മുഹമ്മദിബ്‌നു ഇദ്‌രീസിശ്ശാഫിഈ

വിക്കിപീഡിയ, ഒരു സ്വതന്ത്ര വിജ്ഞാനകോശം.
ഇസ്‌ലാമിക ഗവേഷകൻ
അബൂ അബ്ദുല്ല മുഹമ്മദ് ബിൻ ഇദ്‌രീസ് അശ്ശാഫിഈ
പൂർണ്ണ നാമം Imam of the Abode of Emigration
ജനനം 767 CE/135 AH
Gaza, Palestine
മരണം 820 CE/188 AH (aged 52-53)
Fustat, Egypt
Ethnicity Arab
Madh'hab Sunnah
പ്രധാന താല്പര്യങ്ങൾ കർമ്മശാസ്ത്രം
ശ്രദ്ധേയമായ ആശയങ്ങൾ ശാഫിഈ മദഹബ്
സൃഷ്ടികൾ Kitabul-Athar, Fiqh al-Akbar

ശാഫി‌ഈ മദ്‌ഹബുമായി ചേർത്തിപ്പറയുന്ന ഇസ്‌ലാമിക പണ്ഡിതനാണ് മുഹമ്മദിബ്‌നു ഇദ്‌രീസിശ്ശാഫിഈ (ക്രി.വ. 767-820). ഇമാം ശാഫി‌ഈ എന്ന പേരിലാണ്‌ ഇദ്ദേഹം അറിയപ്പെടുന്നത്.

ഖുറൈഷ് ഗോത്രത്തിലെ മുത്വലിബ് വംശത്തിൽ ഗാസയിൽ ജനിച്ച ശാഫി‌ഈ പത്തു വയസ്സിനോടടുത്ത് മക്കയിലേക്ക് നീങ്ങി. അവിടെ കുറച്ചുകാലത്തെ പഠനത്തിനുശേഷം മദീനയിലേക്കു പോയ അദ്ദേഹം മാലികിബ്നു അനസ് ഉൾപ്പെടെയുള്ളവരുടെ കീഴിൽ മതപഠനം നടത്തി. മുഹമ്മദിബ്‌നുൽ ഹസൻ അശ്ശയ്ബാനി ആയിരുന്നു ശാഫി‌ഈയുടെ ബഗ്‌ദാദിലെ പ്രധാന ഗുരു. ഹാറൂൻ അൽ റഷീദ് ഖലീഫയായിരുന്ന കാലത്ത് യമനിലെ നജ്‌റാനിൽ ന്യായാധിപനായി നിയമിക്കപ്പെട്ടു.

നൂറിലധികം പുസ്തകങ്ങൾ അദ്ദേഹം രചിച്ചിട്ടുണ്ട്. കർമ്മശാസ്ത്രത്തെക്കുറിച്ചുള്ള രിസാല ആണ്‌ പ്രധാന ഗ്രന്ഥം. മുസ്‌നദ് അശ്ശാഫി‌ഈ എന്ന ഹദീസ് സമാഹാരവും അദ്ദേഹത്തിന്റേതായുണ്ട്. അൽ ഉമ്മ് എന്ന പേരിൽ വിശാലമായ ഒരു കർമശാസ്ത്ര ഗ്രന്ഥവും ഉണ്ട്.[2][3][4]

വ്യക്തി ജീവിതത്തിൽ രാത്രി സമയത്തെ അദ്ദേഹം മൂന്നായി വിഭജിക്കുമായിരുന്നു.എഴുത്ത്,പ്രാർത്ഥന , ഉറക്കം എന്നിവക്കായിരുന്നു അത്.

കുടുംബം[തിരുത്തുക]

ബനൂ മുത്തലിബിൻറെ സന്താനപരമ്പരകളുള്ള ഖുറൈശി ഗോത്രവർമാണ് ഇമാം ശാഫിഇയുടെയും ഗോത്രം.അതായത് പ്രവരാചക കുടുംബമായ അഹ്ലു ബൈത്തിലെ കണ്ണികളിലൊരാളാണ്.വലിയ സാമൂഹ്യ പരിഗണനകളൊന്നും ലഭിക്കാതെ വളരെ പാവപ്പെട്ട കുടുംബമായിരുന്നു ശാഫിഇയുടേത്.

ചെറിയ കുട്ടിയായപ്പോഴേ പിതാവ് മരിച്ചു.മതപരമായ പദവി നഷ്ടമാകുമോയെന്ന് ഭയന്ന മാതാവ് കുടുംബത്തെ മക്കയിലേക്ക് മാറി.അന്ന് രണ്ടു വയസ്സ് മാത്രമായിരുന്നു ശാഫിയുടെ പ്രായം.യമനിലായിരുന്നു മാതാവിൻറെ കുടുംബമെങ്കിലും അവരിൽ പലരും മക്കയിലുണ്ടായിരുന്നു.അതുകൊണ്ട് തന്നെ അവിടെ കുടുംബത്തോടൊപ്പം താമസിക്കുന്നതാണ് കുടുംബത്തിന് നല്ലതെന്ന് മാതാവ് മനസ്സിലാക്കി.

