സെർവൽ
| സെർവൽ [1] | |
|---|---|
| |
| ടാൻസാനിയയിലെ സെറെൻഗെറ്റി നാഷണൽ പാർക്കിൽ | |
| ശാസ്ത്രീയ വർഗ്ഗീകരണം | |
| കിങ്ഡം: | |
| Phylum: | |
| Class: | |
| Order: | |
| Family: | |
| Genus: | Leptailurus
|
| Species: | Leptailurus serval
|
സബ്-സഹാറൻ ആഫ്രിക്കയിൽ വസിക്കുന്ന ഇടത്തരം വലിപ്പമുള്ള കാട്ടുപൂച്ചയാണ് സെർവൽ (Leptailurus serval). അതിന്റെ ജനുസ്സിലെ ഒരേയൊരു ജീവിയാണിത്.
വിവരണം[തിരുത്തുക]
സെർവലിന് അതിന്റെ വലുപ്പവുമായി താരതമ്യപ്പെടുത്തുമ്പോൾ എല്ലാ പൂച്ചകളേക്കാളും നീളമുള്ള കാലുകൾ ഉണ്ട്.[3] ഇതിന് വേഗത്തിൽ ഓടാൻ കഴിയുമെന്ന് മാത്രമല്ല, ഒരു മികച്ച ചാട്ടക്കാരൻ കൂടിയാണ്. നിന്ന നില്പിൽ തന്നെ രണ്ട് മൂന്ന് മീറ്റർ വരെ ഉയരത്തിൽ ചാടാനുള്ള കഴിവ് ഇവയ്ക്കുണ്ട്.
പ്രായപൂർത്തിയായ സെർവലിന്റെ നീളം ഏകദേശം 32 ഇഞ്ചും (ശരീരം) 16 ഇഞ്ചും (വാൽ) ആണ്. ഏകദേശം നാല് പൗണ്ട് ഭാരമുണ്ട്.[4] നിരവധി ഉപജാതികളുള്ള ഇവയുടെ ഭൂമിശാസ്ത്രപരമായ പരിധി ദക്ഷിണാഫ്രിക്കയുടെ മുനമ്പ് മുതൽ അൾജീരിയ വരെയാണ്. അതിന് അനുയോജ്യമായ സാഹചര്യങ്ങളിലെല്ലാം ജീവിക്കുന്നു.
വളരെ വലിയ ചെവികളും നീണ്ട കാലുകളുമുള്ള ഇത് ഭാരം കുറഞ്ഞതാണ്. ചെവിയുടെ പിൻഭാഗം കറുത്ത നിറവും വലിയ വെളുത്ത പൊട്ടും, വാലിന്റെ അഗ്രം കറുത്തതുമാണ്. ഈ അടയാളങ്ങൾ പൂച്ചക്കുട്ടികൾ ഉൾപ്പെടെയുള്ള മറ്റ് സേർവലുകൾക്കുള്ള സിഗ്നലുകളായി വർത്തിക്കുന്നു.[5]
ആവാസവ്യവസ്ഥ[തിരുത്തുക]
സെർവലിന് വെള്ളവും ഇടതൂർന്ന പുൽമേടും ആവശ്യമാണ്. ചതുപ്പുനിലങ്ങൾ, കുറ്റിക്കാടുകൾ അല്ലെങ്കിൽ ഉയർന്ന പുല്ല് എന്നിവ സാധാരണ ആവാസ വ്യവസ്ഥകളാണ്. ഇത് ഒരു പ്രദേശം സ്വന്തം വരുതിയിലാക്കി ജീവിക്കുന്ന മൃഗമാണ്.[6]
നായാട്ടും ഭക്ഷണക്രമവും[തിരുത്തുക]
സെർവൽ രാത്രിഞ്ചരൻ ആയതുകൊണ്ട് കൂടുതലും രാത്രിയിലാണ് വേട്ട. എലി, മുയലുകൾ, ഹൈറാക്സുകൾ, പക്ഷികൾ, ഉരഗങ്ങൾ, പ്രാണികൾ, മത്സ്യം, തവളകൾ എന്നീ നിരവധി ജന്തുക്കളെ ഭക്ഷിക്കുന്ന ഒരു സമർത്ഥനായ വേട്ടക്കാരനാണ് സെർവൽ.[7]
സവന്നകളിൽ വേട്ടയാടാനുള്ള അതിന്റെ അഡാപ്റ്റേഷന്റെ ഭാഗമായി, സെർവലിന്റെ നീളമുള്ള കാലുകൾ മണിക്കൂറിൽ 80 കിലോമീറ്റർ (50 മൈൽ) വേഗത കൈവരിക്കാൻ അതിനെ സഹായിക്കുന്നു. കൂടാതെ തീവ്രമായ ശ്രവണശേഷിയുള്ള വലിയ ചെവികളുമുണ്ട്. അതിന്റെ നീളമുള്ള കാലുകളും കഴുത്തും സെർവലിനെ ഉയരമുള്ള പുല്ലുകൾ കാണാൻ അനുവദിക്കുന്നു. അതേസമയം അതിന്റെ ചെവികൾ ഭൂമിക്കടിയിൽ കുഴിയെടുക്കുന്ന ഇരയെ പോലും കണ്ടെത്തുന്നതിന് ഉപയോഗിക്കുന്നു . ഭൂഗർഭ ഇരയെ തേടി മാളങ്ങൾ കുഴിക്കുന്നതായും