അലോയിസ് ബ്രൂണർ

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
അലോയിസ് ബ്രൂണർ (Alois Brunner)
ജനനം(1912-04-08)8 ഏപ്രിൽ 1912
Nádkút, Vas, Austria-Hungary (now Rohrbrunn, Burgenland, Austria)
മരണംc. 2010 (aged 97–98)
ദമാസ്കസ് , സിറിയ (മരിച്ചു എന്ന് വിശ്വസിക്കപ്പെടുന്നു)
ദേശീയത Nazi Germany
ജോലിക്കാലം1932–1945
പദവിSS-Hauptsturmführer (captain)
യൂനിറ്റ്Flag of the Schutzstaffel.svg Schutzstaffel
Commands heldDrancy internment camp
മറ്റു തൊഴിലുകൾസിറിയൻ സർക്കാരിന്റെ ഉപദേശകൻ ; ഈജിപ്തിൽ ആയുധ വ്യാപാരം.

അഡോൾഫ് ഹിറ്റ്‌ലറുടെ ഭരണകാലത്ത് യൂറോപ്പിൽ ആയിരക്കണക്കിന് ജൂതന്മാരെ കൂട്ടക്കൊല ചെയ്ത ഹോളോകോസ്റ്റ് സംഭവത്തിന്റെ പ്രധാന ആസൂത്രകൻ ആയിരുന്നു അലോയിസ് ബ്രൂണർ (8 ഏപ്രിൽ 1912 – c. 2010). ഷുട്ട്സ്സ്റ്റാഫേൽ ( Schutzstaffel (SS)) എന്ന ജർമ്മൻ സൈന്യവിഭാഗത്തിന്റെ ലഫ്ടനന്റ്റ് കേണൽ ആയിരുന്ന അഡോൾഫ് ഐഷ്മാൻന്റെ വലംകൈയായിരുന്നു ഇയാൾ.[1] രണ്ടാം ലോകമഹായുദ്ധസമയത്തെ ഹോളോകോസ്റ്റിൽ യൂറോപ്പിലെ 140,000 വരുന്ന ജൂതന്മാരെ ഗ്യാസ്ചേംബറുകളിൽ വച്ച് കൊല്ലുന്നതിനു ഇയാൾ നേതൃത്വം വഹിച്ചു.

യുദ്ധാനന്തര ജീവിതം[തിരുത്തുക]

രണ്ടാംലോക മഹായുദ്ധത്തിന് ശേഷം ജർമനിയിൽ ഹിറ്റ്‌ലറുടെ ഭരണം അവസാനിച്ചതോടെ 1950-ൽ ബ്രൂണർ സിറിയയിലേക്ക് ഒളിച്ചോടി. അതിനിടയിൽ ബ്രൂണർ ഈജിപ്ത്തിൽ ആയുധക്കച്ചവടം നടത്തിയിരുന്നു. ബ്രൂണറെ വധിക്കാൻ ഇസ്രായേൽ ചാര സംഘടനയായ മൊസാദ് രണ്ട് തവണ ശ്രമിച്ചെങ്കിലും പരാജയപ്പെട്ടു. മൊസാദ് നടത്തിയ തപാൽ ബോംബ്‌ ആക്രമണത്തിൽ ബ്രൂണറുടെ കണ്ണും ഇടതു കൈ വിരലുകളും നഷ്ടപ്പെട്ടു.[2] ബ്രൂണറിന്റെ അസാന്നിധ്യത്തിൽ തന്നെ 1954ൽ ഫ്രാൻസിൽ വച്ചു നടന്ന യുദ്ധകുറ്റങ്ങളുടെ വിചാരണയിൽ ഇയാൾക്ക് വധശിക്ഷ വിധിച്ചു. 2003ൽ ബ്രിട്ടീഷ് പത്രമായ ഗാർഡിയൻ പലായനം ചെയ്ത, ജീവിച്ചിരിക്കുന്നു എന്ന് വിശ്വസിക്കുന്ന യുദ്ധ കുറ്റവാളിയായി ആണ് അലോയിസ് ബ്രൂണറിനെ പരാമർശിച്ചത്.[3]

