മാധവ് ഗാഡ്ഗിൽ

ഇംഗ്ലീഷ് വിലാസം

https://ml.wikipedia.org/wiki/Madhav_Gadgil

മാധവ് ഗാഡ്‌ഗിൽ
മാധവ് ഗാഡ്‌ഗിൽ
ജനനം	1942 പൂനെ, മഹാരാഷ്ട്ര
ദേശീയത	ഇന്ത്യക്കാരൻ
അറിയപ്പെടുന്നത്	People Biodiversity Register in India
Scientific career
Fields	പരിസ്ഥിതിശാസ്ത്രം, Conservation Biology, Human Ecology, Ecological history
Institutions	Centre for Ecological Sciences, ഇന്ത്യൻ ഇൻസ്റ്റിറ്റ്യൂട്ട് ഓഫ് സയൻസ്, ബങ്കളൂരു

ഇന്ത്യക്കാരനായ പരിസ്ഥിതി വിദഗ്ദ്ധനാണ് മാധവ് ഗാഡ്ഗിൽ. 1942ൽ പൂനെയിലാണ് ജനനം.

ജീവചരിത്രം

24 മെയ് 1942ൽ പൂനെയിൽ ജനിച്ചു. അമ്മ പ്രമീള. അച്ഛൻ സാമ്പത്തികശാസ്ത്രവിദഗ്ദ്ധനായ ധനഞ്ജയ് രാംചന്ദ്ര ഗാഡ്ഗിൽ. നാസ്തികനായ ധനഞ്ജയ് ജാതിയുടെ അടയാളമാണെന്ന കാരണത്താൽ അദ്ദേഹത്തിന്റെ കുട്ടികളുടെ പൂണൂൽ ചടങ്ങ് നടത്തിയില്ല. പൂനെ യൂണിവേഴ്‌സിറ്റിയിൽ നിന്നും മുംബൈയിൽ നിന്നും ജീവശാസ്ത്രം പഠിച്ചശേഷം മാധവ് ഗണിതപരിസ്ഥിതിശാസ്ത്രത്തിൽ ഹാർവാഡ് യൂണിവേഴ്‌സിറ്റിയിൽ ഡോക്ടറേറ്റ് ചെയ്തു. ഹാർവാഡിൽ അദ്ദേഹം ഒരു ഐ ബി എം ഫെലോ ആയിരുന്നതു കൂടാതെ അപ്ലൈഡ് മാതമാറ്റിക്‌സിൽ റിസേർച്ച് ഫെലോയും ജീവശാസ്ത്ര അദ്ധ്യാപകനുമായിരുന്നു.

1973 മുതൽ 2004 വരെ ബങ്കളൂരുവിലെ ഇന്ത്യൻ ഇൻസ്റ്റിറ്റ്യൂട്ട് ഓഫ് സയൻസിൽ അദ്ധ്യാപകനായിരിക്കുമ്പോൾ അദ്ദേഹം അവിടെ പാരിസ്ഥിതിക ശാസ്ത്രത്തിൽ ഒരു വിഭാഗം ആരംഭിക്കുകയുണ്ടായി. ശ്രീ. ഗാഡ്‌ഗിൽ സ്റ്റാൻഫോഡിലും ബെർക്‌ലിയിലെ കാലിഫോണിയ സർവകലാശാലയിലും സന്ദർശക പ്രഫസർ ആയിരുന്നിട്ടുണ്ട്.

ജനസംഖ്യാശാസ്ത്രം, പരിസ്ഥിതി സംരക്ഷണ ശാസ്ത്രം, മനുഷ്യ-പരിസ്ഥിതിശാസ്ത്രം, പരിസ്ഥിതി ചരിത്രം എന്നിവയിൽ താത്‌പര്യമുള്ള അദ്ദേഹത്തിന്റേതായി 215 ഗവേഷണപ്രബന്ധങ്ങളും 6 പുസ്തകങ്ങളുമുണ്ട്. സ്ഥിരമായി ആനുകാലികങ്ങളിൽ ഇംഗ്ലീഷിലും പ്രാദേശികഭാഷകളിലും അദ്ദേഹം എഴുതാറുണ്ട്.

ഭാരതത്തിലങ്ങോളം ഗവേഷകരുമായും അദ്ധ്യാപകരുമായും നിയമജ്ഞരുമായും സർക്കാരിതര സംഘടനകളുമായും കർഷകരുമായുമെല്ലാം അദ്ദേഹം നിരന്തരം ബന്ധപ്പെട്ടു വരുന്നു. സ്കൂൾ വിദ്യാർത്ഥികളും കലാശാലാ അദ്ധ്യാപകരുമായും എല്ലാം ജൈവവൈവിധ്യം നിരീഷണങ്ങളിലും അദ്ദേഹം ഏർപ്പെടുന്നുണ്ട്. 2002-ലെ ഇന്ത്യ ബയോഡൈവേഴ്‌സിറ്റി ആക്‌ട് ഉണ്ടാക്കിയ സമിതിയിൽ ഡോ. ഗാഡ്‌ഗിൽ അംഗമായിരുന്നു.

