ഡൈവെർട്ടികുലൈറ്റിസ്
| ഡൈവെർട്ടികുലൈറ്റിസ് | |
|---|---|
| മറ്റ് പേരുകൾ | Colonic diverticulitis |
 | |
| വൻകുടലിന്റെ ഉൾവശത്ത് രൂപപ്പെട്ട അറകൾ (ഡൈവെർട്ടിക്കുല; വീക്കം വരുന്നതിന് മുൻപ്) | |
| സ്പെഷ്യാലിറ്റി | General surgery |
| ലക്ഷണങ്ങൾ | അടിവയറ്റിലെ വേദന, പനി, ഓക്കാനം, ഡയേറിയ, മലബന്ധം, രക്തസ്രാവം[1] |
| സങ്കീർണത | Abscess, fistula, bowel perforation[1] |
| സാധാരണ തുടക്കം | 50 വയസ്സിന് മുകളിൽ[1] |
| കാരണങ്ങൾ | അവ്യക്തം[1] |
| അപകടസാധ്യത ഘടകങ്ങൾ | Obesity, lack of exercise, smoking, family history, nonsteroidal anti-inflammatory drugs[1][2] |
| ഡയഗ്നോസ്റ്റിക് രീതി | Blood tests, CT scan, colonoscopy, lower gastrointestinal series[1] |
| ഡിഫറൻഷ്യൽ ഡയഗ്നോസിസ് | Irritable bowel syndrome[2] |
| പ്രതിരോധം | Mesalazine, rifaximin[2] |
| Treatment | Antibiotics, liquid diet, hospital admission[1] |
| ആവൃത്തി | 3.3% (developed world)[1][3] |
വൻകുടലിന്റെ ഭിത്തിയിലായി രൂപം പ്രാപിക്കുന്ന ഡൈവെർട്ടികുല (സഞ്ചി രൂപത്തിൽ വീക്കം) വഴിയുണ്ടാകുന്ന ഒരു ഗാസ്ട്രോഇന്റെസ്റ്റിനൽ രോഗാവസ്ഥയാണ് ഡൈവെർട്ടികുലൈറ്റിസ്[1]. അടിവയറ്റിലെ പെട്ടെന്നോ രണ്ടോ മൂന്നോ ദിവസങ്ങൾ കൊണ്ടോ രൂപപ്പെടുന്ന വേദനയാണ് രോഗത്തിന്റെ ലക്ഷണം. ഓക്കാനം, വയറിളക്കമോ മലബന്ധമോ, പനി, രക്തവാർച്ച[1] എന്നിവയൊക്കെ ഈ രോഗം മൂലമുണ്ടാകാം. ഇത് ആവർത്തിച്ച് വരുന്നതായും കാണാറുണ്ട്[2].
അമിതവണ്ണം, വ്യായാമത്തിന്റെ അഭാവം, പുകവലി, പാരമ്പര്യം, ചില മരുന്നുകളുടെ ഉപയോഗം എന്നിവയൊക്കെ രോഗത്തിന് കാരണമാകാമെങ്കിലും യഥാർത്ഥ കാരണം ഇതുവരെ സ്ഥിരീകരിക്കപ്പെട്ടിട്ടില്ല[2]. നാരുകളില്ലാത്ത ഭക്ഷണരീതി ഒരു കാരണമായേക്കാമെങ്കിലും അതും സ്ഥിരീകരിക്കപ്പെട്ടിട്ടില്ല[2]. ഡൈവെർട്ടികുലോസിസ് എന്നറിയപ്പെടുന്ന അവസ്ഥയിൽ ഇത്തരം മുഴകൾ ഉണ്ടെങ്കിലും, പക്ഷെ അണുബാധയേൽക്കാത്തവയായിരിക്കും അവ. ബാക്റ്റീരിയ ബാധയാൽ ഇവയിൽ വീക്കം വരുന്നതോടെയാണ് അപകടാവസ്ഥ രൂപപ്പെടുന്നത്[4]. ഈ സഞ്ചികളിൽ 10 മുതൽ 25% വരെ വീക്കം വരുന്നതായി ഈ ഘട്ടത്തിൽ കാണുന്നു.