പറക്കുമ്പോൾ പക്ഷികളെ പിടിക്കാൻ 2 മുതൽ 3 മീറ്റർ വരെ (7 മുതൽ 10 അടി വരെ) വായുവിലേക്ക് കുതിക്കാനും സെർവലുകൾ ശ്രമിക്കുന്നുണ്ട്. അതിമനോഹരമായി ചാടാനുള്ള കഴിവ് ഉപയോഗിച്ച്, സെർവൽ വായുവിലേക്ക് കുതിക്കുകയും അതിന്റെ മുൻകാലുകൾ ഉപയോഗിച്ച് പക്ഷിയെ ബാറ്റ് ചെയ്യുകയും ചെയ്യുന്നു. പക്ഷി നിലത്തായിരിക്കുമ്പോൾ, അത് കഴുത്ത് കടിച്ച് കൊല്ലുന്നു.
മിക്ക പൂച്ചകളെയും പോലെ, സെർവലും ഒരു ഒറ്റപ്പെട്ട മൃഗമാണ്. ഭക്ഷണം തേടി അത് ഓരോ രാത്രിയും 3 മുതൽ 4 കിലോമീറ്റർ വരെ (1.9 മുതൽ 2.5 മൈൽ) സഞ്ചരിക്കുന്നു. പ്രാദേശിക ഇരകളുടെ ലഭ്യതയെ ആശ്രയിച്ച് പെൺ 9.5 മുതൽ 19.8 ചതുരശ്ര കിലോമീറ്റർ (3.7 മുതൽ 7.6 ചതുരശ്ര മൈൽ) വരെ സ്വന്തം പരിധികൾ സംരക്ഷിക്കുന്നു. പുരുഷൻ 11.6 മുതൽ 31.5 ചതുരശ്ര കിലോമീറ്റർ (4.5 മുതൽ 12.2 ചതുരശ്ര മൈൽ) വരെയുള്ള വലിയ പ്രദേശങ്ങളെ പ്രതിരോധിക്കുകയും കുറ്റിക്കാട്ടിൽ മൂത്രം തളിച്ച് അതിന്റെ പ്രദേശം അടയാളപ്പെടുത്തുകയും ചെയ്യുന്നു.
അവലംബം[തിരുത്തുക]
- ↑ Wozencraft, W. C. (2005 നവംബർ 16). Wilson, D. E., and Reeder, D. M. (eds) (ed.). Mammal Species of the World (3rd edition ed.). Johns Hopkins University Press. p. 540. ISBN 0-801-88221-4.
{{cite book}}:|edition=has extra text (help);|editor=has generic name (help); Check date values in:|date=(help)CS1 maint: multiple names: editors list (link) - ↑ "Leptailurus serval". IUCN Red List of Threatened Species. Version 2008. International Union for Conservation of Nature. 2008. Retrieved 22 March 2009.
{{cite web}}: Cite has empty unknown parameter:|last-author-amp=(help); Cite uses deprecated parameter|authors=(help); Invalid|ref=harv(help) Database entry includes justification for why this species is of least concern - ↑ African Wildlife Foundation
- ↑ Sayer, Angela & Findlay, Michael 1979. The encyclopedia of the cat. London: Chancellor, p30/31. ISBN 1-85152-923-3
- ↑ Sayer, Angela & Findlay, Michael 1979. The encyclopedia of the cat. London: Chancellor, p30/31. ISBN 1-85152-923-3
- ↑ Sayer, Angela & Findlay, Michael 1979. The encyclopedia of the cat. London: Chancellor, p30/31. ISBN 1-85152-923-3
- ↑ Serval: San Diego Zoo factsheet
 | ||
| മിശ്രവംശങ്ങൾ | ||
| മൺ മറഞ്ഞു പോയ പൂച്ചകൾ | ||