പന്നാ ദായീ
പതിനാറാം നൂറ്റാണ്ടിലെ റാണ സംഗയുടെ നാലാമത്തെ പുത്രനായ ഉദയ് സിംഗ് രണ്ടാമന്റെ നഴ്സ് പരിചാരകയായിരുന്നു പന്നാ ദായീ. ഇംഗ്ലീഷ്:Panna Dai അവൾ ഖീച്ചി ഗോത്രത്തിലെ രജപുത്രയായിരുന്നു. [1] [2] [3]
ഹിന്ദിയിൽ പന്ന എന്നാൽ " മരതകം " എന്നും ദായി എന്നാൽ "നഴ്സ്" എന്നും ആണ് അർത്ഥം. 1535-ൽ റാണി കർണാവതി ജൗഹർ ചെയ്തതിനെത്തുടർന്ന് ഉദയ് സിംഗ് പന്നയുടെ സംരക്ഷണത്തിലായിരുന്നു. ഉദയ്‌യെ അമ്മാവൻ ബൻവീർ ആക്രമിച്ചപ്പോൾ, അവനെ രക്ഷിക്കാൻ പന്നാ ദായ് സ്വന്തം മകന്റെ ജീവൻ ബലി നൽകി.
ജീവിതരേഖ[തിരുത്തുക]
റാണ സംഗയുടെ ഭാര്യയായിരുന്ന റാണി കർണാവതിയുടെ നഴ്‌സായിരുന്നു പന്നാ ദായി. 1531-ൽ, റാണ സംഗയുടെ രണ്ടാമത്തെ പുത്രനായ വിക്രമാദിത്യൻ, അദ്ദേഹത്തിന്റെ സഹോദരൻ റാണ രത്തൻ സിംഗ് രണ്ടാമന് ശേഷം സിംഹാസനത്തിൽ പ്രവേശിച്ചു. അവൻ ധിക്കാരിയും അഹങ്കാരിയും ആയി അറിയപ്പെട്ടിരുന്നു. 1535-ൽ ബഹാദൂർ ഷാ ചിറ്റോർ ആക്രമിച്ചു, കർണാവതി ചിറ്റോറിനെ പ്രതിരോധിക്കാൻ പ്രഭുക്കന്മാരെയും സാധാരണ സൈനികരെയും വിളിച്ചു. മേവാർ വിട്ടുപോകാൻ നിർബന്ധിതരാവുകയോ അതൃപ്തിയുള്ളവരോ ഇതിൽ ചേർന്നു. [4] നിർഭാഗ്യവശാൽ, യുദ്ധം പരാജയപ്പെട്ടു, ചിറ്റോർ കൊള്ളയടിക്കപ്പെട്ടു. എന്നിരുന്നാലും, ബഹദൂർ ഷാ പോയ ഉടനെ രജപുത്രർ കോട്ട കീഴടക്കി. കോട്ട രജപുത്ര നിയന്ത്രണത്തിലായതോടെ വിക്രമാദിത്യൻ ബുണ്ടിയിൽ നിന്ന് വന്ന് രാജ്യം വീണ്ടും ഭരിച്ചു. [5]
തോൽവിക്ക് ശേഷംവും, വിക്രമാദിത്യന്റെ സ്വഭാവം മെച്ചപ്പെട്ടില്ല, തന്മൂലം രാജ സദസ്സിൽ ഒരു തലവനെ ശാരീരികമായി ഉപദ്രവിക്കാൻ കാരണമായി. ഈ സമയത്ത്, പൃഥ്വിരാജിന്റെ രജപുത്രേതര വെപ്പാട്ടിയുടെ മകനായ ബൻവീർ (റാണ സംഗയുടെ അനന്തരവൻ) രാജ സദസ്സിൽ വന്നു ചേർന്നു. ബൻവീർനു സിംഹാസനത്തിൽ താല്പര്യമുണ്ടായിരുന്നു. 