ഗദ്ദർ

Gaddar
Gaddar in 2005
വ്യക്തിഗത വിവരങ്ങൾ
ജനനം	Gummadi Vittal Rao 1949 (1949) Toopran, Hyderabad State, India
മരണം	6 ഓഗസ്റ്റ് 2023 (വയസ്സ് 74) Hyderabad, Telangana, India
രാഷ്ട്രീയ കക്ഷി	Telangana Praja Front
പങ്കാളി	Vimala Gaddar
വസതിs	Hyderabad, Telangana, India
അൽമ മേറ്റർ	Osmania University

ഒരു ഇന്ത്യൻ കവിയും ഗായകനും കമ്മ്യൂണിസ്റ്റ് വിപ്ലവകാരിയുമായിരുന്നു ഗദ്ദർ എന്നറിയപ്പെടുന്ന ഗുമ്മാഡി വിട്ടൽ റാവു (1949 - 6 ഓഗസ്റ്റ് 2023). നക്സലൈറ്റ്-മാവോയിസ്റ്റ് പ്രസ്ഥാനത്തിലും തെലങ്കാനയുടെ സംസ്ഥാന പദവിക്കായുള്ള മുന്നേറ്റത്തിലും ഗദ്ദർ സജീവമായിരുന്നു.

ജീവിതരേഖ

1949-ൽ തെലങ്കാനയിലെ മേദക് ജില്ലയിലെ തൂപ്രാനിൽ ഗുമ്മഡി വിത്തൽ റാവു എന്ന പേരിലാണ് ഗദ്ദർ ജനിച്ചത്. 1980-കളിൽ ഗദ്ദർ ഒളിവിൽ പോയി കമ്മ്യൂണിസ്റ്റ് പാർട്ടി ഓഫ് ഇന്ത്യ (മാർക്സിസ്റ്റ്-ലെനിനിസ്റ്റ്) പീപ്പിൾസ് വാർ അംഗമായി. മാവോയിസ്‌റ്റ്‌ സംഘടനയായ കമ്യൂണിസ്റ്റ് പാർടി ഓഫ് ഇന്ത്യ (മാർക്സിസ്റ്റ്– ലെനിനിസ്റ്റ്) അംഗമായിരുന്ന ഗദ്ദർ അതിന്റെ സാംസ്കാരിക സംഘടനയായ ജനനാട്യ മണ്ഡലിയുടെ സ്ഥാപകനാണ്. ചുമലിൽ കമ്പിളിപ്പുതപ്പും കാലിൽ ചിലങ്കയും കൈയിൽ  ചെങ്കൊടികെട്ടിയ മുളവടിയുമായി രാജ്യത്തെ വിവിധ വേദികളിൽ അവതരണങ്ങൾ നടത്തി.

1997-ൽ ഒരു വധശ്രമത്തിനു ശേഷം അദ്ദേഹത്തിന്റെ നട്ടെല്ലിൽ ഒരു വെടിയുണ്ടയുമായാണ് ജീവിച്ചത്.

2010 വരെ നക്‌സൽ പ്രസ്ഥാനത്തിൽ സജീവമായിരുന്ന ഗദ്ദർ അംബേദ്കറൈറ്റ് ആയി സ്വയം തിരിച്ചറിഞ്ഞു. പഞ്ചാബിലെ ബ്രിട്ടീഷ് കൊളോണിയൽ ഭരണത്തെ എതിർത്ത സ്വാതന്ത്ര്യത്തിന് മുമ്പുള്ള ഗദ്ദർ പാർട്ടിക്കുള്ള ആദരാഞ്ജലിയായി അദ്ദേഹം ഗദ്ദർ എന്ന പേര് സ്വീകരിച്ചു.

മാ ഭൂമി, രംഗുല കാല, ദാസി തുടങ്ങിയ ഹിറ്റ് തെലുങ്ക്‌ സിനിമകളുടെ നിർമാതാവായ ബി നർസിങ്‌ റാവു സ്ഥാപിച്ച ആർട്ട് ലവേഴ്‌സ് അസോസിയേഷനിൽ ഗദ്ദർ പ്രവർത്തിച്ചിട്ടുണ്ട്‌. രണ്ട് ചിത്രത്തിലും അഭിനയിച്ചു. അവസാന കാലത്ത് ദൈവവിശ്വാസിയായി മാറിയ ഗദ്ദർ പ്രജാ പാർടി എന്ന പേരിൽ രാഷ്‌ട്രീയ പാർടി രൂപീകരിക്കുമെന്ന്‌ പ്രഖ്യാപിച്ചിരുന്നു.

