രാമസ്വാമി പരമേശ്വരൻ
മേജർ രാമസ്വാമി പരമേശ്വരൻ | |
|---|---|
 | |
| Born | സെപ്റ്റംബർ 13, 1946 |
| Died | 25 നവംബർ 1987 (പ്രായം 41) Sri Lanka |
| Service | Indian Army |
| Years of service | 1972-1987 |
| Unit | Mahar Regiment |
| Battles / wars | Operation Pawan |
| Awards | Param Vir Chakra (posthumous) |
മഹാരാഷ്ട്രയിലെ മുംബൈ ജില്ലയിൽ 1946 സെപ്റ്റംബർ 13നാണ് മേജർ രാമസ്വാമി പരമേശ്വരന്റെ ജനനം. 1972 ജനുവരി 16നു മഹർ റെജിമെന്റിൽ അദ്ദേഹം പ്രവേശനം നേടി.
ശ്രീലങ്കയിൽ തമിഴ്പുലികൾ ഉണ്ടാക്കുന്നതിനാൽ ഇന്ത്യയും ശ്രീലങ്കയും തമ്മിൽ ഒരു കരാർ ഒപ്പുവച്ചു. ശ്രീലങ്കയിലെ സമാധാനാന്തരിക്ഷം നിലനിർത്തുന്നതിനായി ഇന്ത്യൻ സൈന്യത്തെ അയക്കാം എന്നതായിരുന്നു ഇതിലെ പ്രധാന വ്യവസ്ഥ. ഓപ്പറേഷൻ പവൻ എന്നറിയപ്പെട്ടിരുന്ന ഒരു സൈനിക നീക്കത്തിന്റെ ഭാഗമായി രാമസ്വാമി പരമേശ്വരൻ ഉൾപ്പെട്ടിരുന്ന മഹർ റെജിമെന്റ് ശ്രീലങ്കയിലെത്തി. 1987 നവംബർ 25നു രാത്രിയിൽ പതിവ് പെട്രോളിങ്ങ് നടത്തി തിരികെ വരികയായിരുന്ന പരമേശ്വരന്റേയും സംഘത്തിന്റേയും മുൻപിൽ ഒരു സംഘം സായുധ തീവ്രവാദികൾ ചാടി വീണു.
അല്പം പോലും മനസാന്നിധ്യം കൈവിടാതെ പരമേശ്വരനും സംഘവും അക്രമികൾക്ക് നേരെ ആക്രമണം അഴിച്ചുവിട്ടു. ഇതിന്നിടയിൽ അക്രമികളിൽ ഒരാൾ പരമേശ്വരന്റെ നെഞ്ചിലേക്ക് നിറയൊഴിച്ചു. ഉടൻ തന്നെ അദ്ദേഹം ആ അക്രമിയുടെ കയ്യിൽ നിന്നും തോക്ക് പിടിച്ച് വാങ്ങി തിരികെ നിറയൊഴിച്ചു. ഇതിനിടയിൽ മാരകമായി മുറിവേറ്റ അദ്ദേഹം വീണുപോയെങ്കിലും അവസാനശ്വാസം വരേയും തന്റെ സഹപവത്തകർക്ക് ധൈര്യവും നിർദ്ദേശങ്ങളും നൽകാൻ മറന്നില്ല. പോരാട്ടത്തിനൊടുവിൽ അവർ അക്രമികളെയെല്ലാം കീഴടക്കി.
രാമസ്വാമി പരമേശ്വരന്റെ ഈ ധീരവും ത്യാഗോജ്വലവുമായ പ്രവർത്തിക്ക് രാജ്യം അദ്ദേഹത്തിന് പരമോന്നത ബഹുമതിയായ പരമവീര ചക്രം നൽകി ആദരിച്ചു.
|
ജീവചരിത്രവുമായി ബന്ധപ്പെട്ട ഈ ലേഖനം അപൂർണ്ണമാണ്. ഇതു വികസിപ്പിക്കുവാൻ സഹായിക്കുക. |