1536-ൽ അദ്ദേഹം വിക്രമാദിത്യനെ വധിച്ചു. [6] സിംഹാസനത്തിലേക്കുള്ള തന്റെ അവകാശവാദത്തിന്റെ എല്ലാ തടസ്സങ്ങളും നീക്കാൻ, ബൻവീർ കുഞ്ഞായിരുന്ന ഉദയ് സിങ്ങിനെ വധിക്കാൻ ശ്രമിച്ചു, എന്നിരുന്നാലും, സാഹചര്യത്തെക്കുറിച്ച് പന്നയ്ക്ക് മുന്നറിയിപ്പ് ലഭിച്ചു. ബാരി ജാതിയിൽപ്പെട്ട ഒരു സ്ത്രീ അവളെ സഹായിച്ചു. പന്ന ഉദയ് സിംഗിനെ ചിറ്റോറിൽ നിന്ന് കടത്തിക്കൊണ്ടുപോകുകയും തന്റെ മകനായ ചന്ദനെ ഉദയ്‌യുടെ സ്ഥാനത്ത് നിർത്തുകയും ചെയ്തു. ഉടൻ തന്നെ ഉദയിനെ കാണണമെന്ന് ആവശ്യപ്പെട്ട് ബൻവീർ എത്തി. പന്ന ഇപ്പോൾ തന്റെ മകൻ കിടക്കുന്ന കട്ടിലിന് നേരെ വിരൽ ചൂണ്ടി അതിനുശേഷം അവൻ കൊല്ലപ്പെടുന്നത് നോക്കിനിന്നു. ബൻവീർ കോടതിയുടെ ഒരു യോഗം ക്രമീകരിക്കുകയും രണ്ട് അവകാശികളും മരിച്ചുവെന്ന് മേധാവികളെ അറിയിക്കുകയും ചെയ്തു. തുടർന്ന് അദ്ദേഹം സിംഹാസനത്തിനുള്ള അവകാശം അവകാശപ്പെടുകയും സ്വയം മേവാറിലെ രാജാവായി നിയമിക്കുകയും ചെയ്തു. പന്നയും ഉദയും മഹേശ്വരി മഹാജൻ ഗവർണർ ആയിരുന്ന കുംഭൽഗഡിലേക്ക് പലായനം ചെയ്തു. മഹേശ്വരി ഉദയിനു സംരക്ഷണം നൽകാൻ സമ്മതിച്ച . [7] [8] അന്ന് ഉദയ് സിങ്ങിന് ഏകദേശം 15 വയസ്സായിരുന്നു. [9]
ഉദയ് സിംഗ് ജീവിച്ചിരിപ്പുണ്ടെന്ന കിംവദന്തികൾ ബൻവീറിൽ എത്തിയപ്പോൾ അവനെ അൾമാറാട്ടക്കാരൻ എന്നു വിളിച്ചു, എന്നാൽ ഉദയ് സിംഗിന് ഏകദേശം 15 വയസ്സുള്ളതിനാലും ബുണ്ടിയിൽ നിന്നുള്ള മാതൃ ബന്ധുക്കൾക്ക് അദ്ദേഹത്തെ തിരിച്ചറിയാൻ കഴിഞ്ഞതിനാലും ഉദയ് സിംഗിനു കൂടുതൽ പിന്തുണ ലഭിക്കാൻ തുടങ്ങി. [10] 1540-ൽ, ഉദയ്‌യും മേവാറിൽ നിന്നുള്ള ഗണ്യമായ ഒരു സൈന്യവും തന്റെ സിംഹാസനം വീണ്ടെടുക്കുന്നതിനായി ചിറ്റോറിലേക്ക് പട നയിച്ചു ആക്രമണത്തെ ചെറുക്കാൻ ബൻവീർ ഒരു സൈന്യത്തെ അയച്ചെങ്കിലും അദ്ദേഹം പരാജയപ്പെട്ടു. [11] ഉദയ് സിംഗ് സിസോദിയ രാജവംശത്തിലെ 12-ാമത്തെ റാണയായി കിരീടമണിഞ്ഞു. അതേ വർഷം തന്നെ അദ്ദേഹത്തിന്റെ മൂത്ത മകനും പിൻഗാമിയുമായ മഹാറാണാ പ്രതാപും ജനിച്ചു.
സംസ്കാരത്തിൽ[തിരുത്തുക]
1934-ൽ ഈ നഴ്സ് പരിചാരകയെക്കുറീച്ച് ഒരു ഇന്ത്യക്കാരിയായ വീരാംഗന പന്ന നിശ്ശബ്ദ സിനിമ ഹർഷദ്രായി [12] മേത്ത നിർമ്മിച്ചു.
