ടെൻസെന്റ്

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
Tencent Holdings Limited
യഥാർഥ നാമം
腾讯控股有限公司
Téngxùn Kònggǔ Yǒuxiàn Gōngsī
Public
Traded as
ISINKYG875721634
വ്യവസായംConglomerate
സ്ഥാപിതം11 നവംബർ 1998; 20 വർഷങ്ങൾക്ക് മുമ്പ് (1998-11-11)
Founders
ആസ്ഥാനംTencent Binhai Mansion, Nanshan District, ,
China
Area served
Worldwide (mainly Greater China)
പ്രധാന വ്യക്തി
വരുമാനംIncrease CN¥237.760 (2017)[1]
Increase CN¥90.302 (2017)[1]
Increase CN¥72.471 (2017)[1]
Total assetsIncrease CN¥554.672 (2017)[1]
Total equityIncrease CN¥277.093 (2017)[1]
ഉടമസ്ഥൻNaspers (31.2%)[2]
Number of employees
44,796 (2017)[3]
വെബ്സൈറ്റ്tencent.com

1998-ൽ സ്ഥാപിക്കപ്പെട്ട ഒരു ചൈനീസ് ബഹുരാഷ്ട്ര കമ്പനിയാണ് ടെൻസെന്റ് ഹോൾഡിങ്ങ്സ് ലിമിറ്റഡ് (ചൈനീസ്: 腾讯控股有限公司; പിൻയിൻ: Téngxùn Kònggǔ Yǒuxiàn Gōngsī). ചൈനയിലും വിദേശരാജ്യങ്ങളിലും ടെൻസെന്റിന്റെ ഉപകമ്പനികൾ ഇന്റെർനെറ്റ് സംബന്ധമായ ഉൽപ്പന്നങ്ങളും സേവനങ്ങളും, വീഡിയോ ഗെയിമുകൾ, വിനോദസേവനങ്ങൾ, നിർമ്മിത ബുദ്ധി, സാങ്കേതികവിദ്യ എന്നീ മേഖലകളിൽ പ്രവർത്തിക്കുന്നു.[4] ഗ്വാങ്ഡോങ് പ്രവിശ്യയിലെ ഷെൻജെൻ നഗരത്തിലാണ് ടെൻസെന്റിന്റെ ആസ്ഥാനമായ ഇരട്ട അംബരചുംബി മന്ദിരമായ ടെൻസെന്റ് സീഫ്രണ്ട് ടവേഴ്സ് നിലനിൽക്കുന്നത്.

ലോകത്തിലെ ഏറ്റവും വലിയ ഗെയിമിങ്ങ് കമ്പനി[5], എറ്റവും വലിയ സമൂഹ മാധ്യമ കമ്പനി[6], എറ്റവും മൂല്യമുള്ള സാങ്കേതികവിദ്യാ കമ്പനികളീൽ ഒന്ന്[7], എറ്റവും വലിയ വെഞ്ച്വർ ക്യാപിറ്റൽ, നിക്ഷേപക കമ്പനികളിൽ ഒന്ന്[8][9] എന്നീ വിശേഷണങ്ങളെല്ലാം ടെൻസെന്റിനുണ്ട്. ടെൻസെന്റിന്റെ പ്രധാന ഉല്പന്നങ്ങളും സേവനങ്ങളും സമൂഹ മാധ്യമം, സംഗീതം, മൊബൈൽ ഗെയിം, വെബ് പോർട്ടൽ, ഇ-കൊമേഴ്സ്, ഇന്റെർനെറ്റ് സേവനം, പണകൈമാറ്റ ശൃംഖല, സ്മാർട്ട്ഫോൺ, മൾട്ടിപ്ലേയർ ഓൺലൈൻ ഗെയിം എന്നീ മേഖലകളിലാണ്. ഈ മേഖലകളിലെല്ലാം തന്നെ ടെൻസെന്റിന്റെ ഉല്പന്നങ്ങളും സേവനങ്ങളും ലോകവ്യാപകമായി എറ്റവും വിജയിച്ചവയും എറ്റവും വലുതുമാണ്.[10] ടെൻസെന്റിന്റെ ചൈനയിലെ ഉല്പന്നങ്ങളാണ് പ്രസിദ്ധ ഇൻസ്റ്റന്റ് മെസഞ്ചർ ടെൻസെന്റ് ക്യുക്യു(Tencent QQ), ലോകത്തെ ഏറ്റവും വലിയ വെബ് പോർട്ടലുകളിൽ ഒന്നായ QQ.com എന്നിവ.[11] അവരുടെ മൊബൈൽ ചാറ്റ് ഉല്പന്നമായ വീചാറ്റ്(WeChat) ടെൻസെന്റിനെ സ്മാർട്ട്ഫോൺ സേവനങ്ങളിലേക്ക് വലിയതോതിൽ വികസിക്കാൻ സഹായിച്ചു. ലോകത്തെ ഏറ്റവും സ്വാധീനമുള്ള മൊബൈൽ ആപ്ലിക്കേഷനുകളിൽ ഒന്നായി വീചാറ്റ് വിശേഷിപ്പിക്കപ്പെടുന്നു.[12] ലോകത്തിലെ തന്നെ ഏറ്റവും വലുതും ലാഭകരവുമായ, ചൈനയിലെ സംഗീതസേവന മേഖലയുടെ സിംഹഭാഗവും ടെൻസെന്റ് മ്യൂസിക് എന്റർറ്റൈന്മെന്റ് കമ്പനിയുടെയാണ്. 700 ദശലക്ഷം സജീവ ഉപഭോക്താക്കളും 120 ദശലക്ഷം പണം നൽകുന്ന വരിക്കാരുമാണ് അവർക്കുള്ളത്.[13][14][15][16]