പശ്ചിമഘട്ടത്തിലെ ജൈവവൈവിധ്യം നിരീക്ഷിക്കുവാനായി ഉള്ള വിദ്യാഭ്യാസസ്ഥാപനങ്ങളുടെ ശൃംഖലയിലും അദ്ദേഹം സജീവമാണ്. തദ്ദേശവാസികളുടെ അറിവുകൾ ആധുനികമായ അറിവുകളുമായി കോർത്തിണക്കി പ്രകൃതിവിഭവങ്ങൾ കൈകാര്യം ചെയ്യാൻ ഉപയോഗിക്കണമെന്ന് അദ്ദേഹം ചൂണ്ടിക്കാട്ടുന്നു. നാട്ടുജൈവവൈവിധ്യത്തിന്റെ പട്ടിക ഉണ്ടാക്കാനുള്ള ദേശവ്യാപകമായുള്ള പദ്ധതിയിലും ഡോ. ഗാഡ്‌ഗിൽ സജീവമായി ഇടപെടുന്നുണ്ട്. സ്കൂളുകളിലെ പാരിസ്ഥിതിക വിദ്യാഭ്യാസം പരിഷ്കരിക്കാനുള്ള സമിതിയുടെ അധ്യക്ഷനാണ് അദ്ദേഹം ഇപ്പോൾ.

പശ്ചിമഘട്ട ജൈവ വിദഗ്ദസമിതിയുടെ തലവനാണ് ഡോ. ഗാഡ്‌ഗിൽ..

ഉദ്ധരണികൾ

“ ഏതു ഗ്രാമത്തിൽ നിലവിൽ വരുന്ന ഏതു പദ്ധതികളെപ്പറ്റിയും തീരുമാനമെടുക്കേണ്ടത് ആ ഗ്രാമത്തിലെ ജനങ്ങളാവണം. ഗ്രാമങ്ങളിലെ കർഷകരും മുക്കുവരും ആദിമനിവാസികളുമാണ് പ്രകൃതിയെ പരിപാലിക്കുന്നവരും സംരക്ഷിക്കുന്നവരും, കാരണം അവർക്കാണ് പ്രകൃതിയുടെ വിലയറിയുന്നതും അതിനെ എങ്ങനെ സംരക്ഷിക്കണമെന്ന് അറിയുന്നതും. ”

അംഗീകാരങ്ങൾ

• ദേശീയ പാരിസ്ഥിതിക ഫെല്ലോഷിപ്
• പ്രധാനമന്ത്രിയുടെ ശാസ്ത്രകാര്യ ഉപദേശക സമിതി അംഗം, 1986-90 കാലത്ത്
• അന്താരാഷ്ട്ര ശാസ്ത്ര-സാങ്കേതിക ഉപദേശക സമിതി അധ്യക്ഷൻ 1998-2002 കാലത്ത്
• ഇന്ത്യ അക്കാഡമി ഓഫ് സയൻസസ് ഫെല്ലോ
• ഇന്ത്യ നാഷണൽ സയൻസ് അക്കാഡമി ഫെല്ലോ
• തേഡ് വേൾഡ് അക്കാഡമി ഓഫ് സയൻസസ് ഫെല്ലോ
• അമേരിക്കൻ ദേശീയ ശാസ്ത്ര അക്കാഡമിയുടെ വിദേശ അസോസ്സിയേറ്റ്
• ബ്രിട്ടീഷ് പാരിസ്ഥിതിക സൊസൈറ്റിയുടെ വിശിഷ്ടാംഗത്വം
• ഇക്കോളജി സൊസൈറ്റി ഓഫ് അമേരിക്കയിലെ വിശിഷ്ടാംഗത്വം
• ശാന്തി സ്വരൂപ് ഭട്‌നഗർ അവാഡ്
• വിക്രം സാരാഭായ് അവാർഡ്
• ഈശ്വരവചന്ദ്ര വിദ്യാസാഗർ അവാർഡ്
• ഹാർവാർഡ് സർവകലാശാലയുടെ സെന്റെനിയൽ മെഡൽ, 2002-ൽ
• വോൾവോ പാരിസ്ഥിതിക അവാർഡ് 2003-ൽ
• പദ്‌മശ്രീ അവാർഡ്
• പദ്‌മഭൂഷൻ അവാർഡ്
• കർണാടക സർക്കാരിന്റെ രാജ്യോൽസവ സമ്മാനം

ഇതും കാണുക

ഗാഡ്ഗിൽ സമിതി റിപ്പോർട്ട് ദിസ് ഫിഷേഡ് ലാൻഡ്

പുറത്തേക്കുള്ള കണ്ണികൾ

• http://www.dnaindia.com/india/report-environmentalist-madhav-gadgil-opposes-ministry-decision-on-western-ghats-1905341
• http://timesofindia.indiatimes.com/city/kochi/WGEEP-report-is-not-against-development-Gadgil/articleshow/25278545.cms
• ഐ. ഷൺമുഖദാസ്‌; മാധവ് ഗാഡ്ഗിൽ (22 മാർച്ച് 2014). "പവിത്രവനങ്ങൾ ബ്രാഹ്മണിക്കലല്ല" (ഇന്റർവ്യൂ). മാതൃഭൂമി. ശേഖരിച്ചത് 23 മാർച്ച് 2014.