കുട്ടിക്കാലം[തിരുത്തുക]

കഷ്ടത നിറഞ്ഞ കുടുംബ പശ്ചാത്തലത്തിലും പഠനത്തിലാണ് ശാഫിഇ കൂടുതലും ശ്രദ്ധചെലുത്തിയത്. ദാരിദ്ര്യം കടുത്തതായിരുന്നതിനാൽ പഠനാവശ്യാർഥം ഒരു പേപ്പർ വാങ്ങാൻ പോലും അന്ന് മാതാവിൻറെ കയ്യിൽ പണമുണ്ടായിരുന്നില്ല.അതുകൊണ്ട് തന്നെ പാഠങ്ങളെല്ലാം മൃഗങ്ങളുടെ എല്ലുകളിലാണ് എഴുതിവെച്ചിരുന്നത്.മക്കയിലെ അക്കാലത്തെ മുഫ്തിയായിരുന്ന മുസ്ലിം ഇബിൻ ഖാലിദ് അസ് സ‍ഞ്ചി ആയിരുന്നു ആദ്യത്തെ അധ്യാപകൻ.ഏഴ് വയസ്സായപ്പോഴേക്കും ഇമാം ശാഫിഇ ഖുർആൻ പൂർണ്ണമായും മനഃപാഠമാക്കിയിരുന്നു.പത്താം വയസ്സായപ്പോഴേക്കും മാലിക്കിയുടെ മുഅത്ത ഹൃദിസ്ഥമാക്കി.ഈ സമയമായപ്പോഴേക്കും മറ്റുള്ളവരെ പഠിപ്പിക്കാൻ വരെ തൻറെ അധ്യാപകൻ ശാഫിഇയെ ചുമതലപ്പെടുത്താന‍് തക്ക വിധ ശേഷി നന്നേ ചെറുപ്പത്തിലെ നേടി.പതിനഞ്ചാം വയസ്സായപ്പോഴേക്കും ഫത് വ നൽകാൻ തക്കവിധത്തിൽ അദ്ദേഹം വളർന്നു.

ഇമാം മാലിക്കി കീഴിലെ ശിഷ്യത്വം[തിരുത്തുക]

നിയമപരമായ കാര്യങ്ങൾ പഠിക്കാൻ ആഗ്രഹിച്ച ശാഫിഇ പിന്നീട് മദീനയിലേക്ക് പഠനാവശ്യത്തിന് പോയി.അവിടെ ഇമാം മാലിക്കിയുടെ കീഴിലായി വിദ്യാഭ്യാസം നേടി.13ാം വയസ്സിലാണെന്നും അതല്ല 20 ആം വയസ്സിലാണെന്നും അഭിപ്രായമുണ്ട്.കുറെക്കാലം അവിടെ വിദ്യാഭ്യാസം നേടിയ അദ്ദേഹത്തിൻറെ ഓർമ്മ ശക്തിയിലും ബുദ്ധിയിലും അറിവിലും അധ്യാപകനായ മാലിക്കിക്ക് വളരെയധികം മതിപ്പുണ്ടായിരുന്നു.ഹിജ്റ 179ൽ ഇമാം മാലിക്കി മരണപ്പെടും മുമ്പെ വലിയ നിയമ പണ്ഡിതനെന്ന നിലയിൽ ശാഫിഇ അറിയപ്പെട്ടിരുന്നു. അതെസമയം ചില കാര്യങ്ങളിൽ ഇമാം മാലിക്കിയുടെ അഭിപ്രായമായിരുന്നില്ല ഇമാം ശാഫിഇക്കുണ്ടായിരുന്നത്.എന്നാൽ എല്ലായിപ്പോഴും അദ്ദേഹം തൻറെ അധ്യാപകനെ വളരെയധികം ബഹുമാനിക്കുകയും ചെയ്തിരുന്നു.

യമനിലെ ഫിത്ത്ന[തിരുത്തുക]

30ആം വയസ്സിൽ യമനിലെ നജ്റാനിലെ അബ്ബാസിദ് ഖലീഫ ഗവർണ്ണറായി അദ്ദേഹത്തെ നിയമിച്ചിരുന്നു.നല്ലൊരു ഭരണാധികരിയായിരുന്ന അദ്ദേഹത്തിന് അവിടെ ധാരാളം അസൂയാലുക്കളിൽ നിന്ന് ദുരിതം നേരിടേണ്ടിവന്നു.803ൽ അദ്ദേഹം അലവികളെ കലാപത്തിന് സഹായിച്ചു എന്നാരോപിച്ച് ചങ്ങലയിൽ ബന്ധിച്ച് അബ്ബാസിദ് ഖലീഫയായിരുന്ന ഹാറൂൺ അൽ-റാശിദിൻറെ സിറിയയിലെ റഖയിലേക്ക് നടത്തികൊണ്ടുപോയി. ഗൂഡാലോചന നടത്തിയെന്ന് ആരോപിക്കപ്പെട്ട് കൂടെ കൊണ്ടുവന്ന ചിലരെ വധശിക്ഷക്ക് വിധേയമാക്കി.ശാഫിയെ ചുമതലയിൽ നിന്ന് നീക്കി.വേറെയും വാദങ്ങൾ ഇക്കാര്യത്തിലുണ്ട്.

പുറം കണ്ണികൾ[തിരുത്തുക]

Wikisource
അറബി വിക്കി സോഴ്സിൽ ഈ ലേഖനവുമായി ബന്ധപ്പെട്ടുള്ള വിവരങ്ങൾ ഉണ്ട്:

അവലംബം[തിരുത്തുക]

  1. The Origins of Islamic Law: The Qurʼan, the Muwaṭṭaʼ and Madinan ʻAmal, by Yasin Dutton, pg. 16
  2. satyasarani (2016-02-28). "ഇമാം ശാഫിഈ(റ)" (ഭാഷ: en-US). ശേഖരിച്ചത് 2016-07-28. 
  3. "ഇമാം ശാഫിഈ Archive". Aboobacker Amani (ഭാഷ: en-US). ശേഖരിച്ചത് 2016-07-28. 
  4. "ഇമാം ശാഫിഈ (റ)". Islamonweb. ശേഖരിച്ചത് 2016-07-28.