ദിവ്യ ഭാരതി

ഇംഗ്ലീഷ് വിലാസം

https://ml.wikipedia.org/wiki/Divya_Bharti

ദിവ്യ ഭാരതി
ജനനം	ദിവ്യ ഓം പ്രകാശ് ഭാരതി
മറ്റ് പേരുകൾ	സന നദിയാവാല
സജീവ കാലം	1990-1993
ജീവിതപങ്കാളി(കൾ)	സാജിദ് നദിയാവാല (1992-1993)
വെബ്സൈറ്റ്	http://www.divyabhartiportal.com

ഇന്ത്യൻ ചലച്ചിത്ര രംഗത്തെ ഒരു പ്രമുഖ നടിയായിരുന്നു ദിവ്യ ഭാരതി. (ഹിന്ദി: दिव्या भारती), (ഫെബ്രുവരി 25, 1974 - ഏപ്രിൽ 5, 1993). പ്രധാനമായും 1990 കളുടെ ആദ്യകാലങ്ങളിൽ തമിഴ്, തെലുങ്ക്, ഹിന്ദി എന്നീ ഭാഷകളിലാണ് ദിവ്യ ഭാരതി അഭിനയിച്ചിട്ടുള്ളത്. ദിവ്യ ഭാരതി ആദ്യമായി അഭിനയിച്ച ചിത്രം 1990 ൽ 16 വയസ്സുള്ളപ്പോൾ തമിഴിൽ നിലാ പെണ്ണേ എന്ന ചിത്രമാണ്. പക്ഷേ ഈ ചിത്രം ഒരു വിജയമായിരുന്നില്ല. ആദ്യ വിജയചിത്രം തെലുഗു ചിത്രമാ‍യ ബോബ്ബിലി രാജ, എന്ന ചിത്രമായിരുന്നി. ഇതിൽ തെലുങ്ക് നായക നടനായ വെങ്കടേശ് ആയിരുന്നു ദിവ്യയുടെ കൂടെ അഭിനയിച്ചത്. അടുത്ത രണ്ട് വർഷത്തിൽ ധാരാളം തെലുഗു സിനിമകളിൽ അഭിനയിച്ചു. 1992 ൽ ബോളിവുഡ് ചലച്ചിത്ര രംഗത്തേക്ക് വിശ്വാത്മ എന്ന ചിത്രത്തിൽ അഭിനയിച്ചുകൊണ്ട് ദിവ്യ തുടങ്ങി. പിന്നീട് 14 ഓളം ഹിന്ദി ചിത്രങ്ങളിൽ ദിവ്യ അഭിനയിച്ചു. ഒരു പുതുമുഖ നടി എന്ന നിലയിൽ ഇത്രയധികം ചിത്രങ്ങളിൽ അഭിനയിച്ചത് അക്കാലത്തെ ഒരു റെക്കോർഡ് ആയിരുന്നു. പക്ഷേ, ദിവ്യയുടെ ചലച്ചിത്ര ജീവിതം 19 വയസ്സിലെ അകാല മരണത്തോടെ അവസാനിക്കുകയായിരുന്നു. 1993 ഏപ്രിലിൽ ദുരൂഹമായ സാഹചര്യത്തിൽ ദിവ്യ ഭാരതി മരണപ്പെടുകയായിരുന്നു. ദിവ്യ ഭാരതിയെ പ്രമുഖ നടി ശ്രീദേവിയുടെ പുതു തലമുറയിലെ മുഖമായിട്ടാണ് എല്ലാവരും പറഞ്ഞിരുന്നത്. മുഖ ഭാവം കൊണ്ടും മറ്റും ശ്രീദേവിയുമായി താരതമ്യം ഉള്ളതും ഇതിന്റെ ഒരു കാരണമായിരുന്നു.

ആദ്യ ജീ‍വിതം

ദിവ്യ ഭാരതിയുടെ മാതാവ് മീതയും , പിതാവ് ഓം പ്രകാശ് ഭാരതിയുമാണ്. ഒരു കുണാൽ എന്ന ഒരു ഇളയ സഹോദരനമുണ്ട്. 16 -)അം വയസ്സിൽ പഠിത്തം ഉപേക്ഷിച്ച് ദിവ്യ അഭിനയത്തിലേക്ക് തിരിയുകയായിരുന്നു.

സിനിമ ജീവിതം

ദിവ്യയുടെ അഭിനയ ശേഷി കണ്ടെത്തിയത് നടനും സംവിധായകനുമായ കീർത്തി കുമാറായിരുന്നു. 1988 ൽ ഗോവിന്ദയുടെ കൂടെ ഒരു സിനിമയിൽ അഭിനയിക്കാൻ തീരുമാനിച്ചെങ്കിൽ പിന്നീട് ഈ വേഷം ജൂഹി ചൌളക്ക് പോകുകയായിരുന്നു.

പല പ്രമുഖ തെലുഗു നടന്മാരുടെ കൂടെയും ദിവ്യ അഭിനയിച്ചിട്ടുണ്ട്. ഇതിൽ പ്രധാന നടന്മാരായ ബാലകൃഷ്ണ, പ്രശാന്ത്, ചിരഞ്ജീ‍വി, മോഹൻ ബാബു എന്നിവർ ഉൾപ്പെടുന്നു. പിന്നീട് ഹിന്ദിയിലേക്ക് മാറിയതിനുശേഷം ആദ്യ ചിത്രമായ വിശ്വാത്മ ഒരു ഫ്ലോപ്പ് ചിത്രമായ ഒന്നായിരുന്നുവെങ്കിലും , അതിലെ ഗാന രംഗം വളരെ പ്രശസ്തി നേടി. പിന്നീട് അഭിനയിച്ച ഒരു പാട് ചിത്രങ്ങൾ വളരെയധികം ഹിറ്റായി.

