ദ ലോർഡ് ഓഫ് ദ റിങ്സ്

വിക്കിപീഡിയ, ഒരു സ്വതന്ത്ര വിജ്ഞാനകോശം.
ദ ലോർഡ് ഓഫ് ദ റിങ്സ്
Jrrt lotr cover design.jpg
ലോർഡ് ഓഫ് ദ റിങ്സ് ഒരു പതിപ്പിന്റെ മൂന്ന് വാല്യങ്ങളുടെ മുൻതാളുകൾ
Author ജെ.ആർ.ആർ. റ്റോൾകീൻ
Country  United Kingdom
Language ഇംഗ്ലീഷ്
Genre High fantasy, Adventure novel, Heroic romance
Publisher അലെൻ & അൺവിൻ
Publication date
1954 ഉം 1955 ഉം
Media type Print (Hardback & Paperback)
Pages 1216 pp (total pages)
Preceded by ദ ഹോബിറ്റ്

ജെ.ആർ.ആർ. റ്റോൾകീൻ എഴുതിയ ഒരു അതികാൽപനിക നോവലാണ് ദ ലോർഡ് ഓഫ് ദ റിങ്സ്. അദ്ദേഹത്തിന്റെ ദ ഹോബിറ്റ് എന്ന കൃതിയുടെ അനുബന്ധം എന്ന നിലയിൽ എഴുതിത്തുടങ്ങിയ ഇത് ക്രമേണ അതിനേക്കാൾ വലിയ കഥയായി വളർന്നു. 1937 മുതൽ 1949 വരെയുള്ള കാലയളവിൽ പലഘട്ടങ്ങളിലായാണ് ഈ നോവൽ എഴുതപ്പെട്ടത്. അതിൽ ഭൂരിഭാഗവും എഴുതപ്പെട്ടത് രണ്ടാം ലോക മഹായുദ്ധം നടന്നുകൊണ്ടിരിക്കുമ്പോഴായിരന്നു. ഒറ്റ വാല്യമായി ഉദ്ദേശിച്ചാണ് എഴുതപ്പെട്ടതെങ്കിലും 1954 ലും 1955 ലുമായി മൂന്ന് വാല്യങ്ങളായാണ് ഇത് ആദ്യമായി പ്രസിദ്ധീകരിച്ചത്. പിന്നീട് പലതവണ വീണ്ടും അച്ചടിക്കപ്പെടുകയും പല ഭാഷകളിലേക്ക് തർജ്ജമ ചെയ്യപ്പെടുകയും ചെയ്ത ഈ നോവൽ ഇരുപതാം നൂറ്റാണ്ടിലെ ഏറ്റവും പ്രസിദ്ധവും സ്വാധീനം ചെലുത്തിയതുമായ ഒരു സാഹിത്യ കൃതിയായി മാറി.

ഒരു സമാന്തര ചരിത്രാതീതകാലത്താണ് കഥ നടക്കുന്നത്. മദ്ധ്യ ഭൂമിയിലെ മൂന്നാം യുഗം. മദ്ധ്യ ഭൂമിയിൽ മനുഷ്യരും മറ്റ് ഹ്യൂമനോയിഡുകളും (ഹോബിറ്റുകൾ, എൽഫുകൾ, ഡ്വാർഫുകൾ, ഓർക്കുകൾ) യഥാർത്ഥവും കാല്പനികവുമായ മറ്റ് പല ജന്തുക്കളും (എന്റുകൾ, വാർഗുകൾ, ബൽറോഗുകൾ, ട്രോളുകൾ...) വസിക്കുന്നു. ഒരു മുൻ യുഗത്തിൽ ലോർഡ് സോറോൺ നിർമിച്ച ശക്തിയുടെ മോതിരം (The Ring of Power) എന്ന ഒരു മോതിരത്തെ കേന്ദ്രീകരിച്ചാണ് നോവലിന്റെ കഥ.

സിനിമയിൽ[തിരുത്തുക]

ലോർഡ്‌ ഓഫ് ദി റിംഗ് മൂന്ന് പരമ്പരയായി സിനിമയായി ഇറങ്ങുകയുണ്ടായി.ലോർഡ്‌ ഓഫ് ദി റിംഗ് : ഫെല്ലോഷിപ്പ് ഓഫ് ദി റിംഗ് (2001),ലോർഡ്‌ ഓഫ് ദി റിംഗ് :ടു ടവേർസ് (2002), ലോർഡ്‌ ഓഫ് ദി റിംഗ് : റിട്ടേൺ ഓഫ് കിംഗ്‌ (2003) എന്നിവയാണവ. ഒരേ കഥയുടെ തുടർച്ചയായാണ് സിനിമ ഇറങ്ങിയിട്ടുള്ളത് . ഇതിൽ മൂന്നാം ഭാഗത്തിന് വിവിധയിനത്തിലായി 11 ഓസ്കാർ അവാർഡുകൾ ലഭിക്കുകയുണ്ടായി

"https://ml.wikipedia.org/w/index.php?title=ദ_ലോർഡ്_ഓഫ്_ദ_റിങ്സ്&oldid=2376205" എന്ന താളിൽനിന്നു ശേഖരിച്ചത്