തെലങ്കാന പ്രസ്ഥാനം

തെലങ്കാന പ്രസ്ഥാനത്തിന്റെ പുനരുജ്ജീവനത്തോടെ, ദളിതരെയും പിന്നാക്ക ജാതിക്കാരെയും ഉന്നമിപ്പിക്കാൻ ഉദ്ദേശിച്ചുള്ള പ്രത്യേക തെലങ്കാന സംസ്ഥാനത്തിന്റെ ലക്ഷ്യത്തിന് ഗദർ തന്റെ പിന്തുണ അറിയിച്ചു. ‘പൊഡുസ്റ്റുന്ന പൊഡ്ഡു മീട നടുസ്റ്റുന്ന കാലമ പോരു തെലങ്കാനമാ’ തെലങ്കാന സമരത്തിലുടനീളം ആവേശമായിരുന്നു. ഗൗഡ് എപി ആഭ്യന്തര മന്ത്രിയായിരുന്ന കാലത്ത് പോലീസിന്റെ വെടിയേറ്റെങ്കിലും ദേവേന്ദർ ഗൗഡിന്റെ NTPP (നവ തെലങ്കാന പ്രജാ പാർട്ടി) യോട് അദ്ദേഹം ഐക്യദാർഢ്യം പ്രകടിപ്പിച്ചു.

ഓപ്പറേഷൻ ഗ്രീൻ ഹണ്ടിനെതിരെ 2010ൽ കൊൽക്കത്തയിൽ ഗദ്ദർ പ്രകടനം നടത്തി

. 2010 വരെ മാവോയിസ്‌റ്റ്‌ പ്രസ്ഥാനത്തിൽ സജീവമായിരുന്ന ഗദ്ദർ 2017-ൽ ആ ബന്ധം വിച്ഛേദിച്ചു. 2018-ലെ നിയമസഭാ തെരഞ്ഞെടുപ്പിലാണ് ആദ്യമായി വോട്ട് ചെയ്‌തത്‌.

രോഗവും മരണവും

വിപ്ലവഗാനങ്ങളിലൂടെയും സ്റ്റേജ് പ്രകടനങ്ങളിലൂടെയും ഇരുപത് വർഷത്തിലേറെയായി യുവാക്കളിൽ ശക്തമായ സ്വാധീനം ചെലുത്തിയിരുന്നു ഗദ്ദർ.

കഠിനമായ ഹൃദ്രോഗത്താൽ ബുദ്ധിമുട്ടിയ ഗദ്ദറിനെ 2023 ജൂലൈ 20 ന് ഹൈദരാബാദ് ആശുപത്രിയിൽ പ്രവേശിപ്പിച്ചു, അവിടെ 2023 ഓഗസ്റ്റ് 3 ന് ബൈപാസ് ശസ്ത്രക്രിയ നടത്തി. ശസ്ത്രക്രിയയിൽ നിന്ന് സുഖം പ്രാപിക്കുന്നതിനിടയിൽ, ശ്വാസകോശ, മൂത്രാശയ പ്രശ്നങ്ങൾ മൂലം 2023 ഓഗസ്റ്റ് 6-ന് 74-ാം വയസ്സിൽ അദ്ദേഹം മരിച്ചു

സംഗീതം

വർഷം	സിനിമ	ഗാനം	ഗാനരചയിതാവ്	ഭാഷ	റഫ.
1979	മാ ഭൂമി	ബന്ദേനക ബന്ദി കട്ടി	ബന്ദി യാദഗിരി	തെലുങ്ക്
1995	ഒരേ റിക്ഷ	മല്ലേ തീഗാകു	ഗദ്ദർ	തെലുങ്ക്
2011	ജയ് ബോലോ തെലങ്കാന	പൊടുന്ന പൊട്ടുമീടാ	ഗദ്ദർ	തെലുങ്ക്

അവാർഡുകൾ

നന്ദി അവാർഡുകൾ :

• 1995: ഒറേ റിക്ഷയിലെ "മല്ലെതീഗ കു പണ്ടിരി വോലെ" എന്ന ഗാനത്തിന് മികച്ച ഗാനരചയിതാവിനുള്ള നന്ദി പുരസ്കാരം (നിരസിച്ചു)
• 2011: ജയ് ബോലോ തെലങ്കാനയ്ക്ക് മികച്ച പിന്നണി ഗായകനുള്ള നന്ദി അവാർഡ്