വോഖ, നാഗാലാൻഡ്

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
വോഖ
city
Country India
StateNagaland
DistrictWokha
ഉയരം
1,313 മീ(4,308 അടി)
Population
 (2011)[1]
 • Total70
 • റാങ്ക്3rd in Nagaland
Languages
 • OfficialEnglish
Time zoneUTC+5:30 (IST)
വാഹന റെജിസ്ട്രേഷൻNL
വെബ്സൈറ്റ്nagaland.gov.in

വോഖ, ഇന്ത്യൻ സംസ്ഥാനമായ നാഗാലാൻറിലെ ഒരു പട്ടണവും ജില്ലയുമാണ്. നാഗാലാൻറ് സർക്കാർ വോഖ ജില്ലയ്ക്ക് "ലാൻഡ് ഓഫ് പ്ലെൻറി" എന്ന അപരനാമം പ്രഖ്യാപിച്ചു. ഈ ദേശത്തെ മണ്ണ് പലവിധ ധാതു ദ്രവ്യങ്ങൾ, ഫലഭൂയിഷ്ടമായ മണ്ണ്, നാനാ ജാതി സസ്യജാലങ്ങളും മൃഗങ്ങൾ എന്നിവയാൽ സമ്പന്നമാണെന്നതിനാലാണ് ഈ പേരു നൽകിയത്. ഈ പട്ടണം സ്ഥിതി ചെയ്യുന്നത് അക്ഷാംശം 26°8° വടക്കും രേഖാംശം 94°18° കിഴക്കുമായിട്ടാണ്. വടക്കും പടിഞ്ഞാറും ദിക്കുകളിൽ ആസാമും തെക്ക് കോഹിമയും ദിമാപൂരും കിഴക്ക് സുൻഹെബോട്ടോയും വടക്കുകിഴക്കായി മൊക്കോക്ചുംഗുമാണ് അതിർത്തികൾ. പട്ടണം നിലനിൽക്കുന്നത് അതിപ്രധാനമായ ഒരു സാമ്പത്തിക മേഖലയിലാണ്.

ഈ ജില്ലയിൽ നാല് നിയമസഭാ സീറ്റുകളും 125 അംഗീകൃത വില്ലേജുകളുമുണ്ട്. ഈ വില്ലേജുകൾ വീണ്ടും 13 ഭരണയൂണിറ്റുകളായും 7 ഗ്രാമ വികസന ബ്ലോക്കുകളായും തിരിച്ചിരിക്കുന്നു. ഇത് മൂന്നു തട്ടുകളായി തരം തിരിച്ചിരിക്കുന്നു. മേൽത്തട്ടിൽ വോഖ, വോസുറോ, ചുക്കിറ്റോങ്ങ്, എൻഗ്ലാൻ സർക്കിൾ എന്നിവയും ഇടത്തട്ടിൽ ലോറ്റ്സു, സനീസ്, ഐറ്റെപ്യോങ്ങ് സർക്കിൾ എന്നിവയും താഴ്ത്തട്ടിൽ ഭണ്ഡാരി സർക്കിൾ, റലാൻ മേഖല എന്നിവയുമാണ്.

ചരിത്രം[തിരുത്തുക]

വോഖ, നാഗ ഹില്ലുകളുടെ മുഖ്യകാര്യാലയമായി ആസാമിനു കീഴിൽ 1876 ൽ ബ്രിട്ടീഷുകാരാണ് നടപ്പിലാക്കിയത്. 1878 ൽ മുഖ്യകാര്യാലയം വോഖയിൽ നിന്ന് കൊഹിമയിലേയ്ക്കു മാറ്റുകയും വോഖ ഒരു സബ് ഡിവിഷനായി തുടരുകയും ചെയ്തു. 1889 ൽ ഈ സബ് ഡിവിഷൻ മോക്കോചുങ്ങിലേയ്ക്കു മാറ്റി. ഇന്ത്യയുടെ സ്വാതന്ത്ര്യാനന്തരം 1957 ൽ നാഗ ഹിൽസ് ട്യുയെൻസാങ് മേഖലയുടെ കീഴിൽ വീണ്ടും സബ് ഡിവിഷനായി മാറി. 1973 ൽ വോഖ ഒരു ജില്ലയായി മാറി.

ഭൂമിശാസ്ത്രവും കാലാവസ്ഥയും[തിരുത്തുക]

വോഖ സ്ഥിതി ചെയ്യുന്ന അക്ഷാംശ രേഖാംശങ്ങൾ 26°06′N 94°16′E / 26.1°N 94.27°E / 26.1; 94.27[2] ആണ്. മേഖലയുടെ ശരാശരി ഉയരം 1,313 മീറ്ററാണ് (4,793 അടി).പൊതുവെ ചൂടുളള കാലാവസ്ഥയാണിവിടെ. വേനൽക്കാലത്ത് വോഖയിലെ താപനില 16.1 °C മുതൽ 32 °C വരെയാണ്. ശിശിരത്തിൽ താപനില ഏറ്റവും കുറഞ്ഞത് 2 °C വരെയാണ്. വോഖയലെ ശരാശരി വാർഷിക താപനില 17.8 °C ആണ്. ശരാശിര വാർഷിക പാതം 1940 മില്ളീമീറ്ററാണ്.

അവലംബം[തിരുത്തുക]

  1. "Census of India: Search Details". Censusindia.gov.in. ശേഖരിച്ചത് 20 October 2014.
  2. "Falling Rain Genomics, Inc - Wokha". Fallingrain.com. ശേഖരിച്ചത് 20 October 2014.
"https://ml.wikipedia.org/w/index.php?title=വോഖ,_നാഗാലാൻഡ്&oldid=3068702" എന്ന താളിൽനിന്ന് ശേഖരിച്ചത്