പരം
ഭാരതത്തിന്റെ തനതു സൂപ്പർ കമ്പ്യൂട്ടർ ശ്രേണിയാണ് പരം(PARAM). പുണെ ആസ്ഥാനമായ സെന്റർ ഫോർ ഡെവലപ്മെന്റ് ഓഫ് അഡ്വാൻസ്ഡ് കമ്പ്യൂട്ടിങ്ങാണ് പരം സൂപ്പർ കമ്പ്യൂട്ടറുകൾ രൂപകല്പന ചെയ്യുന്നതും നിർമ്മിക്കുന്നതും.
ചരിത്രം
[തിരുത്തുക]ഭാരതം പൊഖ്രാൻ ആണവ പരീക്ഷണം നടത്തിയതിനെ തുടർന്നുണ്ടായ ഉപരോധത്തിന്റെ ഭാഗമായി അമേരിക്ക ഭാരതത്തിലേക്കുള്ള സൂപ്പർ കമ്പ്യൂട്ടറിന്റെ കയറ്റുമതി നിരോധിച്ചു. ഇതാണ് സൂപ്പർ കമ്പ്യൂട്ടിങ്ങ് മേഖലയിൽ സ്വയം പര്യാപ്തത കൈവരിക്കാനും തനതായി സൂപ്പർ കമ്പ്യൂട്ടർ നിർമ്മിക്കാനുമുള്ള ഭാരതത്തിന്റെ ശ്രമങ്ങൾക്ക് വിത്തുപാകിയത്.
ഈ ലക്ഷ്യം കൈവരിക്കാൻ ഭാരത സർക്കാരിന്റെ വിവരസാങ്കേതിക വകുപ്പിനു കീഴിൽ സ്വയംഭരണാവകാശമുള്ള സംഘടനയായി സെന്റർ ഫോർ ഡെവലപ്മെന്റ് ഓഫ് അഡ്വാൻസ്ഡ് കമ്പ്യൂട്ടിങ്ങ് 1988-ൽ പുണെയിൽ സ്ഥാപിതമായി. പരം പദ്ധതിക്കു വേണ്ടി 30 കോടി രൂപ അനുവദിച്ചു. 3 കൊല്ലമായിരുന്നു പദ്ധതിയുടെ ആദ്യം നിശ്ചയിക്കപ്പെട്ട കാലാവധി. ഈ സമയവും തുകയും നിശ്ചയിക്കപ്പെട്ടത് അമേരിക്കയിൽ നിന്നും ഒരു സൂപ്പർ കമ്പ്യൂട്ടർ വാങ്ങാൻ വേണ്ടി വരുന്ന തുകയും സമയവും കണക്കാക്കിയാണ്.
പരത്തിന്റെ ആദ്യ പ്രോട്ടോടൈപ്പ് 1990-ൽ സൂറിച്ച് സൂപ്പർ കമ്പ്യൂട്ടർ പ്രദർശനത്തിൽ പുറത്തിറക്കപ്പെട്ടു. 1991-ൽ ഭാരതത്തിന്റെ ആദ്യ സൂപ്പർ കമ്പ്യൂട്ടറായ പരം 8000 പ്രവർത്തനക്ഷമമായി.
പരം ശ്രേണി
[തിരുത്തുക]പരം 8000
[തിരുത്തുക]പരം 8000 1991-ൽ പ്രവർത്തനക്ഷമമായി. ഇന്മോസ്(Inmos) 8000 ട്രാൻസ്പ്യൂട്ടറുകളാണ് പരം 8000 ഉപയോഗിച്ചിരുന്നത്.64 പ്രോസസ്സറുകളാണ് 8000 ൽ ഉപയോഗിച്ചിരുന്നത്.
പരം 8600
[തിരുത്തുക]8000 പരിഷ്കരിച്ച് പുറത്തിറക്കിയ 8600 ൽ 256 പ്രോസെസ്സറുകൾ ഉപയോഗിച്ചിരിക്കുന്നത്. 4 ഇന്മോസ് 8000 ചിപ്പുകൾക്ക് ഒരു ഇന്റൽ ഐ860 കോപ്രൊസസ്സർ വീതം 8600ൽ അടക്കം ചെയ്തിരുന്നു. 5 ഗിഗാഫ്ലോപ്സ് വേഗതയാണ് 8600നു ഉണ്ടായിരുന്നത്.
പരം 9900/എസ് എസ്
[തിരുത്തുക]മോഡുലർ രൂപകല്പനയിൽ ഉണ്ടാക്കിയ പരം 9900 20 മുതൽ 200 വരെ പ്രോസെസ്സറുകളെ അടക്കം ചെയ്യാനുള്ള കഴിവുള്ളതായിരുന്നു. സൂപ്പർസ്പാർക് പ്രോസെസ്സറുകളാണ് ഉപയോഗിച്ചിരുന്നത്. അൾട്രാസ്പാർക് പ്രോസെസ്സർ ഉപയോഗിച്ച് പരം 9900/യുഎസ് ഡി ഇ സി ആൽഫ പ്രോസസ്സർ ഉപയോഗിച്ച് പരം 9900/എ എ എന്നീ വിഭാഗങ്ങളും പരം 9900നു ഉണ്ട്.
