ഹാർദ്ദിക് പട്ടേൽ

ഇംഗ്ലീഷ് വിലാസം

https://ml.wikipedia.org/wiki/Hardik_Patel

ഈ ലേഖനത്തിനു മിഴിവേകാൻ ചിത്രങ്ങൾ ചേർക്കുന്നത് നന്നായിരിക്കും. താങ്കളുടെ കൈവശം സ്വതന്ത്ര ചിത്രങ്ങൾ ഉണ്ടെങ്കിൽ ദയവായി അത് വിക്കിപീഡിയയിലേക്ക് അപ്‌ലോഡ് ചെയ്യുകയും ലേഖനത്തിൽ ചേർക്കുകയും ചെയ്യുക.

ഹാർദ്ദിക് പട്ടേൽ
Member of Gujarat Legislative Assembly
പദവിയിൽ
ഓഫീസിൽ 8 December 2022
മുൻഗാമി	Lakhabhai Bharwad
മണ്ഡലം	Viramgam Member of Gujarat Legislative Assembly Member, Assurance Committee Gujarat Assembly Member, Library Committee Gujarat Assembly Senate Member, Hemchandracharya North Gujarat University
വ്യക്തിഗത വിവരങ്ങൾ
ജനനം	(1993-07-20) 20 ജൂലൈ 1993 Viramgam, Gujarat, India
രാഷ്ട്രീയ കക്ഷി	Bharatiya Janata Party (2022–present)
മറ്റ് രാഷ്ട്രീയ അംഗത്വം	Indian National Congress (2017–2022)
പങ്കാളി	Kinjal Patel ​ (m. 2019)​
അൽമ മേറ്റർ	Sahajanand College
അറിയപ്പെടുന്നത്	Social movement for equality in Education and Government Jobs.

ഗുജറാത്തിലെ പട്ടേൽ സമുദായ സംഘടനയായ പട്ടിദാർ അനാമത്ത് ആന്തോളൻ സമിതി (പാസ്) യുടെ നേതാവാണ് ഹാർദ്ദിക് പട്ടേൽ. 2015 ൽ ഒ.ബി.സി ക്വാട്ട ആവശ്യപ്പെട്ട് അഹമ്മദാബാദിൽ പട്ടേൽ സമുദായം നടത്തിയ സമര പ്രക്ഷോഭങ്ങൾക്ക് നേതൃത്വം നൽകിയത് ഇദ്ദേഹമായിരുന്നു. സമരത്തെത്തുടർന്ന് പോലീസ് ഇദ്ദേഹത്തെ അറസ്റ്റു ചെയ്തു. ഇന്ത്യൻ സ്വാതന്ത്ര്യ സമര നേതാക്കളായിരുന്ന മഹാത്മാ ഗാന്ധി, ചന്ദ്രശേഖർ ആസാദ്, വല്ലഭായി പട്ടേൽ എന്നിവരായിരുന്നു തനിക്കു പ്രചോദനം എന്ന് ഹാർദ്ദിക് അവകാശപ്പെടുന്നു.

ജീവിതരേഖ

1993 ജൂലൈ 20 ന്, ഗുജറാത്തി പാട്ടീൽ കുടുംബത്തിലെ ഭരത്, ഉഷ പട്ടേൽ ദമ്പതികളുടെ മകനായാണ് ഹാർദ്ദിക് പട്ടേൽ ജനിച്ചത്. കുട്ടികൾക്ക് നല്ല വിദ്യാഭ്യാസം ലഭിക്കുന്നതിനു വേണ്ടി ഇവർ 2004 ൽ ഏതാനും കിലോമീറ്റർ അകലെയുള്ള വീരാംഗം എന്ന സ്ഥലത്തേക്ക് താമസം മാറി. അഞ്ചാം ക്ലാസ്സു മുതൽ എട്ടാം ക്ലാസ്സു വരെ ഹാർദ്ദിക് പഠിച്ചത്, ദിവ്യ ജ്യോത് സ്കൂളിലും, പിന്നീട് 12 ആം ക്ലാസ്സുവരെ കെ.ബി. ഷാ വിനയ് മന്ദിർ സ്കൂളിലുമായിരുന്നു. ക്രിക്കറ്റിനെ സ്നേഹിച്ചിരുന്ന, പഠനത്തിൽ ശരാശരി മാത്രം നിലവാരമുണ്ടായിരുന്ന ഒരു വിദ്യാർത്ഥിയായിരുന്നു ഹാർദ്ദിക്. സ്കൂൾ വിദ്യാഭ്യാസത്തിനു ശേഷം, ഹാർദ്ദിക് പിതാവിനെ ജോലികളിൽ സഹായിക്കാൻ തുടങ്ങി.

