മേഴ്സി ബി. ജാക്സൺ
Mercy B. Jackson | |
|---|---|
| ജനനം | Mercy Ruggles സെപ്റ്റംബർ 17, 1802 Hardwick, Massachusetts, United States |
| മരണം | ഡിസംബർ 13, 1877 (പ്രായം 75) Boston, Massachusetts, United States |
| കലാലയം | New England Female Medical College |
| അറിയപ്പെടുന്നത് | Early female physician |
| ശാസ്ത്രീയ ജീവിതം | |
| പ്രവർത്തനതലം | Homeopath |
മേഴ്സി റഗിൾസ് ബിസ്ബി ജാക്സൺ (1802 സെപ്റ്റംബർ 17 – 13 ഡിസംബർ 1877) ഒരു അമേരിക്കൻ വൈദ്യയായിരുന്നു. ഇംഗ്ലീഷ്:Mercy Ruggles Bisbee Jackson. ഡോക്ടർ ഓഫ് മെഡിസിൻ ബിരുദം നേടിയ ആദ്യ വനിതകളിൽ ഒരാളായിരുന്നു അവർപ്രസവചികിത്സയിലും ഗൈനക്കോളജിയിലും പ്രാവിണ്യം നേടി.
ജീവിതരേഖ[തിരുത്തുക]
1802 സെപ്റ്റംബർ 17-ന് മസാച്യുസെറ്റ്‌സിലെ ഹാർഡ്‌വിക്കിൽ കോൺസ്റ്റന്റ് റഗിൾസിന്റെ മകളായി മേഴ്സി റഗ്ൾസ് ജനിച്ചു. [1] വിദ്യാഭ്യാസവും തൊഴിൽ മേഖലയും ഉൾപ്പെടെ പല കാര്യങ്ങളിലും സ്ത്രീകൾ പിന്നോട്ട് പോയ ചരിത്രത്തിലെ ഒരു ഘട്ടമായിരുന്നു ഇത്. പുരുഷന്മാർക്ക് ലഭിച്ച അതേ അവസരങ്ങൾ അവർക്ക് ലഭിച്ചിരുന്നില്ല. പല സ്‌ത്രീകൾക്കും തങ്ങളുടെ കുട്ടികളോടൊപ്പം വീട്ടിലിരുന്ന് കൂടുതൽ സ്വകാര്യമായ ജീവിതമേഖലയിൽ ദിവസങ്ങൾ ചെലവഴിക്കുകയല്ലാതെ മറ്റ് മാർഗങ്ങളൊന്നും നൽകിയിരുന്നില്ല. ആരോഗ്യമേഖലയിൽ താൽപ്പര്യമുള്ള, ജോലി നേടാൻ കഴിയുന്ന സ്ത്രീകൾ സാധാരണയായി നഴ്‌സുമാരായോ മിഡ്‌വൈഫുകളായോ ' രോഗശാന്തിക്കാരാ'യോ ജോലി ചെയ്തുവന്നു. [2]
മെഴ്സി ഹാർഡ്വിക്കിലെ ഒരു സ്വകാര്യ സ്കൂളിൽ ചേരുകയും, 17-ആം വയസ്സിൽ ബിരുദം നേടുകയും ചെയ്തു. അവളുടെ പാത പിന്തുടരാൻ നിരവധി യുവതികൾക്ക് മെഴ്സി ഇതിനകം തന്നെ വഴിയൊരുക്കിയിരുന്നു. 17-ാം വയസ്സിൽ തന്നെ പുരുഷ മേധാവിത്വമുള്ള മെഡിക്കൽ മേഖലയിലേക്ക് കടക്കാൻ മെഴ്സി ശ്രമിച്ചിരുന്നു. അവളുടെ ബിരുദം കഴിഞ്ഞ് താമസിയാതെ, മെഴ്സി പ്ലെയിൻഫീൽഡിലേക്ക് താത്കാലിക അദ്ധ്യാപക ജോലി ഏറ്റെടുക്കാൻ പോയി. ഇതിന്റെ അവസാന കാലത്തിൽ 1823-ൽ അവൾ ആദ്യ ഭർത്താവ് ജോൺ ബിസ്ബിയെ കണ്ടുമുട്ടിയ ശേഷം അവൾ വീണ്ടും വീടിനടുത്തേക്ക് എത്തി. ജാക്സണും ബിസ്ബിയും ഒരുമിച്ച് മൂന്ന് കുട്ടികളുണ്ടായിരുന്നു, അവരിൽ ഒരാൾ ശൈശവാവസ്ഥയിൽ സ്കാർലറ്റ് പനി ബാധിച്ചും മരിച്ചു, മറ്റൊരാൾ 1832-ൽ ന്യുമോണിയ ബാധിച്ചുംമരിച്ചു. 