വൈ. വിജയ (നടി)
വൈ. വിജയ | |
|---|---|
| ജനനം | യെനിഗണ്ഡ്ല വിജയ 8 ഫെബ്രുവരി 1957 [1] |
| തൊഴിൽ | അഭിനേത്രി, നർത്തകി |
| സജീവ കാലം | 1965–ഇതുവരെ |
| ജീവിതപങ്കാളി(കൾ) | അമൽനാഥൻ (m. 1985-ഇതുവരെ) |
| കുട്ടികൾ | അനുഷ്യ (b.1989) |
| മാതാപിതാക്ക(ൾ) | യെനിഗണ്ഡ്ല ജ്ഞാനയ്യ, ബാലമ്മ |
ഒരു ശാസ്ത്രീയനർത്തകിയും അഭിനേത്രിയുമാണ് വൈ. വിജയ .[2] [3] [4] തമിഴ്, തെലുങ്ക്, മലയാളം, കന്നഡ ഭാഷകൾ ഉൾപ്പെടെ ആയിരത്തിലധികം ചിത്രങ്ങളിൽ അവർ അഭിനയിച്ചിട്ടുണ്ട്.[1]
ആദ്യകാല ജീവിതവും വിദ്യാഭ്യാസവും[തിരുത്തുക]
വൈ. വിജയയുടെ പിതാവ് യെനിഗണ്ഡല ജ്ഞാനയ്യ ഒരു സഹകരണ മാർക്കറ്റിംഗ് സൊസൈറ്റിയിലെ ജില്ലാ മാനേജരും മാതാവ് ബാലമ്മ ഒരു വീട്ടമ്മയുമായിരുന്നു. അവരുടെ പൂർവ്വികർ ഗുണ്ടൂർ ജില്ലയിൽ നിന്നുള്ളവരായിരുന്നു. 1957 ഫെബ്രുവരി 8 ന് കർനൂലിൽ വിജയയുടെ പിതാവ് രണ്ടുവർഷത്തോളെ ജോലിചെയ്തിരുന്നു. വിജയയ്ക്ക് 9 സഹോദരങ്ങളാണുണ്ടായിരുന്നത്. 6 പെൺമക്കളിലും 4 ആൺമക്കളിലും വച്ച് അവർ അഞ്ചാമത്തേയാളായിരുന്നു.
എട്ടാം ക്ലാസ് വരെ കടപ്പയിലെ സർക്കാർ വക പെൺകുട്ടികളുടെ ഹൈസ്കൂളിൽ പഠനം നടത്തി. സയൻസ്, ഹിന്ദി വിഷയങ്ങളിൽ താല്പര്യമുണ്ടായിരുന്ന അവർ വെറും മൂന്ന് വയസ്സുള്ളപ്പോൾ റേഡിയോ സംഗീതത്തിനൊപ്പം നൃത്തം ചെയ്യുന്നത് മാതാപിതാക്കൾ നിരീക്ഷിച്ചു. സ്റ്റേജ് ഷോകൾക്കായി അവൾ സ്കൂളിലും നൃത്തം ചെയ്യാറുണ്ടായിരുന്നു. അതിനാൽ മാതാപിതാക്കൾ അവളെ നൃത്തം അഭ്യസിപ്പിക്കാൻ തീരുമാനിച്ചു.
എട്ടാം ക്ലാസിനുശേഷം നൃത്തഗുരു വെമ്പട്ടിചിന്നസത്യത്തിനു കീഴിൽ നൃത്തം പഠിക്കാനായി അവർ മദ്രാസിലെത്തി. നൃത്തപഠനം മുടങ്ങാതിരിക്കാൻ 9 ഉം പത്തും ക്ലാസുകളിലെ വിദ്യാഭ്യാസം ചെന്നൈയിലായിരുന്നു നിർവ്വഹിച്ചത്. കടപ്പയിൽ 1975-ലാണ് അരങ്ങേറ്റം നടന്നത്.
