കുര്യാക്കോസ് ഭരണികുളങ്ങര
 | ഈ ലേഖനത്തിന്റെ ആധികാരികത പരിശോധിക്കുന്നതിന് കൂടുതൽ സ്രോതസ്സുകളിൽ നിന്നുള്ള അവലംബങ്ങൾ ആവശ്യമാണ്. ദയവായി യോഗ്യങ്ങളായ സ്രോതസ്സുകളിൽ നിന്നുമുള്ള അവലംബങ്ങൾ ചേർത്ത് ലേഖനം മെച്ചപ്പെടുത്തുക. അവലംബമില്ലാത്ത വസ്തുതകൾ ചോദ്യം ചെയ്യപ്പെടുകയും നീക്കപ്പെടുകയും ചെയ്തേക്കാം. |
| ബിഷപ് കുര്യാക്കോസ് ഭരണികുളങ്ങര | |
|---|---|
| ഫരിദാബാദ് രൂപതയുടെ പ്രഥമ ബിഷപ്പ് | |
| ഭദ്രാസനം | സീറോ മലബാർ കത്തോലിക്കാ സഭ ഫരിദാബാദ് രൂപത |
| വ്യക്തി വിവരങ്ങൾ | |
| ജനനം | ഫെബ്രുവരി 1, 1956 കരിപ്പാശ്ശേരി അങ്കമാലി എറണാകുളം |
| വിഭാഗം | സീറോ മലബാർ കത്തോലിക്കാ സഭ |
| മാതാപിതാക്കൾ | ഏല്യ, ആന്റണി |
സീറോ മലബാർ കത്തോലിക്ക സഭയുടെ ഡൽഹിയിൽ സ്ഥാപിതമായ ഫാരിദാബാദ് രൂപതയുടെ ആദ്യത്തെ മെത്രാനാണ് കുര്യാക്കോസ് ഭരണികുളങ്ങര[1]. മെത്രാനെങ്കിലും രൂപതയുടെ മെത്രാപ്പോലീത്തായായാണ് ഇദ്ദേഹം നിയമിതനാകുന്നത്.
ജീവിതരേഖ
[തിരുത്തുക]1956 ഫെബ്രുവരി 1ന് ഏല്യ ആന്റണി ദമ്പതികളുടെ മകനായി എറണാകുളം ജില്ലയിലെ അങ്കമാലിക്കടുത്തുള്ള കരിപ്പാശ്ശേരി എന്ന ഗ്രാമത്തിൽ ജനിച്ചു[2]. കർമ്മൽ സെമിനാരിയിൽ ഫിലോസഫിയും മംഗലപ്പുഴ സെമിനാരിയിൽ തിയോളജിയും പഠിച്ചിട്ടുണ്ട്. 1988-ൽ റോമിലും ഇറ്റലിയിലുമായി ഉപരിപഠനം നടത്തി. സ്വദേശത്തും വിദേശങ്ങളിലുമായി മിഷൻ പ്രവർത്തന സ്ഥാപനങ്ങളിൽ പ്രവർത്തിച്ചിട്ടുണ്ട്.
തൃപ്പൂണിത്തുറ സെന്റ് മേരീസ് പള്ളി, മലയാറ്റൂർ പള്ളി എന്നിവിടങ്ങളിൽ സഹവികാരിയായി പ്രവർത്തിച്ചിരുന്നു. തായ്‌ലന്റ്, വെനിസ്വേല, ജോർദ്ദാൻ എന്നിവിടങ്ങളിലും 2007-ൽ ന്യൂയോർക്കിലെ വത്തിക്കാൻ എംബസിയിലും തുടർന്നുള്ള വർഷം ജർമ്മൻ എംബസിയിലും സേവനമനുഷ്ഠിച്ചു. ജെർമ്മനിയിലുള്ള വത്തിക്കാൻ എംബസിയിൽ സേവനമനുഷ്ഠിച്ചുകൊണ്ടിരിക്കേ, 2012 മാർച്ച് 6നാണ് എറണാകുളം- അങ്കമാലി അതിരൂപതയുടെ കർദ്ദിനാൾ മാർ ജോർജ് ആലഞ്ചേരി ഇദ്ദേഹത്തെ മെത്രാനായി നാമകരണം ചെയ്തത്[3].