2017-ൽ ടെൻസെന്റിന്റെ വിപണിമൂല്യം 500 ബില്യൺ ഡോളർ കവിഞ്ഞു, അതോടെ $500 ബില്യൺ കവിയുന്ന ആദ്യ ഏഷ്യൻ സാങ്കേതികവിദ്യാ കമ്പനിയായി ടെൻസെന്റ് മാറി.[17][18][19] ഇപ്പോൾ ഏഷ്യയിലെ ഏറ്റവും വിപണിമൂല്യമുള്ള കമ്പനികളിലൊന്നും ലോകത്തിലെ സാങ്കേതികവിദ്യാ കമ്പനികളിൽ വിപണിമൂല്യമനുസരിച്ച് എറ്റവും വലിയ കമ്പനികളിലൊന്നുമാണ് ടെൻസെന്റ്.[20] നൂതനസങ്കേതങ്ങൾ കൊണ്ടുവരുന്നതിൽ ലോകത്തിലെ തന്നെ ഒരു മുൻനിര കമ്പനിയായി അനേകം മാധ്യമങ്ങളും ബോസ്റ്റൺ കൺസൾട്ടിങ്ങ് ഗ്രൂപ്പ് അടക്കമുള്ള കമ്പനികളും ടെൻസെന്റിനെ വിശേഷിപ്പിക്കുന്നു.[21][22][23][24][25][26][27] 2018-ലെ കണക്കുകൾ പ്രകാരം ടെൻസെന്റ് ആഗോള ബ്രാൻഡ് മൂല്യത്തിൽ അഞ്ചാമതാണ്.[28]

