ മരണശേഷം, അബിസീനിയൻ ജനറൽ ജുജാർ ഖാനോട് ഒപ്പം ചേർന്നു. സിദി സൈദ് സൈനിക സേവനത്തിൽ നിന്ന് വിരമിച്ചതിന് ശേഷം, ജുജാർ ഖാൻ അദ്ദേഹത്തിന് ഒരു ജാഗിർ നൽകി. സിദി സഈദ് തന്റെ ജോലിക്ക് ശേഷം ഒരു പ്രമുഖ കുലീനനായിത്തീർന്നു: അദ്ദേഹം ഒരു ലൈബ്രറി ശേഖരിച്ചു, നൂറിലധികം അടിമകളെ സ്വന്തമാക്കി, ഹജ്ജ് തീർത്ഥാടനം നടത്തി, ഒരു ലംഗാർ (പൊതു അടുക്കള) സ്ഥാപിച്ചു. ഒരു ചെറിയ ഇഷ്ടികകൊണ്ട് പടുത്ത മസ്ജിദ് ആയിരുന്ന സിദി സായിദ് പുനർനിർമ്മിച്ചു, [1]1576 -ൽ അദ്ദേഹം മരിച്ചപ്പോൾ പള്ളിക്ക് സമീപം അദ്ദേഹത്തെ അടക്കം ചെയ്തു [2] ഗുജറാത്ത് സുൽത്താനേറ്റിന്റെ അവസാന വർഷത്തിലാണ് ഈ മസ്ജിദ് നിർമ്മിച്ചത്. [1]

ബ്രിട്ടീഷ് കൊളോണിയൽ കാലഘട്ടത്തിൽ, ഇത് ദസ്ക്രോഹി താലൂക്കിലെ മംലാത്ദാറിന്റെ ഓഫീസോ കച്ചേരിയോ ആയി പ്രവർത്തിച്ചു. ഓഫീസ് ആയിരുന്ന കാലത്ത് വാതിലുകൾ സ്ഥാപിക്കുകയും മിഹ്‌റാബുകൾ പ്രസ്സുകളാക്കി മാറ്റുകയും ഇന്റീരിയർ വെള്ള പൂശുകയും ചെയ്തു. അഹമ്മദാബാദിലെ ഔദ്യോഗിക സന്ദർശന വേളയിൽ, ഇന്ത്യയുടെ വൈസ്രോയി കഴ്സൺ പ്രഭു, ചരിത്രസ്മാരകങ്ങൾ സംരക്ഷിക്കുന്നതിനുള്ള വിപുലമായ നയങ്ങളുടെ ഭാഗമായി, മംലാത്ദാറിന്റെ ഓഫീസ് പരിസരം ഒഴിയാൻ ഉത്തരവിട്ടു. [2]

വാസ്തുവിദ്യ

[തിരുത്തുക]
അകത്ത് നിന്ന് മാർബിൾ സ്‌ക്രീൻ.

മസ്ജിദ് പൂർണ്ണമായും കമാനങ്ങളുള്ളതാണ്, വശത്തും പിന്നിലുമുള്ള കമാനങ്ങളിലുള്ള സങ്കീർണ്ണമായ കൊത്തുപണികളുള്ള പത്ത് കല്ല് ജാലകങ്ങൾക്ക് ( ജാലിസ് ) പേരുകേട്ടതാണ്. പിൻവശത്തെ ഭിത്തിയിൽ ജ്യാമിതീയ രൂപകല്പനയിൽ ചതുരാകൃതിയിലുള്ള കല്ല് കുത്തിയ പാനലുകൾ കൊണ്ട് നിറഞ്ഞിരിക്കുന്നു. മധ്യ ഇടനാഴിയുടെ അരികിലുള്ള ചാലുകളിലൂടെ ഇഴചേർന്ന മരങ്ങളുടെയും ഇലകളുടെയും ഡിസൈനുകളിൽ കൊത്തിയെടുത്ത റെറ്റിക്യുലേറ്റഡ് ശിലാഫലകങ്ങളും ഈന്തപ്പനയുടെ രൂപവും ഉണ്ട്. അഹമ്മദാബാദ് നഗരത്തിന്റെ അനൗദ്യോഗിക ചിഹ്നവും ഇന്ത്യൻ ഇൻസ്റ്റിറ്റ്യൂട്ട് ഓഫ് മാനേജ്‌മെന്റ് അഹമ്മദാബാദിന്റെ ലോഗോ രൂപകൽപന ചെയ്യുന്നതിനുള്ള പ്രചോദനവുമായ സിദി സയ്യിദ് ജലിയാണ് ഈ സങ്കീർണ്ണമായ കൊത്തുപണികളുള്ള ലാറ്റിസ് സ്റ്റോൺ വിൻഡോ. </link>[ അവലംബം ആവശ്യമാണ് ]

സങ്കീർണ്ണമായ ജാലി കാണാൻ പ്രതീക്ഷിക്കുന്ന് മസ്ജിദിന്റെ മധ്യഭാഗത്തുള്ള ജാലക കമാനം, കല്ലുകൊണ്ട് അടച്ചപോലെ ആണ് കാണുന്നത്. മുഗളന്മാർ ഗുജറാത്ത് ആക്രമിക്കുന്നതിന് മുമ്പ് മസ്ജിദ് ആസൂത്രണം ചെയ്തതനുസരിച്ച് പൂർത്തീകരിക്കാത്തതുകൊണ്ടാകാം ഇത്. [3] ആരോ അപഹരിച്ചതാണെന്നും ഖ്യാതിയുണ്ട് [2]

ഇതും കാണുക

[തിരുത്തുക]
  • ഇമാംഷാ ബാവ ദർഗ

അവലംബം

[തിരുത്തുക]
  1. 1.0 1.1 Nawrath, E. A. (1956). Immortal India; 12 colour and 106 photographic reproductions of natural beauty spots, monuments of India's past glory, beautiful temples, magnificent tombs and mosques, scenic grandeur and picturesque cities, ancient and modern. Bombay, Taraporevala's Treasure House of Books.
  2. 2.0 2.1 2.2 Commissariat, M. S. (1938). History of Gujarat. Vol. I. Longman, Greens & Co. pp. 337–339, 502–505.
  3. ഉദ്ധരിച്ചതിൽ പിഴവ്: അസാധുവായ <ref> ടാഗ്; symbol എന്ന പേരിലെ അവലംബങ്ങൾക്ക് എഴുത്തൊന്നും നൽകിയിട്ടില്ല.

പുറംകണ്ണികൾ

[തിരുത്തുക]
"https://ml.wikipedia.org/w/index.php?title=സീദി_സായിദ്_മോസ്ക്ക്&oldid=3992859" എന്ന താളിൽനിന്ന് ശേഖരിച്ചത്