അൻയാങ്

ഇംഗ്ലീഷ് വിലാസം

http://ml.wikipedia.org/wiki/Anyang

അൻയാങ് 安阳
—  Prefecture-level city  —
安阳市
അൻയാങ് Location in China
സ്ഥാനം: 36°06′N 114°20′E
Country	China
Province	Henan
വിസ്തീർണ്ണം
• Prefecture-level city	7,355 km2 (2,839.8 sq mi)
• Urban	543.5 km2 (209.8 sq mi)
• മെട്രോ	1,739.5 km2 (671.6 sq mi)
ജനസംഖ്യ (2010 census)
• Prefecture-level city	51,72,834
• സാന്ദ്രത	703.3/km2 (1,821.6/sq mi)
• Urban	9,50,301
• Urban density	1,748.5/km2 (4,528.6/sq mi)
• മെട്രോ	20,25,811
• Metro density	1,164.6/km2 (3,016.3/sq mi)
സമയമേഖല	China Standard (യു.ടി.സി.+8)
Postal Code	455000,456100,456300,456400,456500
Area code(s)	372
GDP	CNY110.6 billion (2009)
Major Nationalities	Han
County-level divisions	9
License plate prefixes	豫E
വെബ്സൈറ്റ്	http://www.anyang.gov.cn

ചൈനയിൽ, ഹുആൻ നദീതീരത്തു സ്ഥിതിചെയ്യുന്ന പുരാവസ്തുഗവേഷണ പ്രാധാന്യമുള്ള ഒരു സ്ഥലമാണ് അൻയാങ്.

വിശ്വാസം

പാരമ്പര്യം അനുസരിച്ച് പിആൻകെങ് എന്ന ശക്തനായ ഒരു ഭരണാധികാരി ജനങ്ങളെ പ്രേരിപ്പിച്ച് ഷാങ് എന്ന മഹാനഗരം നിർമിച്ചുവെന്നാണു വിശ്വാസം. ചൈനാക്കാരായ വൈദ്യൻമാർ മരുന്നുണ്ടാക്കുന്നതിനാവശ്യമായ വ്യാളി(dragon)യുടെ അസ്ഥി ഈ പ്രദേശത്തുനിന്നുമാണ് കണ്ടെടുത്തുവന്നിരുന്നത്. 1899-ൽ പ്രാചീനലിപികൾ കൊത്തിയ അസ്ഥിക്കഷണങ്ങൾ ചില പണ്ഡിതൻമാർ ഈ പ്രദേശത്തുനിന്നും ഉത്ഖനനം ചെയ്തെടുത്തു. 1928-ൽ ഇവിടെ ശാസ്ത്രീയമായ ഖനനം ആരംഭിച്ചു. അവിടെ കണ്ടെടുത്ത ഷാങ് ഗൃഹമാതൃകകൾ ആധുനിക ചീന ഗൃഹങ്ങൾക്കു തുല്യമാണ്. പതപാകംവരുത്തിയ മണ്ണുകൊണ്ടു നിർമിക്കപ്പെട്ട ദീർഘചതുരാകൃതിയിലുള്ള തളങ്ങൾക്കു മുകളിൽ കല്ലുകൊണ്ടോ, അപൂർവമായി വെങ്കലത്തിലോ നിർമിക്കപ്പെട്ട ആണിക്കല്ലുകളിൽ മൂന്ന് നിരവരുന്ന തൂണുകൾ ഉറപ്പിച്ചിട്ടുണ്ട്; അവ താങ്ങിനില്ക്കുന്ന ഊർധ്വാഭിമുഖമായതും ത്രികോണാകൃതിയിലുള്ളതും അറ്റം കൂർമ്പിച്ചതുമായ കൂരകളോടുകൂടിയ മന്ദിരങ്ങൾ ചൈനയിലെ വാസ്തുവിദ്യയുടെ മികച്ച മാതൃകകളാണ്.

