അനംഗരംഗം
 മലയാളത്തിലെ വിഷയാനുക്രമണിക | |
| കർത്താവ് | കല്യാണമല്ലൻ |
|---|---|
| പരിഭാഷ | ആർ. നാരായണപണിക്കർ (മലയാളം) |
| രാജ്യം | പുരാതന ഭാരതം |
| ഭാഷ | സംസ്കൃതം |
| സാഹിത്യവിഭാഗം | ലൈംഗിക സാഹിത്യം |
| പാഠം | അനംഗരംഗം at Wikisource |
കാമസൂത്രത്തിന്റെ വ്യാഖ്യാനമെന്നതായി കണക്കാക്കപ്പെടുന്ന ഒരു ദാമ്പത്യകലാ പുസ്തകമാണ് അനംഗരംഗം. 16-ആം ശതകത്തിൽ ജീവിച്ചിരുന്ന കല്യാണമല്ലൻ എന്ന രചയിതാവിന്റേതായാണ് ഇത് കണക്കാക്കപ്പെടുന്നത്. ലോദി വംശത്തിലെ അഹമ്മദ് ഖാൻ ലോദിയുടെ പുത്രനായ ലാദ് ഖാന്റെ അംഗീകാരത്തിലേക്കായി എഴുതപ്പെട്ടതാണിതെന്നാണ് ആദ്യ പണ്ഡിത മതം. പിന്നീടുവന്ന വ്യാഖ്യാതാക്കൾ പക്ഷേ, ഭാര്യാ-ഭർതൃ ബന്ധത്തിന്റെ കെട്ടുറപ്പ് സൂക്ഷിക്കാനായാണ് ഇതെഴുതിയതെന്നു കരുതുന്നു.
തർജ്ജമ
[തിരുത്തുക]1885-ൽ റിച്ചാർഡ് ഫ്രാൻസിസ് ബർട്ടൻ ആംഗലേയത്തിലേക്ക് തർജ്ജമ ചെയ്തു. ഈ കൃതി മലയാളത്തിലേക്ക് ഇതേപേരിൽ ആർ. നാരായണപണിക്കർ വ്യാഖ്യാനം ചെയ്തിട്ടുണ്ട്. ബർട്ടന്റെ മരണശേഷം അദ്ദേഹത്തിന്റെ ഭാര്യയായ ഇസബെൽ ബർട്ടൻ വിക്ടോറിയൻ കാലഘട്ടത്തിലെ മാനഹാനിയെ ഭയന്ന് നിരവധി കൈയെഴുത്തു പ്രതികൾ [1]കത്തിച്ചുകളഞ്ഞതായി കണ്ടെത്തി. വിക്ടോറിയന് കാലഘട്ടത്തിലെ കണിശമായ സെൻസറിംഗിന് വിധേയമായി പ്രസിദ്ധീകരിക്കേണ്ടിവന്നതിനാൽ റിച്ചാർഡ് ബർട്ടൻ അനുകൂല അവസരത്തിലേക്കു വേണ്ടി കാത്തുവെച്ചിരുന്ന വിവിധ കൃതികളായിരുന്നു അവ എന്നാണ് നിരീക്ഷിക്കപ്പെടുന്നത്[2]. എന്നിരുന്നാലും കല്യാണമല്ലന്റെ ജീവിതത്തെ ആസ്പദമാക്കി വല്ലഭരായർ രചിച്ച കല്യാണമല്ലചരിതം എന്ന ചരിത്രാഖ്യായികയിൽ അനംഗരംഗം പൂർണ്ണമായും ഉൾക്കൊള്ളുന്നതായി പറയപ്പെടുന്നു.
ഉള്ളടക്കം
[തിരുത്തുക]ഏക പത്നീവൃതത്തെ സമർത്ഥിക്കുന്ന കൃതിയിൽ ഒരേ പത്നിയെ തന്നെ സ്നേഹിച്ചുകൊണ്ട് 32 വിവിധ സ്ത്രീകളുടെ കൂടെ ദാമ്പത്യം അനുഷ്ഠിച്ചാലെന്ന പോലെയുള്ള അനുഭവം സിദ്ധമാക്കാനുള്ള പ്രയത്നത്തെ വിവരിക്കുന്നു. ഇതുവഴി ഭാര്യാ ഭർത്താക്കന്മാർ തമ്മിലുണ്ടാകുന്ന അകല്ചയെ ഇല്ലാതാക്കാനും, സ്നേഹം വർദ്ധിപ്പിക്കാനും കൃതി സഹായിക്കുന്നതായി പറയപ്പെടുന്നു. സ്ത്രീ-പുരുഷന്മാരുടെ വർഗ്ഗികരണത്തെപ്പറ്റി പറഞ്ഞുകൊണ്ടു തുടങ്ങുന്ന കൃതിയിൽ പലവിധ സംഭോഗ രീതികൾക്കു പുറമേ അനവധി രതിപൂർവ്വ ലീലകളെപ്പറ്റിയും അന്യോന്യ ആകർഷണരീതികളെപ്പറ്റിയും പരാമർശിക്കുന്നു. അവസാനത്തിൽ ആകർഷണത്തിനും വാജീകരണത്തിനും ഉപയോഗിക്കാൻ നിർദ്ദേശിക്കുന്ന ചില ഔഷധപ്രയോഗങ്ങളെ കുറിച്ചും പ്രതിപാദിക്കുന്നു.
അദ്ധ്യായങ്ങൾ
[തിരുത്തുക]- പ്രഥമസ്ഥലം - സ്ത്രീലക്ഷണം
- ദ്വിതീയ സ്ഥലം (ചന്ദ്രകല)
- തൃതീയസ്ഥലം - ശശമൃഗാദിഭേദം
- ചതുർത്ഥസ്ഥലം - സാമാന്യധർമ്മം
- പഞ്ചസ്ഥലം - ദേശനിയമങ്ങൾ
- ഷഷ്ഠസ്ഥലം - വിവാഹാദ്യുദ്ദേശം
- സപ്തമസ്ഥലം (ബാഹ്യസംഭോഗവിധാനം)
- അഷ്ടമസ്ഥലം - സുരതഭേദങ്ങൾ
- നവമസ്ഥലം
- ദശമസ്ഥലം (വശീകരണാദികം)
അവലംബം
[തിരുത്തുക]- ↑ rai_t2hst5 (2009-02-22). "BURTON LIBRARY (A103) - Royal Anthropological Institute" (in അമേരിക്കൻ ഇംഗ്ലീഷ്). Retrieved 2026-05-12.
{{cite web}}: CS1 maint: numeric names: authors list (link) - ↑ Young, Donald (1979). "New insight into a Victorian enigma: Sir Richard Burton's correspondence". Kenya Past and Present. 10 (1): 33–40.
പുറം കണ്ണികൾ
[തിരുത്തുക]- റിച്ചാർഡ് ബർട്ടന്റെ ഇംഗ്ലീഷ് തർജ്ജമ
- ഗൂഗിൾ ബുക്സിൽ Archived 2016-04-13 at the Wayback Machine
- അനംഗരംഗം - സവ്യാഖ്യാനം, ആർക്കൈവ്.ഓർഗ് (മലയാളം)