1829-ൽ ന്യുമോണിയ ബാധിച്ച് ബിസ്ബി അപ്രതീക്ഷിതമായി മരിച്ചപ്പോൾ ജാക്സൺ ഒരു വിധവയായി മാറി. ഇത് ജാക്‌സനെ തനിച്ചാക്കുകയും, യുവതികൾക്കായി വളരെ അടിസ്ഥാന വിദ്യാഭ്യാസം നൽകുന്ന ഒരു സ്കൂൾ തുറക്കാനുള്ള അവസരവും അവർക്ക് നൽകുകയും ചെയ്തു . [3] അധികം താമസിയാതെ, ജാക്സൺ തന്റെ രണ്ടാമത്തെ ഭർത്താവ് ക്യാപ്റ്റൻ ഡാനിയെൽ ജാക്സണെ കണ്ടുമുട്ടി. ഡാനിയൽ ജാക്‌സണിന് മുൻ വിവാഹത്തിൽ നാല് കുട്ടികളുണ്ടായിരുന്നു. മെഴ്സി ഈ കുട്ടികളെ സ്വന്തം മക്കളെപ്പോലെ പരിപാലിച്ചു. 1833-ൽ അവർ വിവാഹിതരായ ഉടൻ തന്നെ പ്ലൈമൗത്തിലേക്ക് താമസം മാറി. ഒരുമിച്ചുള്ള കാലഘട്ടത്തിൽ, മേഴ്‌സിക്കും ഡാനിയേലിനും ഒരുമിച്ചു എട്ട് കുട്ടികൾ ഉണ്ടായിരുന്നു, അവരിൽ നാല് പേർ മാത്രമാണ് രക്ഷപ്പെട്ടത്. [3] [4] എല്ലാം കൂടി മേഴ്സി പതിനൊന്ന് മക്കളെ പ്രസവിച്ചു, പതിനഞ്ച് പേരുടെ അമ്മയായി. ഇത് അവളുടെ ഗൈനക്കോളജിയിലും മൊത്തത്തിലുള്ള മെഡിക്കൽ ഗവേഷണത്തിലും താൽപ്പര്യം വളർത്തിയതിന്റെ ഭാഗമായിരുന്നു. മസാച്യുസെറ്റ്‌സിലെ പ്ലൈമൗത്തിൽ ആയിരിക്കുമ്പോൾ, ഔപചാരിക വിദ്യാഭ്യാസ പശ്ചാത്തലം ഒന്നുമില്ലാതെ മേഴ്സി വൈദ്യശാസ്ത്രം പരിശീലിച്ചു; അവൾ അവിടെ താമസിച്ചിരുന്ന 18 വർഷവും ജോലി ചെയ്തു. എന്നാൽ സങ്കടകരമെന്നു പറയട്ടെ, 19 വർഷത്തെ ദാമ്പത്യത്തിനുശേഷം, അവളുടെ രണ്ടാമത്തെ ഭർത്താവ് 1852-ൽ കാൻസർ ബാധിച്ച് മരിച്ചു. ഈ ഘട്ടത്തിൽ മേഴ്സി തന്റെ പഠനത്തിൽ മുമ്പത്തേക്കാൾ കൂടുതൽ ഗൗരവമായി സമീപിച്ചു; തന്റെ വിജയത്തിന് കൂടുതൽ ഔപചാരികമായ വിദ്യാഭ്യാസവും പരിശീലനവും ലഭിക്കണമെന്ന് അവൾക്ക് തോന്നി. 50-കളിൽ ഹോമിയോപ്പതി പഠിക്കാൻ ജാക്സൺ സ്കൂളിൽ തിരിച്ചെത്തി. [4]
വിദ്യാഭ്യാസം[തിരുത്തുക]
അവൾ 17 വയസ്സുള്ളപ്പോൾ ഒരു സ്വകാര്യ സ്കൂളിൽ നിന്ന് ബിരുദം നേടി. 58-ആം വയസ്സിൽ, ബോസ്റ്റണിലെ ന്യൂ ഇംഗ്ലണ്ട് ഫീമെയിൽ മെഡിക്കൽ കോളേജിൽ (1860) ഇപ്പോൾ ബോസ്റ്റൺ യൂണിവേഴ്സിറ്റി സ്കൂൾ ഓഫ് മെഡിസിൻ എന്നറിയപ്പെടുന്ന ജാക്സൺ ഡോക്ടർ ഓഫ് മെഡിസിൻ ബിരുദം നേടി. [5]
റഫറൻസുകൾ[തിരുത്തുക]
- ↑ Daughters of America; or, Women of the Century.
- ↑ "Pilgrim Hall Museum" (PDF). Archived from the original (PDF) on 2018-11-05. Retrieved 2023-01-20.
- ↑ 3.0 3.1 Daughters of America; or, Women of the Century.
- ↑ 4.0 4.1 "Pilgrim Hall Museum" (PDF). Archived from the original (PDF) on 2018-11-05. Retrieved 2023-01-20.
- ↑ "Pilgrim Hall Museum" (PDF). Archived from the original (PDF) on 2018-11-05. Retrieved 2023-01-20.