ബോളിവുഡിലെ പല പ്രമുഖ നടന്മാരുടെ ഒക്കെ ദിവ്യ അഭിനയിച്ചിട്ടുണ്ട്. ഇതിൽ പ്രധാന നടന്മാർ സണ്ണി ഡിയോൾ, റിഷി കപൂർ, ഗോവിന്ദ, സഞ്ജയ് ദത്ത്, ഷാരൂഖ് ഖാൻ എന്നിവർ ഉൾപ്പെടുന്നു.

സ്വകാര്യ ജീവിതം

1992 ൽ ദിവ്യ ഭാരതി സ്വകാര്യമായി ബോളിവുഡ് നടനായ സാജിദ് നദിയാവാലയുമായി വിവാഹം ചെയ്തു. ഈ വിവാഹം തന്റെ കുടുംബത്തിലെ പ്രശ്നങ്ങൾ ഒഴിവാക്കാനും, ചലച്ചിത്ര ജീവിതത്തിലും ബാധിക്കാതിരിക്കാൻ ഇത് രഹസ്യമാക്കി വക്കുകയായിരുന്നു.

മരണം

ഏപ്രിൽ 5, 1993 ൽ 19 വയസ്സുള്ളപ്പോൾ ദിവ്യ, മുംബൈയിലെ ഒരു അഞ്ചു നില കെട്ടിടത്തിന്റെ മുകളിൽ നിന്നും വീണു മരിക്കുകയായിരുന്നു. 1998 ൽ പോലീസ് ഈ കേസിന്റെ അന്വേഷണം അവസാനിപ്പിച്ചു. പക്ഷേ ഇന്നും ദിവ്യയുടെ മരണം ഒരു സംശയാസ്പദകമായി നിലകൊള്ളുന്നു.

അഭിനയിച്ച ചിത്രങ്ങൾ

വർഷം	ചിത്രം	സഹ നടൻ	ഭാഷ	ബോക്സ് ഓഫീസ്
1990	നില പെണ്ണേ	ആനന്ദ്	തമിഴ്	ഫ്ലോപ്പ്
1990	ബൊബ്ബിലി രാജ	വെങ്കടേഷ്	തെലുങ്ക്	സൂപ്പർ ഹിറ്റ്
1991	റൌഡി അല്ലുഡു	ചിരംഞ്ജീവി	തെലുങ്ക്	ഹിറ്റ്
1992	ധർമ്മ ക്ഷേത്രം	ബാലകൃഷ്ണ	തെലുങ്ക്	ഹിറ്റ്
1992	അസ്സംബ്ലി റൌഡി	മോഹൻ ബാബു	തെലുങ്ക്	ഹിറ്റ്
1992	വിശ്വാത്മ	സണ്ണി ഡിയോൾ	ഹിന്ദി	ഹിറ്റ്
1992	ഷോല ഓർ ശബ്നം	ഗോവിന്ദ	ഹിന്ദി	സൂപ്പർഹിറ്റ്
1992	ദിൽ കാ ക്യാ കസൂർ	പൃഥ്വി	ഹിന്ദി	ഹിറ്റ്
1992	ജാൻ സേ പ്യാര	ഗോവിന്ദ	ഹിന്ദി	ഫ്ലോപ്പ്
1992	ദീവാന	ഷാരൂഖ് ഖാൻ and റിഷി കപൂർ	ഹിന്ദി	സൂപ്പർഹിറ്റ്
1992	ബൽ‌വാൻ	സുനിൽ ഷെട്ടി	ഹിന്ദി	ശരാശരി
1992	ദുശ്മൻ സമാന	അർമാൻ കോഹ്ലി	ഹിന്ദി	ശരാശരി
1992	ദിൽ ഹി തോ ഹേ	ജാക്കി ഷ്രോഫ്	ഹിന്ദി	ഹിറ്റ്
1992	ദിൽ ആശ്ന ഹേ	ഷാരൂഖ് ഖാൻ	ഹിന്ദി	ശരാശരി
1992	ഗീത്	അവിനാശ് വാധവൻ	ഹിന്ദി	ഫ്ലോപ്പ്
1992	ചിറ്റമ്മ മോഗുഡൂ	മോഹൻ ബാബു	തെലുങ്ക്	ഫ്ലോപ്പ്
1993	തൊലി മുദ്ദൂ	പ്രശാന്ത്	തെലുഗു	ഹിറ്റ്
1993	നാ ഇല്ലെ നാ സ്വർഗം	രമേഷ് കൃഷ്ണ	Telugu	Hit
1993	ക്ഷത്രിയ	സഞ്ജയ് ദത്ത്	ഹിന്ദി	Average
1993	രംഗ്	കമൽ സദന	Hindi	Average
1993	ശത്രംഞ്ജ്	ജാക്കി ഷ്രോഫ്	Hindi	Hit

പുറത്തേക്കുള്ള കണ്ണികൾ

• Divya Bharti Portal Archived 2022-03-09 at the Wayback Machine.
• ഇന്റർനെറ്റ് മൂവി ഡാറ്റാബേസിൽ നിന്ന് Divya Bharti
• Divya Bharti on skyblog