വന്ധ്യത
| Infertility | |
| വർഗീകരണവും ബാഹ്യ ഉറവിടങ്ങളും | |
| അന്താരാഷ്ട്ര രോഗ വർഗ്ഗീകരണം-10 | N46., N97.0 |
|---|---|
| അന്താരാഷ്ട്ര രോഗ വർഗ്ഗീകരണം-9 | 606, 628 |
| രോഗവിവരസംഗ്രഹ കോഡ് | 21627 |
| മെഡ്ലൈൻ പ്ലസ് | 001191 |
| ഇ-മെഡിസിൻ | med/3535 med/1167 |
| വൈദ്യവിഷയശീർഷക കോഡ് | D007246 |
മനുഷ്യരിൽ കുട്ടികളുണ്ടാകാത്ത അവസ്ഥയെയാണ് വന്ധ്യത (Infertility) എന്നു പറയുന്നത്. കൂടുതൽ വ്യക്തമായി നിർവചിക്കുകയാനെങ്കിൽ സ്വാഭാവികമായ ലൈംഗിക ബന്ധത്തിൽ ഏർപ്പെടുന്ന ദമ്പതികൾക്ക് ഒരു നിശ്ചിത കാലയളവിനുശേഷവും ഗർഭധാരണം സാധിക്കാത്ത അവസ്ഥയെയാണ് വന്ധ്യത എന്നു പറയുന്നത്. ചുരുങ്ങിയത് ആറു മാസമെങ്കിലും ഒരുമിച്ചു താമസിക്കുകയും സ്വാഭാവിക ലൈംഗിക ബന്ധത്തിൽ ഏർപ്പെടുകയും ചെയ്തിട്ടും ഗർഭധാരണം നടക്കാതെ വരുമ്പോൾ അതിനെ വന്ധ്യതയായി വിലയിരുത്തുന്നുള്ളു.
ഉള്ളടക്കം |
[തിരുത്തുക] സ്ത്രീവന്ധ്യത
യോനിയുടെ മുൻഭാഗത്തെ ചർമം വേർപെട്ടു പോകാതിരിക്കുക (കന്യാചർമ്മം) , അവിടുത്തെ മാംസപേശികൾ കൂടുതലായി വളരുക, ജന്മനാ ഉണ്ടാകുന്ന ചില തകരാറുകൾ തുടങ്ങി പല കാരണങ്ങൾ കൊണ്ടും ശരിയായി ലൈംഗികബന്ധത്തിൽ ഏർപ്പെടാൻ കഴിയാതെ വരാറുണ്ട്. ഇത് മൂലം ഗർഭധാരണം തടസ്സപ്പെടുന്നു. ഗർഭാശയത്തിൽ നിന്നുമുള്ള സ്രവങ്ങളുടെ തകരാറു മൂലം പുരുഷബീജങ്ങൾക്ക് ഗർഭപാത്രത്തിൽ എത്തിച്ചേരാൻ കഴിയാതെ വരുന്നതും, ഗർഭപാത്രത്തിലെ തകരാറുകൾ, മുഴകൾ (ട്യൂമർ) അണ്ഡവാഹിനിക്കുഴലിലെ തകരാറുകൾ എന്നിവമൂലവും വന്ധ്യത ഉണ്ടാകാം.
ആദ്യ പ്രസവം 26-28 വയസ്സിനു മുൻപ് നടക്കുന്നതാണ് നല്ലത്. അല്ലാത്തപക്ഷം ചില സ്ത്രീകളിലെങ്കിലും വന്ധ്യതയ്ക്കു കാരണമാകുന്നു. 80 ശതമാനത്തിലധികം സ്ത്രീകളിലും വന്ധ്യതയുടെ യഥാർത്ഥ കാരണം കണ്ടെത്താൻ കഴിയാറുണ്ട്. അതിനാൽ ഇതിനു ഫലപ്രഥമായ ചികിൽസ നൽകുവാൻ സാധിക്കും.