ടെൻസെന്റിന് നൂറുകണക്കിന് അനുബന്ധ കമ്പനികളും ഉപകമ്പനികളുമുണ്ട്. ഇവയിലൂടെ വളരെ വിസ്തൃതമായ ഉടമസ്ഥതയുടെയും നിക്ഷേപങ്ങളുടെയും കൂട്ടം അവർ നിർമ്മിച്ചിരിക്കുന്നു. ടെൻസെന്റിന്റെ സ്വാധീനം വളരെ വൈവിദ്ധ്യമാർന്ന മേഖലകളിലുണ്ട്. ഇ-കൊമേഴ്സ്, ചില്ലറവ്യാപാരം, വീഡിയോ ഗെയിമുകൾ, ഭൂമിക്കച്ചവടം, സോഫ്റ്റ്‌വേർ, വെർച്വൽ റിയാലിറ്റി, യാത്ര പങ്കുവെക്കൽ, ബാങ്കിങ്ങ്, ധനകാര്യ സേവനങ്ങൾ, ധനകാര്യ സാങ്കേതികവിദ്യ, ഉപഭോക്തൃ സാങ്കേതികവിദ്യ, കമ്പ്യൂട്ടർ സാങ്കേതികവിദ്യ, വാഹനം, ചലച്ചിത്ര നിർമ്മാണം, ചലച്ചിത്ര ടിക്കറ്റ് വിതരണം, സംഗീത നിർമ്മാണം, ബഹിരാകാശ സാങ്കേതികവിദ്യ, പ്രകൃതിവിഭവങ്ങൾ, സ്മാർട്ട്ഫോണുകൾ, ബിഗ് ഡാറ്റ,കൃഷി, വൈദ്യശാസ്ത്ര സേവനങ്ങൾ, ക്ലൗഡ് കമ്പ്യൂട്ടിങ്ങ്, സമൂഹ മാധ്യമം, വിവരസാങ്കേതികവിദ്യ, പരസ്യമേഖല, സ്ട്രീമിങ്ങ് മാധ്യമം, നിർമ്മിത ബുദ്ധി, റോബോട്ടിക്സ്, പൈലറ്റില്ലാ വിമാനങ്ങൾ, ഭക്ഷണ വിതരണം, കൊറിയർ സേവനം, ഇ-പുസ്തകങ്ങൾ, ഇന്റർനെറ്റ് സേവനം, വിദ്യാഭ്യാസം, പുനരുപയോഗിക്കാവുന്ന ഊർജ്ജം മുതലായവ ടെൻസെന്റിന്റെ സ്വാധീനമുള്ള മേഖലകളാണ്.[29] ലോകത്തിലെ തന്നെ ഏറ്റവും സജീവമായ നിക്ഷേപ കമ്പനികളിലൊന്നാണ് ടെൻസെന്റ്. ഏഷ്യയിലെ വികസിച്ചു വരുന്ന സാങ്കേതികവിദ്യാ പുതുകമ്പനികളിലാണ് ഇപ്പോൾ ടെൻസെന്റ് കൂടുതൽ നിക്ഷേപിക്കുന്നത്.[30][31][32]

ഉല്പന്നങ്ങളും സേവനങ്ങളും[തിരുത്തുക]

ടെൻസെന്റ് ക്രെഡിറ്റ്[തിരുത്തുക]

ടെൻസെന്റിന്റെ സ്വന്തം ക്രെഡിറ്റ് സ്കോറിങ്ങ് സങ്കേതമാണ് ടെൻസെന്റ് ക്രെഡിറ്റ്

ഇൻസ്റ്റന്റ് മെസഞ്ചർ[തിരുത്തുക]

ക്യുക്യു(QQ)[തിരുത്തുക]

ഫെബ്രുവരി 1999ൽ പുറത്തിറക്കിയ ക്യുക്യു ടെൻസെന്റിന്റെ ആദ്യത്തെ ഉല്പന്നമായിരുന്നു. ചൈനയിലെ എറ്റവും ജനകീയമായ ഇൻസ്റ്റന്റ് മെസഞ്ചറാണ് ക്യുക്യു.2010 ഡിസംബർ 31ന് 647.6 ദശലക്ഷം സജീവ ഉപഭോക്താക്കൾ ക്യൂക്യൂവിനുണ്ടായിരുന്നു. അന്നത്തെ ലോക ഓൺലൈൻ സമൂഹങ്ങളിൽ ഏറ്റവും വലുതായിരുന്നു ഇത്. പലപ്പോഴും ഒരേസമയം 100 ദശലക്ഷത്തിലധികം ഉപഭോക്താക്കൾ ക്യൂക്യൂവിൽ സജീവമായിരിക്കാറുണ്ട്. തുടക്കത്തിൽ സൗജന്യമായിരുന്ന ക്യൂക്യൂ 2006 മുതൽ പണം കൊടുത്ത് ഉപയോഗിക്കുന്നതാക്കി മാറ്റി.

ക്യൂക്യൂ ഷോ[തിരുത്തുക]

ക്യൂക്യൂ ഇന്റർനാഷ്ണൽ[തിരുത്തുക]

ക്യു സോൺ[തിരുത്തുക]

വീഡിയോ ഗെയിമുകൾ[തിരുത്തുക]

മൊബൈൽ സമൂഹ മാധ്യമം[തിരുത്തുക]

സെർച്ച് എഞ്ചിൻ[തിരുത്തുക]

ഇ-കൊമേഴ്സ്[തിരുത്തുക]

ചലച്ചിത്രങ്ങൾ[തിരുത്തുക]

സംഗീത വിതരണം[തിരുത്തുക]

അവലംബം[തിരുത്തുക]

