രാജാ പർവേസ് അഷറഫ്

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
രാജാ പർവേസ് അഷറഫ്
راجہ پرویز اشرف

നിലവിൽ
പദവിയിൽ 
22 ജൂൺ 2012
പ്രസിഡണ്ട് ആസിഫ് അലി സർദാരി
മുൻ‌ഗാമി യൂസഫ് റാസാ ഗീലാനി

പദവിയിൽ
2008 മാർച്ച് 31 – 2011 ഫെബ്രുവരി 9
മുൻ‌ഗാമി ലിയാക്കത്ത് അലി ജതോയി
ജനനം1950 ഡിസംബർ 26, (61 വയസ്സ്)
സാംഘാർ, സിന്ധ്, പാകിസ്താൻ
പഠിച്ച സ്ഥാപനങ്ങൾയൂണിവേഴ്സിറ്റി ഓഫ് സിന്ധ്
തൊഴിൽരാഷ്ട്രീയനേതാവ്
രാഷ്ട്രീയപ്പാർട്ടി
പാകിസ്താൻ പീപ്പിൾസ് പാർട്ടി

പാകിസ്താന്റെ 25[1] ആമത് പ്രധാനമന്ത്രിയായി 2012 ജൂൺ 22 ന് തെരഞ്ഞെടുക്കപ്പെട്ട രാജാ പർവേസ് അഷറഫ് (ഇംഗ്ലീഷ്:  Raja Pervaiz Ashraf) 1950 ഡിസംബർ 26 ന് സിന്ധിലെ സാംഘാറിൽ ജനിച്ചു. മാർച്ച് 2008 മുതൽ ഫെബ്രുവരി 2011 വരെ പാകിസ്താനിൽ യൂസഫ് റാസാ ഗീലാനിയുടെ മന്ത്രിസഭയിൽ ജല- വൈദ്യുതി മന്ത്രിയായിരുന്നു. പാകിസ്താൻ പീപ്പിൾസ് പാർട്ടിയുടെ പ്രധാനനേതാവാണ് ഇദ്ദേഹം. റാവൽപിണ്ടി ജില്ലയിലെ ഗുജർഘാൻ നിയമഭാമണ്ഡലത്തിൽ നിന്നും നാഷണൽ അസംബ്ലി (MNA)യിലേയ്ക്ക് രണ്ടുതവണ തെരഞ്ഞെടുക്കപ്പെട്ടു.[2] 89നെതിരെ 211 വോട്ടുകൾ നേടിയാണ് ഇദ്ദേഹം തിരഞ്ഞെടുക്കപ്പെട്ടത്.[3] പാകിസ്താൻ മുസ്ലിം ലീഗ്(നവാസ്)(PML-N) പ്രതിനിധി സർദാർ മെഹ്താഫ് അബ്ബാസിയ്ക്കാണ് 89 വോട്ടുകൾ ലഭിച്ചത്.

ജീവിതരേഖ[തിരുത്തുക]

1970 ൽ യൂണിവേഴ്സിറ്റി ഓഫ് സിന്ധിൽ നിന്നും ബി.ഏ.ഡിഗ്രി ലഭിച്ചു. ഇൻഡസ്ട്രിയൽ മാനേജ്മെന്റിൽ അമേരിക്കയിൽ നിന്നും ഡിപ്ലോമ നേടി. കാർഷികമേഖലയിൽ വ്യാപൃതനായിരിക്കേ PPP യിൽ ചേർന്നു. പാകിസ്താൻ പീപ്പിൾസ് പാർട്ടി പാർലമെന്റേറിയരുടെ(PPPP) സെക്രട്ടറി ജനറലും 1994 മുതൽ 1996 വരെ സോഷ്യൽ ആക്ഷൻ ചെയർമാനുമായിരുന്നു.[4] 1989 ലെ ഉപതിരഞ്ഞെടുപ്പ്, 1990, 1993, 1997 തിരഞ്ഞെടുപ്പുകൾ എന്നിവയിലെല്ലാം അദ്ദേഹം മത്സരിച്ചു. 2002 ലെ ദേശീയതെരഞ്ഞെടുപ്പിൽ PML (N)ന്റെ ചൗധരി സമാനെ തോൽപ്പിച്ചു. 2008 ൽ PML (Q) നേതാവ് ഖാസിം ജാവേദിനെയാണ് ഇദ്ദേഹം പരാജയപ്പെടുത്തിയത്.

ഇതുംകൂടി കാണുക[തിരുത്തുക]

  1. * ബി.ബി.സി വാർത്ത
  2. * ട്രിബ്യൂൺ വാർത്ത
  3. * ഫ്രോണ്ടിയർപോസ്റ്റ് വാർത്ത

അവലംബം[തിരുത്തുക]

ദേശാഭിമാനി, മാതൃഭൂമി ദിനപത്രങ്ങൾ(23 ജൂൺ ശനി 2012)

"https://ml.wikipedia.org/w/index.php?title=രാജാ_പർവേസ്_അഷറഫ്&oldid=3090930" എന്ന താളിൽനിന്ന് ശേഖരിച്ചത്