2010 ൽ സഹജാനന്ദ് കോളേജിൽ ഹാർദ്ദിക് ബിരുദ കോഴ്സിനായി ചേർന്നു. കോളേജ് വിദ്യാഭ്യാസ കാലത്ത്, വിദ്യാർത്ഥി യൂണിയൻ ജനറൽ സെക്രട്ടറിയായി എതിരില്ലാതെ തിരഞ്ഞെടുക്കപ്പെട്ടു. രണ്ടു തവണ പരീക്ഷയെഴുതിയതിനു ശേഷം മാത്രമാണ് അദ്ദേഹത്തിനു ബി.കോം ബിരുദം അദ്ദേഹം പൂർത്തിയാക്കാനായത്.

രാഷ്ട്രീയം

സർദാർ പട്ടേൽ ഗ്രൂപ്പ്

2012 ഒക്ടോബർ 31 ന് ആണ് ഹാർദ്ദിക് സർദാർ പട്ടേൽ ഗ്രൂപ്പ് എന്ന യുവജന സംഘടനയിൽ ചേരുന്നത്. ഒരു മാസത്തിനുള്ളിൽ സംഘടനയുടെ വീരാംഗം യൂണിറ്റിന്റെ പ്രസിഡന്റായി. ഈ സംഘടനയിൽ ചേർന്നു പ്രവർത്തിക്കുമ്പോഴാണ് പട്ടീദാർ വിഭാഗം, സ്വകാര്യ, സർക്കാർ മേഖലകളിൽ ജോലി സംബന്ധമായി അനുഭവിക്കുന്ന അവഗണനയെക്കുറിച്ച് കൂടുതൽ അറിയുന്നത്. കാർഷികപരമായും, വാണിജ്യപരമായും, പാട്ടീദാർ സമൂഹം അനുഭവിക്കുന്ന കഷ്ടതകൾ ഹാർദ്ദിക് നേരിട്ടറിഞ്ഞു. പാട്ടീദാർ വിഭാഗത്തിലെ ആളുകൾ കൂടുതലായി ചെയ്തുകൊണ്ടിരുന്ന വജ്ര വ്യവസായം നേരിട്ടുകൊണ്ടിരിക്കുന്ന തകർച്ച ഹാർദ്ദിക് മനസ്സിലാക്കി. വജ്ര വ്യവസായവുമായി ബന്ധപ്പെട്ട 20,000 ഓളം ചെറുകിട സ്ഥാപനങ്ങൾ അടച്ചു പൂട്ടി. അതിൽ ജോലി ചെയ്തിരുന്ന ആളുകൾക്ക് തങ്ങളുടെ ഗ്രാമങ്ങളിലേക്കു തിരിച്ചു പോവേണ്ടി വന്നു. 2015 ൽ എസ്.പി.ജി തലവൻ ലാൽജി പട്ടേലുമായുണ്ടായ അഭിപ്രായ ഭിന്നതയെതുടർന്ന് ഹാർദ്ദിക് ആ സംഘടനയിൽ നിന്നും രാജിവെച്ചു.

ഇടപെടൽ

പട്ടിദാർ അനാമത്ത് ആന്തോളൻ സമിതി (പാസ്) യുടെ കൺവീനറായ ഇദ്ദേഹം പട്ടേൽ സമൂദായത്തിൻറെ വിദ്യാഭ്യാസ ജോലി അവസരങ്ങൾക്ക് വേണ്ടിയാണ് ക്യാപയിൻ സംഘടിപ്പിക്കുന്നത്.പടിഞ്ഞാറെ ഗുജറാത്തിലെ ജനസംഖ്യയിൽ 20 ശതമാനത്തോളമാണ് ഈ സമുദായ അംഗങ്ങളുള്ളത്.