കാർത്തികേയൻ മുരളി

വിക്കിപീഡിയ, ഒരു സ്വതന്ത്ര വിജ്ഞാനകോശം.
(Karthikeyan Murali എന്ന താളിൽ നിന്നും തിരിച്ചുവിട്ടതു പ്രകാരം)
കാർത്തികേയൻ മുരളി
Karthikeyan Murali
2016 ൽ ലണ്ടൻ ചെസ് ക്ലാസിൿ ടൂർണമെന്റിനിടെ
രാജ്യംIndia
ജനനം (1999-01-05) 5 ജനുവരി 1999  (25 വയസ്സ്)
തഞ്ചാവൂർ, തമിഴ്‌നാട്
സ്ഥാനംGrandmaster (2015)
ഫിഡെ റേറ്റിങ്2593 (ഏപ്രിൽ 2024)
ഉയർന്ന റേറ്റിങ്2637 (April 2018)

ഒരു ഇന്ത്യൻ ചെസ്സ് ഗ്രാൻഡ്മാസ്റ്ററാണ് കാർത്തികേയൻ മുരളി (ജനനം 5 ജനുവരി 1999). 2015-ൽ ഫിഡെ അദ്ദേഹത്തിന് ഗ്രാൻഡ്മാസ്റ്റർ പദവി നൽകി ആദരിച്ചു. രണ്ട് തവണ ദേശീയ ചാമ്പ്യനാണ് കാർത്തികേയൻ.

ചെസ്സ് കരിയർ[തിരുത്തുക]

തഞ്ചാവൂരിലാണ് കാർത്തികേയൻ ജനിച്ചത്, [1] അഞ്ചാം വയസ്സിൽ ചെസ്സ് പഠിച്ച കാർത്തികേയൻ 2011 ഡിസംബറിൽ ബ്രസീലിലെ കാൽഡാസ് നോവാസിൽ നടന്ന ലോക യൂത്ത് ചെസ് ചാമ്പ്യൻഷിപ്പിന്റെ അണ്ടർ 12 വിഭാഗത്തിൽ ജേതാവായി. [2] [3] [4] രണ്ട് വർഷത്തിന് ശേഷം അദ്ദേഹം അൽ ഐനിൽ നടന്ന അണ്ടർ 16 ലോക കിരീടവും നേടി. [5]

2014-ൽ അബുദാബി മാസ്റ്റേഴ്‌സ് ടൂർണമെന്റിൽ [6] മൂന്നാം സ്ഥാനത്തെത്തിയ കാർത്തികേയൻ ഹംഗറിയിലെ ഗ്യോറിൽ നടന്ന അണ്ടർ 16 ചെസ് ഒളിമ്പ്യാഡിൽ വിജയിക്കാൻ ഇന്ത്യൻ ടീമിനെ സഹായിച്ചു. [7] ഈ ടൂർണമെന്റിലെ അവസാന മത്സരത്തിൽ ഗ്രാൻഡ്മാസ്റ്റർ പദവിക്കുള്ള എല്ലാ ആവശ്യങ്ങളും അദ്ദേഹം പൂർത്തിയാക്കി. [8]

2015-ൽ, തിരുവാരൂരിൽ നടന്ന ഇന്ത്യയുടെ 53-ാമത് നാഷണൽ പ്രീമിയർ ചെസ് ചാമ്പ്യൻഷിപ്പിൽ, നേരിട്ടുള്ള ഏറ്റുമുട്ടലിൽ വിദിത് സന്തോഷ് ഗുജറാത്തിയും കാർത്തികേയനും 13 ഗെയിമുകളിൽ നിന്ന് 8½ പോയിന്റുകൾ നേടിയ ശേഷം നടന്ന ടൈബ്രേക്കിൽ കാർത്തികേയൻ വിജയിച്ചു. [9] [10] 2016ൽ ലഖ്‌നൗവിൽ നടന്ന ചാമ്പ്യൻഷിപ്പിന്റെ 54-ാം പതിപ്പിലും കാർത്തികേയൻ ജേതാവായിരുന്നു. സാവധാനത്തിൽ തുടങ്ങിയെങ്കിലും റണ്ണറപ്പായ അരവിന്ദ് ചിതംബരത്തിനെതിരായ മത്സരത്തിൽ തോറ്റെങ്കിലും, ടോപ്പ് സീഡ് വിദിത് സന്തോഷ് ഗുജറാത്തിക്കെതിരെ സമയ നിയന്ത്രണത്തിൽ നേടിയ നിർണായക ജയം, തുടർന്നുള്ള ഇരട്ട പിൻവലിക്കലുകൾ ലീഡ് നേടാനും ഒടുവിൽ ചാമ്പ്യൻഷിപ്പ് നേടാനും സഹായിച്ചു. [11]