[തിരുത്തുക] പുരുഷവന്ധ്യത
സ്ത്രീവന്ധ്യത പോലെ പുരുഷവന്ധ്യതയുടെ കാരണം കൃത്യമായി നിർണയിക്കാനും ചികിത്സിച്ചു ഭേദമാക്കാനും പലപ്പോഴും കഴിയാറില്ല.ലോകാരോഗ്യസംഘടനയുടെ മാനദണ്ഡങ്ങളിൽ മിനിമം ബീജസംഖ്യ 20 ദശലക്ഷമാണെങ്കിൽ മാത്രമേ ഗർഭധാരണം നടക്കുകയുള്ളൂ എന്നായിരുന്നു മുമ്പ് കണക്കാക്കിയിരുന്നത്. അത്രയുമില്ലെങ്കിൽ ബീജസംഖ്യ (കൗണ്ട്) കുറവാണെന്നു കണക്കാക്കിയിരുന്നു. ഭക്ഷണ, ജീവിത ശീലങ്ങളിൽ വന്നമാറ്റം, പ്രകൃതിയിൽ നിന്നകന്നുള്ള പരിഷ്കാരങ്ങൾ എന്നിവയൊക്കെയാണ് ബീജസംഖ്യ കുറയാനുള്ള കാരണങ്ങളായി പറയിന്നത്. ബീജസംഖ്യ കുറയുന്നത് വന്ധ്യത വർധിക്കുന്നതിന്റെ കാരണമായി പറയുവാൻ സാധിക്കില്ല. കാരണം ഒരൊറ്റ ബീജമേ ഉള്ളൂവെങ്കിലും ഗർഭധാരണം നടക്കാൻ സാധ്യതയുണ്ട്. എന്നാൽ മിക്കപ്പോഴും അങ്ങനെ സംഭവിക്കാറില്ല. കൂടുതൽ വിഭാഗം മനുഷ്യർക്കും ബീജസംഖ്യയിലെ കുറവാണ് വന്ധ്യതാ പ്രശ്നത്തിനു കാരണം . ശാരീരികമായി മറ്റു പ്രശ്നങ്ങളൊന്നുമില്ലെങ്കിൽ ചികിത്സകൊണ്ട് ഒരു നിശ്ചിത ശതമാനം ആളുകളുടെയും വന്ധ്യതാ പ്രശ്നത്തിനു പരിഹാരം കാണുവാൻ സാധിക്കും.
ഹോർമോണിലുണ്ടാകുന്ന വ്യതിയാനങ്ങൾ, വൃഷണവീക്കം, വെരിക്കോസിൽ തുടങ്ങി പല കാരണങ്ങൾ കൊണ്ടും പുരുഷവന്ധ്യത ഉണ്ടാവാം.
[തിരുത്തുക] കാരണങ്ങൾ
ദമ്പതിമാരുടെ പ്രായം,ജീവിതരീതി, ആരോഗ്യാവസ്ഥ, ലൈംഗികബന്ധത്തിന്റെ സ്വഭാവം തുടങ്ങിയ പല അവസ്ഥകളും ഇതിനു കാരണമാകുന്നു.
[തിരുത്തുക] ചികിത്സാരീതി
വിവാഹശേഷം 75-80 ശതമാനം സ്ത്രീകൾക്കും സധാരണഗതിയിൽ ഒരു വർഷത്തിനകം തന്നെ ഗർഭധാരണം നടക്കും.പിന്നീടുള്ളവരിൽ പകുതി ദമ്പതികൾക്കും അടുത്ത ആറു മാസത്തിനകം ഗർഭധാരണം സാധിക്കും. ഈ രീതിയിൽ ഒന്നര വർഷത്തിനകം 90 ശതമാനം പേർക്കും ഗർഭധാരണമുണ്ടാകാറുണ്ട്. ബാക്കി വരുന്ന 10 ശതമാനം പേർക്കാണ് വന്ധ്യതാ ചികിത്സ ആവശ്യമായി വരികയുള്ളു. വിവാഹശേഷം ഒരു വർഷമെങ്കിലും ഫലപ്രദമായ വിധം ഒരുമിച്ചു കഴിഞ്ഞിട്ടും ഗർഭധാരണം നടക്കുന്നില്ലെങ്കിൽ മാത്രമേ ചികിത്സ തുടങ്ങേണ്ട ആവശ്യമുള്ളു.
