പങ്കജ് ഉദാസ്
Pankaj Udhas പങ്കജ് ഉദാസ് | |
|---|---|
 | |
| ജനനം | മേയ് 17, 1951 |
| തൊഴിൽ | ഗസൽ ഗായകൻ |
| വെബ്സൈറ്റ് | വെബ്സൈറ്റ് |
ഭാരതത്തിലെ ഗസൽ ഗായകനാണ്‌ പങ്കജ് ഉദാസ് (ജനനം:17 മെയ് 1951). ഉറുദു കവികളുടെ വരികൾ തന്റെ വേറിട്ട ശൈലിയിലൂടെ ആലപിച്ചു. "നാം"(1986) എന്ന ചിത്രത്തിലെ "ചിട്ടി ആയി ഹേ വതൻ" എന്ന ഹിറ്റ് ഗാനത്തിലൂടെയാണ്‌ പങ്കജ് ഉദാസ് ശ്രദ്ധേയനായത്. ശരാശരി നിലവാരം മാത്രമുണ്ടായിരുന്ന ഈ ചിത്രത്തിന്റെ വൻ വിജയത്തിന്‌ അദ്ദേഹത്തിന്റെ ഗാനം നിമിത്തമാവുകയായിരുന്നു.[അവലംബം ആവശ്യമാണ്] ഇതിന്‌ ശേഷം നിരവധി ആൽബങ്ങൾ അദ്ദേഹത്തിന്റേതായി ഇറങ്ങി. എന്നുമീ സ്വരം എന്ന മലയാള ആൽബത്തിൽ അനൂപ് ജലോട്ടക്കൊപ്പം പാടിയിട്ടുണ്ട്.[1] നിരവധി സംഗീത പര്യാടന പരിപാടികളും അവതരിപ്പിക്കുകയും ധാരാളം ചിത്രങ്ങളിൽ പാടുകയും ചെയ്തു. ഗസൽ ആലാപാനത്തിന്റെ രജതജൂബിലി പൂർത്തിയാക്കിയ അദ്ദേഹത്തിന്‌ 2006 ൽ ഭാരത സർക്കാർ പത്മശ്രീ പുരസ്കാരം നൽകി ആദരിച്ചു.[2]
ജീവിതരേഖ[തിരുത്തുക]
ഗുജറാത്തിലെ രാജ്കോട്ടിനടുത്തുള്ള ജേത്പൂരിൽ ഒരു ജമീന്ദാർ കുടുംബത്തിലാണ്‌ പങ്കജ് ഉദാസ് ജനിച്ചത്. അച്ഛൻ:കേശുഭായ് ഉദാസ്. അമ്മ:ജിതുബേൻ ഉദാസ്. മൂന്ന് മക്കളിൽ ഏറ്റവും ഇളയവനാണ്‌ പങ്കജ്. ഇദ്ദേഹത്തിന്റെ മൂത്ത സഹോദരൻ മൻ‌ഹർ ഉദാസ് ഹിന്ദി ചലച്ചിത്ര ഗായകൻ എന്ന നിലയിൽ ചെറിയ വിജയങ്ങളൊക്കെ നേടിയിട്ടുണ്ട്. ബോംബെയിലെ സെന്റ് സേവിയേഴ്സ് കോളേജിൽ പഠനം നടത്തി.
അവലംബം[തിരുത്തുക]
- ↑ "ആർക്കൈവ് പകർപ്പ്". മൂലതാളിൽ നിന്നും 2011-02-03-ന് ആർക്കൈവ് ചെയ്തത്. ശേഖരിച്ചത് 2011-02-01.
- ↑ http://india.gov.in myindia/padmashri_awards_list1.php
|
സംഗീതജ്ഞരെക്കുറിച്ചുള്ള ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. |