  1. 1.0 1.1 1.2 1.3 1.4 "2017 Annual Report" (PDF). Tencent.com. ശേഖരിച്ചത് 21 March 2018.
  2. Wexler, Steven Russolillo and Alexandra. "The Savviest Tech Investor You've Never Heard of Is Selling Down Tencent". Dow Jones & Company. ശേഖരിച്ചത് 31 October 2018.
  3. "2017 Annual Report" (PDF). Tencent.
  4. Biographical Dictionary of New Chinese Entrepreneurs and Business Leaders, Pg. 111-112 Ilan Alon and Wenxian Zhang. Edward Elgar Publishing, 2009. Google Book Search.
  5. "Terms of Service Violation". www.bloomberg.com.
  6. Titcomb, James (21 November 2017). "China's biggest social media company Tencent is now worth more than Facebook" – via www.telegraph.co.uk.
  7. French, Sally. "China has 9 of the world's 20 biggest tech companies". marketwatch.com.
  8. "Tencent's 60,000% Runup Leads to One of the Biggest VC Payoffs Ever". www.bloomberg.com.
  9. "Tencent, the "SoftBank of China," has invested tens of billions globally since 2015 — Quartz". qz.com (ഭാഷ: ഇംഗ്ലീഷ്).
  10. Tencent, More Than QQ Instant Messaging In China Archived 26 April 2009 at the Wayback Machine. thechinaobserver.com, undated but posted prior to 12 February 2009
  11. For Chinese IM Portal Tencent, The Money Is In Micro-Transactions techcrunch.com, 27 March 2008
  12. Lim, Jason. "WeChat, One Of The World's Most Powerful Apps". Forbes (ഭാഷ: ഇംഗ്ലീഷ്).
  13. "Tencent Music drowns out Spotify and Apple". Bloomerg.
  14. "Revealed: Billboard's 2017 Digital Power Players, Guiding the Future in Music and Tech". Billboard.
  15. "Tech in Asia - Connecting Asia's startup ecosystem". www.techinasia.com.
  16. "Tencent spikes on music arm move". The Standard.
  17. "Tencent joins US$500 billion valuation line up".
  18. "Tencent Holdings Market Cap (TCEHY)". ycharts.com (ഭാഷ: ഇംഗ്ലീഷ്).
  19. "Tencent posts 69 percent jump in quarterly net profit; becomes the most valuable company in Asia". Tech2.
  20. Kharpal, Arjun (20 November 2017). "Tencent becomes first Asian company to be valued over $500 billion". CNBC.
  21. Russell, Jon. "Tencent posts $21.9 billion in annual revenue, its highest growth since 2012". TechCrunch (ഭാഷ: ഇംഗ്ലീഷ്).
  22. "Tencent Passed Wells Fargo As World's 10th Biggest Company".
  23. "Tencent named one of most innovative companies|Across America|chinadaily.com.cn". usa.chinadaily.com.cn.
  24. Borromeo, EL (5 December 2015). "World's 50 Most Innovative Firms Include Tencent, Huawei and Lenovo". Yibada English.
  25. "BCG: Tencent is the Most Innovative Company in China in 2015". China Internet Watch. 5 January 2016.
  26. "Tencent's Profit Is Better Than Expected". Bloomberg.com. 15 November 2017.
  27. "Tencent Tops Chinese Leader Board on Global Innovator List - Caixin Global". www.caixinglobal.com (ഭാഷ: ഇംഗ്ലീഷ്). ശേഖരിച്ചത് 2018-08-15.
  28. "China Now Has 2 of the Top 10 Most Valuable Brands in the World For the First Time". Fortune (ഭാഷ: ഇംഗ്ലീഷ്).
  29. "Tencent Holdings - Investments". Crunchbase (ഭാഷ: ഇംഗ്ലീഷ്).
  30. "Tencent Holdings - Investments | crunchbase". www.crunchbase.com.
  31. Krapels, Nicholas (17 July 2017). "Tencent Vs. Alibaba: Complex Cross-Ownership Structures Cause Criminally Undervalued Chinese Super-Conglomerates". Seeking Alpha.
  32. "China's Tencent is the Most Active Corporate Investor in Asia's Tech Startups". Fintech Singapore. 26 May 2017.
"https://ml.wikipedia.org/w/index.php?title=ടെൻസെന്റ്&oldid=3088716" എന്ന താളിൽനിന്ന് ശേഖരിച്ചത്