സിറിയയിൽ ഒളിവിൽ കഴിയുന്ന സമയത്ത് ഇയാൾ സിറിയൻ ഭരണാധികാരി ബാഷർ അൽഅസദിന്റെ ഉപദേശകനായിരുന്നു എന്ന് വിശ്വസിക്കപ്പെടുന്നു.[4] 1989 ൽ ഇയാളെ കിഴക്കൻ ജർമ്മനിയിലേക്ക് കടത്താൻ പരിപാടികൾ ആസൂത്രണം ചെയ്തിരുന്നു എങ്കിലും ബെർലിൻ മതിൽ തകർന്നു കിഴക്കൻ ജർമ്മനി ഇല്ലാതായതോടെ അത് നടന്നില്ല.[5]1985-ൽ ഒരു ജർമൻ വാർത്താ മാസികയ്ക്കാണ് അവസാനമായി ബ്രൂണർ അഭിമുഖം നൽകിയത്. കുറ്റബോധം തോന്നുന്നുണ്ടോ എന്ന ചോദ്യത്തിന്, കൂടുതൽ ജൂതന്മാരെ കൊന്നില്ലല്ലോ എന്ന ദുഃഖമേയുള്ളൂ എന്നായിരുന്നു മറുപടി.[6]

മരണവാർത്ത[തിരുത്തുക]

2014 വരെ ഇയാളെ കണ്ടുപിടിക്കാൻ യൂറോപ്യൻ രാജ്യങ്ങളും , ഇന്റർപോളും പരിശ്രമിച്ചു. 2007ൽ ആസ്ത്രിയൻ സർക്കാർ ഇയാളെ കുറിച്ച് വിവരം നൽകുന്നവർക്ക് €50,000 വരെ പ്രതിഫലം പ്രഖ്യാപിച്ചിരുന്നു. [7]

2014 നവംബർ 30നു, ബ്രൂണർ സിറിയയിൽ വെച്ച് നാലുവർഷം മുമ്പ് 2010ൽ തന്നെ മരിച്ചെന്ന വിവരം ജർമൻ ഇന്റലിജൻസ് വിഭാഗത്തിലെ ഒരു ഉദ്യോഗസ്ഥനാണ് വെളിപ്പെടുത്തിയത്.[8] [9] 2014 ൽ മാത്രമാണ് , ലോകം അന്വേഷിക്കുന്ന നാസി യുദ്ധ കുറ്റവാളികളുടെ പട്ടികയിൽ നിന്ന് ഇയാളുടെ പേര് നീക്കം ചെയ്തത്.[10]

അവലംബം[തിരുത്തുക]

  1. "Biography, at the Jewish Virtual Library". Jewishvirtuallibrary.org. 2005-12-31. ശേഖരിച്ചത്: 2012-11-09.
  2. Alois Brunner — La haine irréductible, by Didier Epelbaum, preface by Serge Klarsfeld, published by Calmann-Lévy, January 1990.
  3. Henley, Jon (2003-03-03). "French court strikes blow against fugitive Nazi". London: The Guardian. ശേഖരിച്ചത്: 2007-07-30.
  4. http://www.mathrubhumi.com/story.php?id=504501
  5. "Fall of Berlin Wall halted extradition of key Nazi: report". Expatica.com. ശേഖരിച്ചത്: 2012-11-09.
  6. Schneider, Gertrude, Journey into terror: story of the Riga Ghetto (2nd abbr. edition), Westport, Connecticut, Praeger, 2001, p. 54, 167; ISBN 0-275-97050-7
  7. Warrant of Apprehension, Austrian Justice Ministry
  8. http://www.mathrubhumi.com/story.php?id=504501
  9. Marissa Newman, "Alois Brunner, most-wanted Nazi, died ‘unrepentant’ in Syria", The Times of Israel, 30 November 2014.
  10. Simon Wiesenthal Center 2014 Annual Report on the Status of Nazi War Criminals (PDF). Los Angeles: Simon Wiesenthal Center. 2014.

പുറത്തേയ്ക്കുള്ള കണ്ണികൾ[തിരുത്തുക]

Persondata
NAME അലോയിസ് ബ്രണ്ണർ
ALTERNATIVE NAMES ജോർജ്ജ് ഫിഷർ
SHORT DESCRIPTION നാസി യുദ്ധ കുറ്റവാളി പിടികിട്ടാപ്പുള്ളി
DATE OF BIRTH 8 ഏപ്രിൽ 1912
PLACE OF BIRTH Nádkút, Vas, Austria-Hungary (now Rohrbrunn, Burgenland, Austria)
DATE OF DEATH
PLACE OF DEATH ഡമാസ്കസ് (സിറിയ) (അനുമാനിക്കുന്നു)
"https://ml.wikipedia.org/w/index.php?title=അലോയിസ്_ബ്രൂണർ&oldid=2394876" എന്ന താളിൽനിന്ന് ശേഖരിച്ചത്