ലൈംഗിക കളിപ്പാട്ടം
 | വിക്കിപീഡിയ സെൻസർ ചെയ്തിട്ടില്ല. ഈ ലേഖനം കൈകാര്യം ചെയ്യുന്ന വിഷയം സമ്പൂർണ്ണമായി പ്രതിപാദിക്കുന്നതിന് ആവശ്യമായ വിവരങ്ങളോ ചിത്രങ്ങളോ ചിലർക്ക് അപ്രിയകരമോ എതിർപ്പുണ്ടാക്കുന്നതോ ആകാം.
ഒരു താളിലെ ചിത്രങ്ങൾ മറയ്ക്കുന്നതിന് സഹായം:ഒരു ചിത്രം എങ്ങനെ മറയ്ക്കാം നോക്കുക. |
മനുഷ്യർ ലൈംഗിക ആസ്വാദനത്തിനായി ഉപയോഗിച്ച് വരുന്ന (പ്രാഥമികമായി ഉപയോഗിക്കുന്ന) ഒരു വസ്തുവോ ഉപകരണമോ ആണ് ലൈംഗിക കളിപ്പാട്ടം അഥവാ സെക്സ് ടോയ് (Sex toy) . മുതിർന്നവർക്കുള്ള കളിപ്പാട്ടം എന്നും ഇവ അറിയപ്പെടാറുണ്ട്. പുരുഷൻമാർക്കും സ്ത്രീകൾക്കും വേണ്ടി പ്രത്യേകമായി ലൈംഗിക കളിപ്പാട്ടങ്ങൾ ഇന്ന് ലഭ്യമാണ്. സ്വയംഭോഗം ചെയ്യാനും, ദമ്പതികൾക്ക് ലൈംഗികബന്ധം മികച്ച രീതിയിൽ ആസ്വദിക്കാനും, മറ്റുചിലപ്പോൾ ചികിത്സ ആവശ്യത്തിനായും, ലൈംഗിക ദാരിദ്ര്യം അകറ്റാനും, സ്വയം ആനന്ദം കണ്ടെത്താനും ഇവ ഉപയോഗിക്കാറുണ്ട്. ഉദാഹരണം ഡിൽഡോ അല്ലെങ്കിൽ വൈബ്രേറ്റർ, കൃത്രിമ യോനി തുടങ്ങിയ.
പ്രാചീന കാലം മുതൽക്കേ മനുഷ്യർ ഇത്തരം ഉപകരണങ്ങൾ ഉപയോഗിച്ച് വരുന്നതായി കണ്ടെത്തിയിട്ടുണ്ട്. പ്രകൃതി ദത്തമായ വസ്തുക്കളും ഇത്തരത്തിൽ ഉപയോഗപ്പെടുത്താറുണ്ട്. പല ജനപ്രിയ സെക്സ് ടോയ്സും മനുഷ്യന്റെ ജനനേന്ദ്രിയത്തോട് സാമ്യമുള്ളവയാണ്. കൃത്രിമ യോനി, കൃത്രിമ ലിംഗം തുടങ്ങിയവ. അത് വൈബ്രേറ്റുചെയ്യുന്നതോ വൈബ്രേറ്റുചെയ്യാത്തതോ ആകാം. പുരുഷന്മാർക്ക് വേണ്ടി കൃത്രിമ യോനിയും സ്ത്രീകൾക്ക് വേണ്ടി കൃത്രിമ ലിംഗവും ഇന്ന് ലഭ്യമാണ്. സ്വയംഭോഗം ചെയ്യുന്ന ആളുകൾ കൃത്രിമ യോനിയും കൃത്രിമ ലിംഗവും ഉപയോഗിക്കുന്നത് വിദേശ രാജ്യങ്ങളിൽ സാധാരണമാണ്.
സെക്സ് ടോയ് എന്ന പദത്തിൽ BDSM ഉപകരണവും സ്ലിംഗുകൾ പോലുള്ള സെക്സ് ഫർണിച്ചറുകളും ഉൾപ്പെടാം; എന്നിരുന്നാലും, ജനന നിയന്ത്രണം, പോണോഗ്രഫി അല്ലെങ്കിൽ കോണ്ടം, ലൂബ്രിക്കന്റ് ജെല്ലി പോലുള്ള ഇനങ്ങൾ ഈ വിഭാഗത്തിൽ ഉൾപ്പെടുന്നില്ല. സെക്സ് ടോയ്ക്കുള്ള ഇതര പദങ്ങളിൽ മുതിർന്നവരുടെ കളിപ്പാട്ടവും ഡേറ്റ് ചെയ്ത യൂഫെമിസം വൈവാഹിക സഹായവും ഉൾപ്പെടുന്നു.
Maritial aids വിശാലമായ അർത്ഥമുണ്ട്. വിവാഹിതർക്ക് വേണ്ടിയുള്ള ഉപകരണങ്ങൾ എന്ന് ഇവ അറിയപ്പെടുന്നു. ദമ്പതികൾക്ക് ലൈംഗിക ആസ്വാദനം വർദ്ധിപ്പിക്കുന്നതിനോ ദീർഘിപ്പിക്കുന്നതിനോ വേണ്ടിയോ അല്ലെങ്കിൽ ഒന്നിച്ചു സ്വയംഭോഗം, ഫോർപ്ലേ അഥവാ ബാഹ്യകേളിയിൽ ഏർപ്പെടുന്നതിന് വേണ്ടിയോ വിപണനം ചെയ്യുന്ന ഉപകരണങ്ങൾ, മരുന്നുകൾ, കുടുംബാസൂത്രണം അഥവാ ഗർഭനിരോധന രീതികൾ, ലൂബ്രിക്കന്റ് ജെല്ലി തുടങ്ങിയവ ഇതിൽ ഉൾപ്പെടുന്നു. പങ്കാളികൾ ലൈംഗിക ബന്ധത്തിന് ഇടയിലും ഇവ ഉപയോഗിക്കാറുണ്ട്. ഇത് ദാമ്പത്യ ജീവിതം മെച്ചപ്പെടുത്തുന്നു എന്ന് പറയപ്പെടുന്നു. പല വിദേശ രാജ്യങ്ങളിലും മാരീറ്റൽ എയ്ഡ്സ് വിൽക്കുന്ന കടകൾ, ഫാർമസികൾ കാണാം. എന്നാൽ ഇന്ത്യ പോലെയുള്ള രാജ്യങ്ങളിൽ ഇതത്ര വ്യാപകമല്ല.