ഒരിക്കൽ അവരുടെ പ്രദേശത്ത് വെള്ളപ്പൊക്കമുണ്ടാകുകയും അഭിനേതാക്കളായ എൻ.ടി. രാമറാവു, അക്കിനേനി നാഗേശ്വരറാവു എന്നിവർ അവരുടെ സ്ഥലം സന്ദർശിച്ച് പ്രളയബാധിത പ്രദേശങ്ങളിൽ സഹായം ചെയ്തിരുന്ന സമയത്ത് ആദ്യമായി അവരുടെ ശ്രദ്ധയിൽപ്പെടുകയും ശ്രീകൃഷ്ണ സത്യ എന്ന ചിത്രത്തിൽ എൻ.ടി. രാമറാവിന്റെ നായികയായി അഭിനയിക്കുന്നതിന് അവസരം ലഭിക്കുകയും ചെയ്തു.[1]
സ്വകാര്യ ജീവിതം[തിരുത്തുക]
സഹോദരൻ വൈ. രാജ ഒരു ടിവി താരമായിരുന്നു. 1985 ജനുവരി 27 നാണ് അവർ അമലനാഥനെ വിവാഹം കഴിച്ചത്. ഒരു കോളേജിൽ ലേഖകനായി ജോലി ചെയ്യാറുണ്ടായിരുന്ന അദ്ദേഹം വിരമിച്ച ശേഷം ബിസിനസ്സിലേക്ക് പ്രവേശിച്ചു. ഇപ്പോൾ കുടുംബത്തോടൊപ്പം ചെന്നൈയിലെ മഹാലിംഗപുരത്ത് താമസിക്കുന്നു.[3] മകൾ അനുഷ്യ 1986 ൽ ജനിക്കുകയും 2013 ൽ മകൾ വിവാഹിതയാകുകയും ചെയ്തു.[5]
ചലച്ചിത്ര ജീവിതം[തിരുത്തുക]
ചെന്നൈയിലെ വെമ്പതി ചൈന സത്യത്തിന് കീഴിൽ അവർ നൃത്തം അഭ്യസിക്കാറുണ്ടായിരുന്നു. ഒരിക്കൽ, നിന്ദു ഹൃദ്യാലു എന്ന ചിത്രത്തിന്റെ നിർമ്മാതാക്കൾ അവരുടെ ഡാൻസ് ഇൻസ്റ്റിറ്റ്യൂട്ട് സന്ദർശിക്കുകയും നൃത്തം അറിയുന്ന ഒരു യാചകയുടെ കഥാപാത്രത്തിനായി അവളെ തെരഞ്ഞെടുക്കുകയും ചെയ്തു. സിനിമകളിലെ അവളുടെ ആദ്യ അവസരമായിരുന്നു അത്. പിന്നീട് നിരവധി ചിത്രങ്ങളിൽ ക്യാരക്ടർ നടിയായും നായികയായും അഭിനയിച്ചു. ശ്രീകൃഷ്ണ സത്യ[3] എന്ന ചിത്രത്തിൽ എൻ.ടി .രാമ റാവുവിനൊപ്പം നായികയായി അഭിനയിച്ചു.
ചലച്ചിത്രങ്ങൾ[തിരുത്തുക]
പട്ടിക അപൂർണ്ണം:-
മലയാളം[തിരുത്തുക]
- മദാലസ (1978)
- സന്ധ്യക്ക് വിരിഞ്ഞ പൂവ് (1983)
- പൂമഠത്തെ പെണ്ണ് (1984)
- ഉയരും ഞാൻ നാടാകെ (1985). . . വസുമതി അമ്മ
- അഭയംതേടി (1986). . . ടെസ്സി
- വസുധ (1992)
മറ്റു ഭാഷകൾ[തിരുത്തുക]
ഇതിനുപുറമേ കന്നഡ, തെളുഗു, തമിഴ് ചലച്ചിത്രരംഗങ്ങളിൽ നൂറോളം ചിത്രങ്ങളിൽ അഭിനയിച്ചു. ചില ടെലിവിഷൻ പരിപാടികളിലും അഭിനയിച്ചിട്ടുണ്ട്.
അവലംബം[തിരുത്തുക]
- ↑ 1.0 1.1 1.2 S, Gulzar Gouse. "వై విజయ (సినీనటి) ఇంటర్వ్యూ". kadapa.info. kadapa.info. Retrieved 27 June 2016.
- ↑ Movie Artists Association. "Y. Vijaya profile on MAA Website". maastars.com. Movie Artists Association. Retrieved 6 October 2016.
- ↑ 3.0 3.1 3.2 D.G, Bhavani. "Pulusu Peru techindi kane". Sakshi.com. Jagati Publications. Retrieved 22 June 2016.
- ↑ "Y. Vijaya at BFI". bfi.org.uk. British Film Institute. Retrieved 6 October 2016.
- ↑ "Veteran Actor Y. Vijaya's daughter Anushya to enter Wedlock". tamilstar.com. Tamil Star. Archived from the original on 2018-01-15. Retrieved 6 October 2016.