രോഗനിർണ്ണയം
[തിരുത്തുക]സി.ടി.സ്കാൻ വഴിയാണ് രോഗനിർണ്ണയം നടത്തുന്നത്. രക്തപരിശോധന, കൊളൊണോസ്കോപ്പി, ലോവർ ഗാസ്ട്രോഇന്റെസ്റ്റിനൽ സീരീസ് എന്നിവയും അധികപരിശോധനകൾക്ക് ഉപയോഗിക്കപ്പെടുന്നു. ഇറിറ്റബിൾ ബവൽ സിൻഡ്രോം എന്നതിന്റെ ലക്ഷണങ്ങൾ താരതമ്യപ്പെടുത്തിയും രോഗം കണ്ടെത്താറുണ്ട്.
ചികിത്സ
[തിരുത്തുക]പൊണ്ണത്തടി, നിഷ്‌ക്രിയത്വം, പുകവലി തുടങ്ങിയ അപകട ഘടകങ്ങളിൽ ആവശ്യമായ മാറ്റങ്ങൾ വരുത്തുന്നത് രോഗപ്രതിരോധത്തിന് സഹായിച്ചേക്കാം[2]. ഡൈവേർട്ടിക്യുലോസിസ് ഉള്ളവരിൽ അണുബാധ വരാതിരിക്കാനായി മെസലാസൈൻ, റിഫാക്സിമിൻ എന്നീ മരുന്നുകൾ ഉപയോഗപ്രദമാണ്. [2] പരിപ്പുകളും മറ്റും ഒഴിവാക്കുന്നത് രോഗം വരാതിരിക്കാൻ സഹായിക്കുമെന്ന ധാരണയുണ്ടെങ്കിലും പഠനങ്ങൾ അതിനെ ശരിവെക്കുന്നില്ല[1][5]. നേരിയ ഡൈവേർട്ടിക്യുലിറ്റിസിന്, ദ്രവരൂപത്തിലുള്ള ആഹാരത്തോടൊപ്പം ആന്റിബയോട്ടിക്കുകൾ കഴിക്കാനായി ശുപാർശ ചെയ്യുന്നു. [1] ഗുരുതരമായ കേസുകളിൽ, ഇൻട്രാവണസ് ആൻറിബയോട്ടിക്കുകൾ, കിടത്തിചികിത്സ, ശോധന നിയന്ത്രണം എന്നിവ ആവശ്യമായേക്കാം[1]. പ്രോബയോട്ടിക്‌സ് ചികിത്സകൾക്ക് സഹായകമായേക്കാം[2].
കുരു, ഫിസ്റ്റുല, വൻകുടലിലെ സുഷിരം എന്നിവക്ക് ശസ്ത്രക്രിയ ആവശ്യം വരാറുണ്ട്[1].
പാശ്ചാത്യലോകത്ത് വ്യാപകമായ ഈ രോഗം, ഏഷ്യയിലും ആഫ്രിക്കയിലും അത്രതന്നെ കാണപ്പെടുന്നില്ല[1][4][3][6]. എന്നാലും ലോകവ്യാപകമായി ഡൈവെർട്ടികുലൈറ്റിസ് വർദ്ധിച്ചുവരികയാണ്.
അവലംബം
[തിരുത്തുക]- ↑ 1.00 1.01 1.02 1.03 1.04 1.05 1.06 1.07 1.08 1.09 1.10 1.11 1.12 1.13 1.14 "Diverticular Disease". www.niddk.nih.gov. September 2013. Archived from the original on 13 June 2016. Retrieved 12 June 2016.
- ↑ 2.0 2.1 2.2 2.3 2.4 2.5 2.6 2.7 2.8 Tursi, A (March 2016). "Diverticulosis today: unfashionable and still under-researched". Therapeutic Advances in Gastroenterology. 9 (2): 213–28. doi:10.1177/1756283x15621228. PMC 4749857. PMID 26929783.
- ↑ 3.0 3.1 Pemberton, John H (16 June 2016). "Colonic diverticulosis and diverticular disease: Epidemiology, risk factors, and pathogenesis". UpToDate. Archived from the original on 2017-03-14. Retrieved 13 March 2017.
- ↑ 4.0 4.1 Mandell, Douglas, and Bennett's Principles and Practice of Infectious Diseases. Churchill Livingstone. 2014. p. 986. ISBN 9781455748013. Archived from the original on 2016-08-08.
- ↑ Young-Fadok, TM (October 2018). "Diverticulitis". New England Journal of Medicine. 379 (17): 1635–42. doi:10.1056/NEJMcp1800468. PMID 30354951.
- ↑ Feldman, Mark (2010). Sleisenger & Fordtran's Gastrointestinal and liver disease pathophysiology, diagnosis, management (9th ed.). [S.l.]: MD Consult. p. 2084. ISBN 9781437727678. Archived from the original on 2016-08-08.