ആറുപടൈവീടുകൾ

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
Six Abodes of Murugan
പേരുകൾ
മറ്റു പേരുകൾ:Aarupadai Veedu
ശരിയായ പേര്:Six Holy abodes of Lord Muruga
തമിഴ്:ஆறுபடை வீடு
സ്ഥാനം
രാജ്യം:India
സംസ്ഥാനം:Tamil Nadu
സ്ഥാനം:Thiruthani, Swamimalai, Pazhani, Pazhamudircholai, Thiruparankundram, Thiruchendur
വാസ്തുശൈലി,സംസ്കാരം
പ്രധാന പ്രതിഷ്ഠ::Kartikeya
പ്രധാന ഉത്സവങ്ങൾ:Kaumaram, Thaipusam
വാസ്തുശൈലി:Tamil Architecture
ക്ഷേത്രങ്ങൾ:6

തമിഴ്നാടിന്റെ വിവിധഭാഗങ്ങളിലായി സ്ഥിതിചെയ്യുന്ന, ശിവപാർവതിമാരുടെ പുത്രനായ ശ്രീ സുബ്രഹ്മണ്യന്റെ ആറു ദിവ്യക്ഷേത്രങ്ങളാണ് അറുപടൈ വീടുകൾ (തമിഴ്: அறுபடைவீடுகள்)എന്ന് അറിയപ്പെടുന്നത്. തമിഴ് സംഘം സാഹിത്യത്തിലും അറുപ്പടൈവീടുകളെകുറിച്ച് പരാമർശിക്കപ്പെടുന്നുണ്ട്. സംഘകാലകൃതികളായ "തിരുമുരുകാട്രുപടൈ", "തിരുപ്പുകഴ്" എന്നിവ അവയിൽ ചിലതാണ്. തിരുത്തണി, സ്വാമിമല, പഴനി മല, പഴമുതിർചോലൈ, തിരുപ്പറൻങ്കുൻറം, തിരുച്ചെന്തൂർ എന്നിവയാണ് മുരുകന്റെ അറുപ്പടൈവീടുകൾ എന്ന് അറിയപ്പെടുന്ന ആറു ക്ഷേത്രങ്ങൾ. [1]

ക്ഷേത്രങ്ങൾ[തിരുത്തുക]

Palani Hill.JPG പഴനി മുരുകൻ ക്ഷേത്രം
സ്ഥാനം: പഴനിമല
ജില്ല: ഡിണ്ടിഗൽ 
പഴനി മലയുടെ മുകളിലാണ് ഈ ക്ഷേത്രം സ്ഥിതിച്ചെയ്യുന്നത്. ഇവിടെ മുരുകനെ ദണ്ഡപാണി എന്ന രൂപത്തിൽ ആരാധിക്കുന്നു. കയ്യിൽ വടി(ദണ്ഡം) ആയുധമായി ധ്യാനരൂപത്തിലാണ് ദണ്ഡപാണി നിലകൊള്ളുന്നത്.

ജ്നാനപ്പഴത്തെകുറിച്ചുണ്ടായ തർക്കത്തെ തുടർന്ന് കൈലാസം വിട്ടിറഞ്ഞിയ മുരുകൻ പഴനിമലയിലേക്കാണ് എത്തിയത്. കാർത്തികേയനെ സമാധാനിപ്പിക്കാനായി ശിവ-പാർവ്വതിമാർ പറഞ്ഞ പഴം നീ എന്ന വാക്കുകളാണ് പഴനി (‌പളനി)‌ ആയി മാറിയത്.

Swamimalaimuruga2.jpg സ്വാമിമലൈ മുരുകൻ ക്ഷേത്രം
സ്ഥാനം: സ്വാമിമല
ജില്ല: കുംഭകോണം
കാവേരിയുടെ ഒരു പോഷകനദിയുടെ തീരത്ത് സ്വാമി മല എന്ന കുന്നിന്മുകളിലായി ഈ ക്ഷേത്രം സ്ഥിതിചെയ്യുന്നു. മുരുകൻ തന്റെ പിതാവായ ശിവന് പ്രണവമന്ത്രമായ ഓം കാരത്തിന്റെ( ॐ) പൊരുൾ അരുൾചെയ്തത് ഇവിടെവെച്ചാണ് എന്നാണ് വിശ്വാസം. ആയതിനാൽ മുരുകനെ സ്വാമിനാഥൻ (‌സ്വാമി =ശിവൻ) എന്ന രൂപത്തിൽ ഇവിടെ പ്രതിഷ്ഠിച്ചിരിക്കുന്നു.
Thiruchendur Temple.jpg തിരുച്ചെന്തൂർ മുരുകൻ ക്ഷേത്രം
സ്ഥാനം: തിരുച്ചെന്തൂർ
ജില്ല: തൂത്തുക്കുടി
തൂത്തുകുടിയിൽ സമുദ്രത്തീരത്തായാണ് ഈ ക്ഷേത്രം സ്ഥിതിചെയ്യുന്നത്. മുരുകൻ ശൂരപദ്മനെ വധിച്ചത് ഇവിടെവെച്ചാണ് എന്ന് വിശ്വസിക്കുന്നു.
Thiruparamkundram (1).jpg തിരുപ്പറങ്കുൻറം മുരുകൻ ക്ഷേത്രം
സ്ഥാനം: തിരുപ്പറങ്കുൻറം
ജില്ല: മതുരൈ
ക്ഷേത്ര ഐതിഹ്യപ്രകാരം സുബ്രഹ്മണ്യസ്വാമി ദേവയാനിയെ വിവാഹം കഴിച്ചത് ഇവിടെ വെച്ചാണ്
Thiruthani Murgan Temple.jpg തിരുത്തണി മുരുകൻ ക്ഷേത്രം
സ്ഥാനം: തിരുത്തണി
ജില്ല: മതുരൈ
തമിഴ്നാട്ടിൽ ചെന്നൈക്ക് സമീപമാണ് ഈ ക്ഷേത്രം സ്ഥിതിചെയ്യുന്നത്. മുരുകൻ വള്ളിയെ വിവാഹം കഴിച്ചത് തിരുത്തണിയിൽ വെച്ചാണ് എന്നാണ് വിശ്വാസം.
Pazhamuthir solai Murugan 1.JPG പഴമുതിർചോലൈ മുരുകൻ ക്ഷേത്രം
സ്ഥാനം: പഴമുതിർചോലൈ
ജില്ല: മതുരൈ
മതുരൈ ജില്ലയിൽ "നുപുര ഗംഗൈ" എന്ന ഒരു ചെറു അരുവിയുടെ സമീപമായാണ് പഴമുതിർചോലൈ ക്ഷേത്രം സ്ഥിതിചെയ്യുന്നത്. സുബ്രഹ്മണ്യസ്വാമി വള്ളി-ദേവയാനി സമേതനായാണ് ഈ ക്ഷേത്രത്തിൽ നിലകൊള്ളുന്നത്.

അവലംബം[തിരുത്തുക]

  1. "Arupadaiveedu". The Hindu. 12 November 2010. ശേഖരിച്ചത്: 3 December 2016.
"https://ml.wikipedia.org/w/index.php?title=ആറുപടൈവീടുകൾ&oldid=2832397" എന്ന താളിൽനിന്ന് ശേഖരിച്ചത്