പരം 10000
[തിരുത്തുക]1998ലാണ് പരം 10000 നിർമ്മിക്കപ്പെട്ടത്. വിവിധ സ്വതന്ത്ര നോഡുകൾ സംയോജിപ്പിച്ചാണ് പരം 10000 പ്രവർത്തിക്കുന്നത്. ഓരോ സ്വതന്ത്ര നോഡും സൺ എന്റർപ്രൈസ് 250 സെർവർ സിസ്റ്റത്തിൽ അധിഷ്ടിതമാണ്. ഈ സെർവറുകൾ ഓരോന്നും രണ്ട് 400 മെഗാഹെർട്സ് അൾട്രാസ്പാർക് II പ്രോസസ്സറുകൾ ഉപയോഗിക്കുന്നു. 6.4 ഗിഗാഫ്ലോപ്സ് മുതൽ 1 ടെറാഫ്ലോപ്സ് വരെ വേഗത പരം 10000ന്റെ വിവിധ രൂപകല്പനകൾ കാണിക്കുന്നു.
പരം പദ്മ
[തിരുത്തുക]ഏപ്രിൽ 2003നു പ്രവർത്തന സജ്ജമായ പരം പദ്മ[1] 1 ടെറാഫ്ലോപ് വേഗതയും 1 ടെറാബൈറ്റ് മെമ്മറിയും ഒത്തിണങ്ങിയതാണ്.1 ഗിഗാഹെർട്സ് വേഗതയുള്ള 248 ഐബിഎം പവർ4 പ്രോസസ്സറുകളാണ് പദ്മക്കു ശക്തി പകരുന്നത്.ഐബിഎം എയിക്സ്(AIX)1.5എൽ ആണ് ഓപ്പറേറ്റിങ്ങ് സിസ്റ്റം. 1 ടെറാഫ്ലോപ്സ് വേഗത മറികടന്ന ആദ്യ ഇന്ത്യൻ സൂപ്പർ കമ്പ്യൂട്ടർ പരം പദ്മ ആണ്.[2]
പരം യുവ
[തിരുത്തുക]നവംബർ 2008ൽ പ്രവർത്തന സജ്ജമായ പരം യുവ 54 ടെറാഫ്ലോപ്സ്[3] പരമാവധി വേഗത കൈവരിക്കാൻ കഴിയുന്ന സൂപ്പർ കമ്പ്യൂട്ടർ ആണ്.ഇന്റൽ 73xx അധിഷ്ടിതമായ 2.9 ഗിഗാഹെർട്സ് വേഗതയുള്ള 4608 പ്രോസെസർ കോറുകളാണ് യുവയിൽ പ്രവർത്തിക്കുന്നത്. 25 ടെറാബൈറ്റ് മുതൽ 200 ടെറാബൈറ്റ് വരെ മെമ്മറി യുവക്കുണ്ട്.2013 ഫെബ്രുവരിയിൽ സി ഡാക്ക് പരം 2 എന്ന സൂപ്പർ കംപ്യൂട്ടർ വികസിപ്പിച്ചു.[4]
പരം കാഞ്ചൻജംഗ
[തിരുത്തുക]2016 ഏപ്രിലിൽ പരം കാഞ്ചൻജംഗ എന്ന സൂപ്പർ കംപ്യൂട്ടർ ഐ ഐ ടി സിക്കിമിൻറെ റാവംഗ്ല ക്യാമ്പസിൽ ഉദ്ഘാടനം ചെയ്യപ്പെട്ടു.[5]
പരം ഇഷാൻ
[തിരുത്തുക]2016 സെപ്റ്റംപറിൽ പരം ഇഷാൻ എന്ന സൂപ്പർ കംപ്യൂട്ടർ ഗുവഹാട്ടി ഐ ഐ ടി ക്യാമ്പസിൽ ഉദ്ഘാടനം ചെയ്യപ്പെട്ടു.[6]
അവലംബം
[തിരുത്തുക]- ↑ Beary, Habib (1 April 2003). "India unveils huge supercomputer". BBC News.
- ↑ "C-DAC Press Kit: A Success Story". C-DAC: Centre for Development of Advanced Computing. Retrieved 15 September 2011.
PARAM Padma, breaking the teraflop (thousand billion flops) barrier in 2002 with a peak speed of 1 Tflop
- ↑ "Top500: "PARAM Yuva" Cluster (Performance)". Archived from the original on 2012-03-20. Retrieved 15 September 2011.
- ↑ "C-DAC unveils India’s fastest supercomputer - Times Of India". 2013-06-02. Archived from the original on 2013-06-02. Retrieved 2021-05-21.
- ↑ https://www.cdac.in/index.aspx?id=pk_pr_prs_rl228. Retrieved 21.05.2021.
{{cite web}}: Check date values in:|access-date=(help); Missing or empty|title=(help) - ↑ Sep 20, TNN | Updated:; 2016; Ist, 12:30. "Supercomputer PARAM-ISHAN launched at IIT - Times of India" (in ഇംഗ്ലീഷ്). Retrieved 2021-05-21.
{{cite web}}:|last2=has numeric name (help)CS1 maint: extra punctuation (link) CS1 maint: numeric names: authors list (link)