2019 ജനുവരിയിൽ, ജിബ്രാൾട്ടർ മാസ്റ്റേഴ്സ് ഓപ്പൺ ടൂർണമെന്റിൽ [12] 250-ലധികം കളിക്കാർക്കിടയിൽ കാർത്തികേയൻ രണ്ടാം സ്ഥാനത്തെത്തി. [13] 2019 ജൂണിൽ കറുത്ത കരുക്കളുമായി കളിച്ച കാർത്തികേയൻ തന്റെ രാജ്ഞിയെ 9-ാം നീക്കത്തിൽ ബലിയർപ്പിച്ച് അലിരേസ ഫിറോജയ്‌ക്കെതിരെ നേടിയ വിജയത്തിന്റെ സഹായത്താൽ ഏഷ്യൻ ചാമ്പ്യൻഷിപ്പിൽ രണ്ടാം സ്ഥാനത്തെത്തി. [14] [15] 2023-ൽ കാർത്തികേയൻ മുരളി ക്ലാസിക്കൽ ചെസിൽ മാഗ്നസ് കാൾസണെ തോൽപ്പിക്കുന്ന മൂന്നാമത്തെ ഇന്ത്യക്കാരനായി. [16]

വ്യക്തിജീവിതം[തിരുത്തുക]

2014 മുതൽ 2016 വരെ ഓയിൽ ആൻഡ് നാച്ചുറൽ ഗ്യാസ് കോർപ്പറേഷൻ (ഒഎൻജിസി) അദ്ദേഹത്തിന് സ്‌കോളർഷിപ്പ് നൽകിയിരുന്നു. 2017 ഒക്ടോബർ മുതൽ ഇന്ത്യൻ ഓയിൽ കോർപ്പറേഷനിൽ (ഐഒസി) ജോലി ചെയ്യുന്നു.

അവലംബം[തിരുത്തുക]

  1. ↑ GM title application. FIDE.
  2. ↑ "Chess News - Karthikayan Murali – World U12 champion – In his own words". ChessBase. 2011-12-12. Retrieved 2013-01-11.
  3. ↑ "Chennai boy wins world under-12 chess championship" Archived 2019-08-04 at the Wayback Machine.. The Sunday Indian.
  4. ↑ "A hero's welcome for Karthikeyan". The Hindu.
  5. ↑ Silver, Albert (2013-12-31). "World Youth Championship: The champions". Chess News. ChessBase. Retrieved 2019-06-11.
  6. ↑ "Yuriy Kuzubov wins Abu Dhabi Masters on tie-break". Chessdom. 2014-08-28. Retrieved 10 October 2015.
  7. ↑ Mihail Marin (23 December 2014). "India wins U16 Olympiad in Gyor". ChessBase. Retrieved 15 August 2015.
  8. ↑ Arvind Aaron (2014-12-19). "Karthikeyan Murali Becomes Grand Master". All India Chess Federation. Retrieved 2019-06-11.
  9. ↑ "Karthikeyan Murali winner of the 2015 India Premier Championship". Chessdom. 2015-11-29. Retrieved 7 January 2016.
  10. ↑ Priyadarshan Banjan (2015-11-29). "Men's Premier 13: Murali Karthikeyan!". ChessBase India. Retrieved 7 January 2016.
  11. ↑ Priyadarshan Banjan (2016-11-30). "National Premier 2016: Karthikeyan is National Champion again!". ChessBase India. Retrieved 17 February 2016.
  12. ↑ Peterson, Macauley (2019-02-01). "Artemiev atop Gibraltar Masters". Chess News. ChessBase. Retrieved 2019-06-11.
  13. ↑ "Gibraltar International Chess Festival 2019 - Masters". chess-results.com.
  14. ↑ "Asian Championship 2019".
  15. ↑ Greatest Queen Sacrifice Repeated in 2019!!! || Nezhmetdinov Would Be Proud. Archived from the original on 2023-06-01. Retrieved 2023-10-20.{{cite AV media}}: CS1 maint: bot: original URL status unknown (link)
  16. ↑ https://www.news18.com/sports/karthikeyan-murali-becomes-3rd-indian-to-beat-magnus-carlsen-in-classical-chess-8624700.html

പുറത്തേക്കുള്ള കണ്ണികൾ[തിരുത്തുക]

"https://ml.wikipedia.org/w/index.php?title=കാർത്തികേയൻ_മുരളി&oldid=3982890" എന്ന താളിൽനിന്ന് ശേഖരിച്ചത്