വയൽ

Vayal

ഭക്ഷ്യധാന്യങ്ങൾ ഉൽപ്പാദിപ്പിക്കുന്നതിന് ആവശ്യമായ ചെടികൾ നട്ടുപിടിപ്പിച്ച് വളർത്തിയെടുക്കുന്നതിന് (കൃഷി ചെയ്യുന്നതിന്) പ്രത്യേകം ഒരുക്കിയെടുക്കുന്ന സ്ഥലത്തെയാണ് വയൽ (English: Field) എന്ന് പറയുന്നത്. പാടം എന്നും ഇതര നാമത്തിൽ അറിയപ്പെടുന്നു. ലോകത്തിലെ പ്രധാന ഭക്ഷ്യധാന്യങ്ങളായ ഗോതമ്പ്, യവം (ഇംഗ്ലീഷ്: ബാർലി), ചോളം, നെല്ല് (അരി) മുതലായവ ഉൽപ്പാദിപ്പിക്കുന്ന കൃഷിസ്ഥലങ്ങളെ അതത് വിളകളുടെ "വയൽ" അഥവാ "പാടം" എന്ന് വിശേഷിപ്പിക്കുന്നു. ഉദാ: ഗോതമ്പ് വയൽ (ഗോതമ്പ് പാടം), നെൽവയൽ (നെൽപ്പാടം) എന്നിവ.^[1]^[2]

വയൽ രൂപപ്പെടുന്ന വിധം[തിരുത്തുക]

ഓരോ പ്രദേശത്തിന്റെയും കാലാവസ്ഥക്കടിസ്ഥാനമായി നിശ്ചയിക്കപ്പെടുന്ന വിളകളുടെ വയലുകൾ ജലലഭ്യതയുടെയും മണ്ണിന്റെ ഗുണമേന്മയുടെയും അടിസ്ഥാനത്തിലാണ് നിലനിൽക്കുന്നത്.

ജലലഭ്യത[തിരുത്തുക]

ഒരു വയൽ അഥവാ പാടം രൂപപ്പെടുത്തിയെടുക്കുന്നതിന് ഏറ്റവും മുഖ്യമായ ഘടകം വെള്ളത്തിന്റെ ലഭ്യതയാണ്. ഒരു വിളച്ചെടിക്ക് വളരുവാൻ ആവശ്യമായ ജലലഭ്യതയെ അടിസ്ഥാനമാക്കിയാണ് ആ വിളച്ചെടിയുടെ വിളസ്ഥലം പ്രധാനമായും നിശ്ചയിക്കപ്പെടുന്നത്. മഴ, പരിസരങ്ങളിലെ ജലാശയങ്ങൾ, കൃത്രിമ ജലസേചനം എന്നിവയാണ് ജലലഭ്യതാ മാർഗ്ഗങ്ങൾ.

മണ്ണ്[തിരുത്തുക]

ഓരോ വിളയും പൂർണ്ണ വളർച്ച എത്തുന്നതിന് ആവശ്യമായ ധാതു-ലവണങ്ങൾ (വളം) അടങ്ങിയ മണ്ണാണ് എന്ന് ഉറപ്പ് വരുത്തേണ്ടത് അത്യന്താപേക്ഷിതമായ കാര്യമാണ്. മണ്ണിലടങ്ങിയിരിക്കുന്ന ധാതു-ലവണങ്ങളുടെ അളവും ഗുണമേന്മയും ഇന്ന് ശാസ്ത്രീയമായി കണ്ടെത്താനാകും. നിലവിൽ ധാതു-ലവണങ്ങൾ കുറവായ മണ്ണിലും ഉദ്ദേശിക്കുന്ന വിള കൃഷി ചെയ്യുവാൻ കൃത്രിമമായ വളപ്രയോഗങ്ങൾ ഫലപ്രദമാണ്.