ചൈനയുടെ പൗരാണിക സംസ്കാരം

വിസ്തൃതമായ ഒരു കൊട്ടാരത്തിന്റെയും ശില്പികളും തൊഴിലാളികളും താമസിച്ചിരുന്ന പ്രദേശത്തിന്റെയും അവശിഷ്ടങ്ങളും ഇവിടെനിന്ന് കണ്ടെടുത്തിട്ടുണ്ട്. ചാമ, ചോളം, ഗോതമ്പ് എന്നിവ ഇവിടെ കൃഷി ചെയ്തിരുന്നതായും മൺവെട്ടി ഉപയോഗിച്ചിരുന്നതായും തെളിഞ്ഞിട്ടുണ്ട്. പ്രധാന വീട്ടുമൃഗം പന്നിയായിരുന്നുവെന്നും, ആടുമാടുകളെ വളർത്തിയിരുന്നുവെന്നും യുദ്ധത്തിനു പോകുമ്പോൾ രഥത്തിൽ കുതിരയെ പൂട്ടിവന്നിരുന്നുവെന്നുമുള്ളതിന് ആവശ്യമായ തെളിവുകളുണ്ട്. അൻയാങ് ജനതയുടെ സാമൂഹികവും സാംസ്കാരികവുമായ ജീവിതത്തിലേക്ക് കടന്നു ചെല്ലുവാൻ വക നല്കുന്ന പല ലക്ഷ്യങ്ങളും ഈ പ്രദേശത്തു നടത്തിയ ഭൂഗർഭഖനനങ്ങളിൽ നിന്നും ലഭ്യമായിട്ടുണ്ട്. അതിലൊന്ന് വെളിച്ചപ്പാട്-അസ്ഥി(oracle bones)കളാണ്. ഇവ കാളയുടെ തോളെല്ലോ കാലെല്ലോ ആമ ഓട്ടിയോ ആയിരിക്കും. അവയിൽ ദൈവത്തോടോ പരേതാത്മാക്കളോടോ ചോദിക്കുവാനുള്ള ചോദ്യങ്ങൾ കൊത്തിവയ്ക്കും. എന്നിട്ട് അവ ചൂടുപിടിപ്പിക്കും. അപ്പോഴുണ്ടാകുന്ന പൊട്ടലുകൾകൊണ്ട് വേർതിരിക്കപ്പെടുന്ന അക്ഷരങ്ങളുടെ അടിസ്ഥാനത്തിലാണ് ആ ചോദ്യങ്ങൾക്കുള്ള ഉത്തരങ്ങൾ അവർ മനസ്സിലാക്കിക്കൊണ്ടിരുന്നുത്. ബി.സി. 14-ആം നൂറ്റാണ്ടു വരെയുള്ള ചൈനയുടെ ചരിത്രത്തിലേക്ക് ഈ അസ്ഥിയിൽ കൊത്തിവച്ചിട്ടുള്ള അക്ഷരങ്ങളിൽകൂടി കടന്നുചെല്ലാൻ കഴിഞ്ഞിട്ടുണ്ട്. ആ ജനതയുടെ ആശങ്കകളും അഭിലാഷങ്ങളും വിശ്വാസാചാരങ്ങളും എല്ലാം ആ അസ്ഥിക്കഷണങ്ങളിൽ നിന്നും മനസ്സിലാക്കാൻ പുരാവസ്തുഗവേഷകൻമാർ ശ്രമിച്ചുകൊണ്ടിരിക്കുന്നു.

പുറംകണ്ണികൾ

വിക്കിമീഡിയ കോമൺസിൽ

ഈ ലേഖനവുമായി ബന്ധപ്പെട്ട കൂടുതൽ പ്രമാണങ്ങൾ ലഭ്യമാണ്

• Government website of Anyang (in Simplified Chinese)
• http://www.study-in-china.org/university/henan/anyang.asp
• http://landsofwisdom.com/?p=285
• http://www.chinatouristmaps.com/travel/henan/henan/full-attraction-map.html
• http://www.chinatouristmaps.com/provinces/Henan.html
• http://www.redflag.info/anyang.htm

കടപ്പാട്: ഈ ലേഖനം, കേരള സർക്കാർ ഗ്നൂ സ്വതന്ത്ര പ്രസിദ്ധീകരണാനുമതി പ്രകാരം ഓൺലൈനിൽ പ്രസിദ്ധീകരിച്ച മലയാളം സർ‌വ്വവിജ്ഞാനകോശത്തിലെ അൻയാങ് എന്ന ലേഖനത്തിന്റെ ഉള്ളടക്കം ഉപയോഗിക്കുന്നുണ്ട്. വിക്കിപീഡിയയിലേക്കു് പകർത്തിയതിനു് ശേഷം പ്രസ്തുത ഉള്ളടക്കത്തിനു് സാരമായ മാറ്റങ്ങൾ വന്നിട്ടുണ്ടാകാം.