ജെയിംസ് ഹാഡ്ലി ചേസ്

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
ജെയിംസ് ഹാഡ്ലി ചേസ്
James Hadley Chase.jpg
ജനനംറെനെ ബ്രാബസോൺ റേമണ്ട്
(1906-12-24)24 ഡിസംബർ 1906
ലണ്ടൻ, ഇംഗ്ലണ്ട്
മരണം6 ഫെബ്രുവരി 1985(1985-02-06) (aged 78)
ലണ്ടൺ, ഇംഗ്ലണ്ട്
തൊഴിൽനോവലിസ്റ്റ്
തൂലികാനാമംജെയിംസ് ഹാഡ്ലി ചേസ്

ജെയിംസ് ഹാഡ്ലി ചേസ് എന്ന തൂലികാനാമത്തിൽ പ്രശസ്തനായ റെനെ ബ്രാബസോൺ റേമണ്ട് (ഡിസംബർ 24, 1906 - ഫെബ്രുവരി 6, 1985) പ്രശസ്തനായ ഒരു ഇംഗ്ലീഷ് നോവലിസ്റ്റായിരുന്നു. ത്രില്ലർ നോവലുകളുടെ രാജാവായി ചേസ് വാഴ്ത്തപ്പെടുന്നു.[1]

ജീവിതരേഖ[തിരുത്തുക]

1906-ൽ ലണ്ടനിൽ ജനിച്ചു. പിതാവ് ബ്രിട്ടീഷ് പട്ടാളത്തിൽ കേണൽ ആയിരുന്നു. പതിനെട്ടാം വയസ്സിൽ ഒരു പുസ്തകക്കടയിൽ ജോലി ലഭിച്ചതാണ് ചേസിന്റെ ജീവിതത്തിൽ വഴിത്തിരിവായത്. 1939-ൽ നോ ഓർക്കിഡ്സ് ഫോർ മിസ്സ് ബ്ലാൻഡിഷ് എന്ന ആദ്യ നോവൽ പ്രസിദ്ധീകരിച്ചു. ചരിത്രത്തിലെ എക്കാലത്തെയും മികച്ച ക്രൈം നോവലുകളിലൊന്നായി വാഴ്ത്തപ്പെടുന്ന ഈ നോവൽ ആറാഴ്ച്ചക്കാലം കൊണ്ടാണ് ചേസ് എഴുതിത്തീർത്തത്. ലാ മോഡ് ദിനപത്രത്തിന്റെ നൂറ്റാണ്ടിലെ ഏറ്റവും മികച്ച നൂറു നോവലുകളുടെ പട്ടികയിലും ഈ നോവൽ സ്ഥാനം പിടിക്കുകയുണ്ടായി.[2]

കുറ്റാന്വേഷണം, ക്രൈം, ത്രില്ലർ വിഭാഗങ്ങളിൽ പിന്നീടിറങ്ങിയ എൺപതിലധികം ചേസ് നോവലുകളും നിരൂപകപ്രശംസ പിടിച്ചുപറ്റി. ഇവയിൽ മിക്കതും എക്കാലത്തെയും ബെസ്റ്റ്-സെല്ലറുകളിൽ ചിലതായി വിലയിരുത്തപ്പെടുകയും ചെയ്യുന്നു. ചേസിന്റെ 35 നോവലുകൾ ചലച്ചിത്രങ്ങളായി ആവിഷ്ക്കരിക്കപ്പെട്ടു.[3] ഏഷ്യ, ആഫ്രിക്ക എന്നീ ഭൂഖണ്ടങ്ങളിൽ വളരെയധികം ആരാധകരുള്ള എഴുത്തുകാരനാണ് ചേസ്. 1985-ൽ അദ്ദേഹം അന്തരിച്ചു.

അവലംബം[തിരുത്തുക]

  1. Frank Northen Magill (1988). Critical survey of mystery and detective fiction. Salem Press. p. 319. ISBN 0893564869.
  2. Écrivains et choix sentimentaux, Josyane Savigneau, Le Monde, 15 October 1999.
  3. Publishers' Association, Booksellers Association of Great Britain and Ireland (1982). The Bookseller. J. Whitaker. p. 46.
"https://ml.wikipedia.org/w/index.php?title=ജെയിംസ്_ഹാഡ്ലി_ചേസ്&oldid=3088588" എന്ന താളിൽനിന്ന് ശേഖരിച്ചത്