നായ പരിശീലനം

വിക്കിപീഡിയ, ഒരു സ്വതന്ത്ര വിജ്ഞാനകോശം.
(Dog training എന്ന താളിൽ നിന്നും തിരിച്ചുവിട്ടതു പ്രകാരം)
Jump to navigation Jump to search

നായയെ അതിന് കൊടുക്കുന്ന നിർദ്ദേശങ്ങൾക്കനുസരിച്ച് പെരുമാറാൻ പഠിപ്പിക്കുന്ന രീതിയാണ് നായ പരിശീലനം. സാധാരണയായി ഉപയോഗിക്കുന്ന നിർദ്ദേശങ്ങളാണ് "ഇരിക്കുക", "കിടക്കുക " അതു പോലെ വെളിയിൽ പോയി വിസർജ്ജിക്കുക എന്നിവ.

നായയെ പരിശീലിപ്പിക്കുന്നതിനായി പല രീതികളും പറഞ്ഞു വരുന്നുണ്ട്, സമ്മാനങ്ങൾ കൊടുത്ത് സന്തോഷിപ്പിച്ചും, ശിക്ഷ കൊടുത്തും പരിശീലിപ്പിക്കുന്ന രീതികളുണ്ട്.അടിസ്ഥാന അനുസരണാശീലം മുതൽ വേട്ടയാടുന്നതിനും , കാലികളെ മേയ്ക്കുന്നതിനും , വിനോദത്തിനും , തേടിപ്പിടിച്ചു കണ്ടെത്തുന്നതിനും , മൽസരങ്ങൾക്കും , പട്ടാള പോലീസ് ആവശ്യങ്ങൾക്കും , ശാരീരിക വൈകല്യം ഉള്ളവരെ സഹായിക്കുന്നതിനും നായകളെ പരിശീലിപ്പിക്കേണ്ടത് ആവശ്യമാണ്.

കൂട്ടമായി ജീവിക്കുന്ന മൃഗങ്ങൾ എന്ന നിലയിൽ കൂടെയുള്ള നായ്ക്കളുമായി സഹകരിക്കുന്നതിനുള്ള സഹജവാസന കാട്ടു നായ്ക്കൾക്കുണ്ട്. ഈ സഹജവാസനമൂലം , കൈകാര്യം ചെയ്യുന്ന മനുഷ്യൻ കൊടുക്കുന്ന സങ്കേതങ്ങൾ ശരിയായി വ്യാഖ്യാനിക്കാനുള്ള കഴിവ് വളർത്തു നായ്ക്കൾക്ക് സിദ്ധിച്ചിട്ടുണ്ട്.

അടിസ്ഥാന പരിശീലനം[തിരുത്തുക]

ചുറ്റുപാടുമുള്ളവരെ മുഷിപ്പിക്കാതെ ജീവിക്കാൻ നായ്ക്കളെ പരിശീലിപ്പിക്കേണ്ടതുണ്ട്.


താഴെ പറയുന്ന ഏഴ് നിർദ്ദേശങ്ങളാണ് ഇവയുടെ അടിസ്ഥാന പരിശീലനം.

  • ഇരിക്കുക
  • കിടക്കുക
  • കാത്തു നിൽക്കുക
  • വരിക
  • കൂടെ നടക്കുക
  • ചേർന്നിരിക്കുക
  • എഴുന്നേൽക്കുക

തെറ്റുതിരുത്തൽ ഒരു രീതിയിലുള്ള ശിക്ഷ നടപടിയാണ്[1] .തെറ്റുതിരുത്തൽ ശാരീരികമാവാം(കഴുത്തിലുള്ള ചങ്ങലയിൽ പിടിച്ചു വലിച്ച്) അല്ലെങ്കിൽ മാനസികമാവാം(സമ്മാനങ്ങൾ പിൻവലിച്ച്).ചുരുക്കത്തിൽ അരുതാത്ത പെരുമാറ്റങ്ങൾ ഒഴിവാക്കാൻ ചെറിയ ശിക്ഷകളും നല്ല പെരുമാറ്റങ്ങൾ ആവർത്തിക്കാൻ സമ്മാനങ്ങളും ഉപയോഗിക്കുന്നു.

അവലംബം[തിരുത്തുക]

  1. Beaver (2009) Canine Behavior Insights and Answers Second Edition. Saunders Elsevier
"https://ml.wikipedia.org/w/index.php?title=നായ_പരിശീലനം&oldid=1791524" എന്ന താളിൽനിന്ന് ശേഖരിച്ചത്