സെക്സ് ടോയ്സുകൾ സാധാരണയായി സെക്സ് ഷോപ്പിലോ ഓൺലൈനിലോ വിൽക്കപ്പെടുന്നു, എന്നാൽ അവ ഫാർമസി അല്ലെങ്കിൽ മെഡിക്കൽ സ്റ്റോർ, പ്രായപൂർത്തി ആയവർക്ക് വേണ്ടിയുള്ള സ്റ്റോർ, ഹെഡ് ഷോപ്പ് അല്ലെങ്കിൽ ഡിപ്പാർട്ട്മെന്റ് സ്റ്റോർ എന്നിവയിലും വിൽക്കാം. മിക്കവാറും എല്ലാ രാജ്യങ്ങളിലും ആണിനും പെണ്ണിനും സെക്സ് ടോയ്സ് ലഭ്യമാണ്. അമേരിക്കൻ ഐക്യനാടുകൾ, യുകെ, യൂറോപ്പ്, കാനഡ തുടങ്ങിയ രാജ്യങ്ങളിൽ ഇവ സാധാരണയായി കാണാം. എന്നാൽ പല ആളുകളും രഹസ്യ സ്വഭാവത്തോടെ ഇവ ഓൺലൈൻ സ്റ്റോറുകളിൽ നിന്ന് വാങ്ങാറുണ്ട്. എന്നാൽ ഇവയുടെ വിൽപ്പനയും ഉപയോഗവും കുറ്റകരമായി കാണുന്ന രാജ്യങ്ങളുമുണ്ട്. ചില മതങ്ങളിൽ ലൈംഗിക കളിപ്പാട്ടങ്ങൾ ഉപയോഗിക്കുന്നത് പാപവും വിലക്കപ്പെട്ടതുമാണ്.
അവിവാഹിതർ, ലൈംഗിക പങ്കാളി ഇല്ലാത്തവർ, താല്പര്യക്കുറവ് ഉള്ള പങ്കാളി ഉള്ളവർ, ലൈംഗിക ദാരിദ്ര്യം അനുഭവിക്കുന്നവർ, വിഭാര്യർ, വിധവകൾ, പല കാരണങ്ങൾ കൊണ്ട് വിവാഹം കഴിക്കാൻ സാധിക്കാത്തവർ, വ്യത്യസ്ത രീതികൾ ആസ്വദിക്കുന്ന ദമ്പതികൾ തുടങ്ങിയവർ ഒരു സുരക്ഷിത രീതിയെന്ന നിലയ്ക്ക് ഇവ ഉപയോഗിച്ച് കാണാറുണ്ട്.
ശരിയായി ഉപയോഗിച്ചാൽ തികച്ചും സുരക്ഷിതവും ആരോഗ്യകരവുമായ ഒരു ഉപകരണം കൂടിയാണ് ലൈംഗിക കളിപ്പാട്ടങ്ങൾ. ഇവ പങ്കാളി ഇല്ലാത്തവരുടെ ശാരീരിക മാനസിക ആരോഗ്യത്തിൽ വലിയ പങ്ക് വഹിക്കുന്നു എന്ന് ആരോഗ്യ വിദഗ്ദർ സാക്ഷ്യപ്പെടുത്തുന്നു. ലൈംഗിക ബന്ധത്തിലൂടെ പകരുന്ന രോഗങ്ങൾ (ഉദാ: എയ്ഡ്സ്) ഇതുവഴി പകരുന്നില്ല എന്നതും ശ്രദ്ധേയം. ലൈംഗിക കളിപ്പാട്ടം വ്യക്തിപരമായ ഉപയോഗത്തിന് വേണ്ടിയുള്ളതാണ്. ഇവ മറ്റുള്ളവരുമായി പങ്കുവെക്കാൻ പാടുള്ളതല്ല. ഇവ മറ്റു പലരുമായും പങ്കു വെക്കുന്നത് രോഗാണുബാധകൾ പകരാൻ ഇടയാക്കുന്നു എന്ന് ആരോഗ്യ വിദഗ്ദർ മുന്നറിയിപ്പ് നൽകുന്നു.[1][2][3]
അവലംബം
[തിരുത്തുക]- ↑ "The Psychology of Sex Toys | Psychology Today". https://r.search.yahoo.com. 08-01-2024.
{{cite web}}: Check date values in:|date=(help); External link in|website= - ↑ "Sex Toys - Planned Parenthood". www.plannedparenthood.org. 08-01-2024. Retrieved 08-01-2024.
{{cite web}}: Check date values in:|access-date=and|date=(help) - ↑ "Clinical use and implications of sexual devices". www.nature.com. Retrieved 08-01-2024.
{{cite web}}: Check date values in:|access-date=(help)