2014-ൽ അന്നത്തെ രാജസ്ഥാൻ മുഖ്യമന്ത്രി വസുന്ധര രാജെ ഷഹീദ് സ്മാരകം, പന്നാധായ് മ്യൂസിയം, ഗവർധൻ സാഗർ തടാകത്തിൽ ബോട്ട് ആകൃതിയിലുള്ള മ്യൂസിയം എന്നിവ ഉദ്ഘാടനം ചെയ്തു. പന്നാ ദായിക്കും മേവാറിനായുള്ള അവളുടെ ത്യാഗത്തിനും സമർപ്പിക്കപ്പെട്ടതാണ് ഈ മ്യൂസിയം. അവീടത്തെ ഹാൾ അവളുടെ ജീവിതവും ചിത്രീകരിക്കുന്നു; അതിൽ സന്ദർശകർക്ക് അവളെക്കുറിച്ചുള്ള ഒരു 3D സിനിമ കാണിക്കുന്നുണ്ട്.
ഒരു ദേശീയ അവാർഡും പടിഞ്ഞാറൻ ഉദയ്പൂരിലെ ഒരു നഴ്സിംഗ് കോളേജും അവളുടെ പേരിലാണ് അറിയപ്പെടുന്നത്. സച്ചിൻ സെൻ ഗുപ്ത 'പന്നാ ദായ്' എന്ന പേരിൽ ഒരു പുസ്തകവും പുറത്തിറക്കിയിട്ടുണ്ട്. [13] മീററ്റ് പട്ടണത്തിന്റെ പ്രാന്തപ്രദേശത്ത് സ്ഥിതി ചെയ്യുന്ന സ്വാമി വിവേകാനന്ദ സുഭാരതി സർവകലാശാലയുടെ പച്ചപ്പ് നിറഞ്ഞ കാമ്പസിലാണ് അവളുടെ പേരിലുള്ള മറ്റൊരു കോളേജ്,-പന്നാ ധായ് മാ സുഭാരതി നഴ്സിംഗ് കോളേജ്, [14] സ്ഥിതി ചെയ്യുന്നു.
റഫറൻസുകൾ[തിരുത്തുക]
- ↑ Hooja 2006, പുറം. 461.
- ↑ Ojhā 2000, പുറം. 86.
- ↑ Vīravinoda: Mevāṛa kā itihāsa : Mahārāṇāoṃ kā ādi se lekara San 1884 taka kā vistr̥ta vr̥ttānta, ānushaṅgika sāmagrī sahita 1986, പുറം. 61.
- ↑ Hooja 2006, പുറം. 458.
- ↑ Hooja 2006, പുറം. 460.
- ↑ Hooja 2006, പുറം. 460:"Banbeer was a son of Sanga’s dead brother, the valiant Prithviraj by one of his non-Rajput concubines, and like other offspring of such unions, held a certain status and recognition. (Actually,‘concubine’ falls short of a suitable definition of terms like ‘pardayat’, ‘paswan’, etc. used for non-Rajput ‘wives’ of Rajput chiefs and rulers). According to some versions, it was Rana Vikramaditya who called Banbeer to his court, and subsequently placed the fullest of confidence in him. Banbeer, in his turn, waited for a suitable opportunity, and in 1536 murdered the Rana and staked his title to the throne of Mewar"
- ↑ Somani 1976, പുറം. 193.
- ↑ Ojhā 2000, പുറം. 86-87.
- ↑ Shankar 2015, പുറം. 15-16.
- ↑ Shankar 2015, പുറം. 16.
- ↑ Hooja 2006, പുറം. 462.
- ↑ Rajadhyaksha, Ashish; Willemen, Paul (1999). Encyclopaedia of Indian cinema. British Film Institute. Retrieved 12 August 2012.
- ↑ Senagupta, Śacīndranātha (2009). Pannā dhāya : Śacīna Senaguptā ke Bāṅglā nāṭaka kā Nemicandra Jaina dvārā kiyā gayā Hindī anuvāda. Nayī Dilli: Bhāratīya Jñānapīṭha. ISBN 9788126318230. Archived from the original on 2015-12-08. Retrieved 2023-01-17.
- ↑ Panna Dhai Maa Subharti Nursing College.