തിരുവിഴ ജയശങ്കർ

തിരുവിഴ ജയശങ്കർ
തിരുവിഴ ജയശങ്കർ
	പ്രശസ്ത നാദസ്വരവിദ്വാൻ തിരുവിഴ ജയശങ്കർ
പശ്ചാത്തല വിവരങ്ങൾ
ജനനം	1 ഫെബ്രുവരി 1940 (84 വയസ്സ്); തിരുവിഴ, ചേർത്തല, തിരുവിതാംകൂർ, ബ്രിട്ടീഷ് ഇന്ത്യ
വിഭാഗങ്ങൾ	ഇന്ത്യൻ ശാസ്ത്രീയ സംഗീതം
തൊഴിൽ(കൾ)	നാഗസ്വര വിദ്വാൻ
ഉപകരണ(ങ്ങൾ)	നാദസ്വരം
വർഷങ്ങളായി സജീവം	1955–തുടരുന്നു

ഇംഗ്ലീഷ് വിലാസം

https://ml.wikipedia.org/wiki/Thiruvizha_jayashankar

പ്രശസ്ത നാദസ്വരവിദ്വാനാണ് തിരുവിഴ ജയശങ്കർ. ആലപ്പുഴ ജില്ലയിലെ ചേർത്തലയ്ക്കടുത്ത തിരുവിഴയിൽ ഒരു അമ്പലവാസി കുടുംബത്തിലാണ് ജയശങ്കർ ജനിച്ചത്. പാരമ്പര്യമായി നാദസ്വരവിദ്വാന്മാരുടെ കുടുംബമാണ് അദ്ദേഹത്തിന്റേത്. നാഗസ്വര വിദ്വാനായിരുന്ന പിതാവ് തിരുവിഴ രാഘവപണിക്കരിൽ നിന്നു തന്നെയാണ് അദ്ദേഹം നാഗസ്വര വാദനത്തിന്റെ ബാലപാഠങ്ങൾ സ്വായത്തമാക്കിയതു്. ^[1]^[2]

ജീവിതരേഖ

പിതാവിൽ നിന്നും നാഗസ്വരവാദനം സ്വായത്തമാക്കിയ ജയശങ്കർ പതിനാറാം വയസ്സിൽ കായംകുളത്തിനടുത്തുള്ള പത്തിയൂർ ദേവീക്ഷേത്രത്തിലാണ് അരങ്ങേറ്റം കുറിച്ചത്. ബി. എ. ബിരുദം നേടിയത്തിന് ശേഷം തൃപ്പൂണിത്തുറ ആർ. എൽ. വി. അക്കാദമി, തിരുവനന്തപുരം സ്വാതി തിരുനാൾ സംഗീത കോളേജ് എന്നിവിടങ്ങളിൽ നിന്നായി ഗാനഭൂഷണവും ഗാനപ്രവീണയും നേടി. ഗാനഗന്ധർവ്വൻ യേശുദാസ് തൃപ്പൂണിത്തുറ ആർ. എൽ. വി. അക്കാദമിയിൽ അദ്ദേഹത്തിന്റെ സഹപാഠിയായിരുന്നു.^[3]