കെ. വേലായുധൻ നായർ

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
കെ. വേലായുധൻ നായർ
ജനനം1928
തിരുവനന്തപുരം
മരണം2003 സെപ്റ്റംബർ 21 [1]
തിരുവനന്തപുരം
ദേശീയത ഇന്ത്യ
പൗരത്വംഇന്ത്യൻ
ജീവിത പങ്കാളി(കൾ)സുഗതകുമാരി

പ്രസിദ്ധ മലയാള സാഹിത്യകാരനും വിദ്യാഭ്യാസവിദഗ്ദ്ധനുമായിരുന്നു കെ. വേലായുധൻ നായർ. തത്ത്വശാസ്‌ത്രം, മനഃശാസ്‌ത്രം, വിദ്യാഭ്യാസം, രാഷ്‌ട്രമീമാംസ എന്നീ വിഷയങ്ങളിൽ പതിനാലുഗ്രന്ഥങ്ങളും നിരവധി ലേഖനങ്ങളും വിവർത്തനങ്ങളും പ്രസിദ്ധപ്പെടുത്തിയിട്ടുണ്ട്‌. കേരള സാഹിത്യ അക്കാദമി പുരസ്കാരമടക്കമുള്ള അവാർഡുകൾ നേടിയിട്ടുണ്ട്. പ്രശസ്ത കവയിത്രി സുഗതകുമാരിയാണ് ഇദ്ദേഹത്തിന്റെ ഭാര്യ.

ജീവിതരേഖ[തിരുത്തുക]

1928-ൽ തിരുവനന്തപുരത്താണ് ജനിച്ചത്. സ്‌കൂൾ വിദ്യാഭ്യാസം കൊല്ലം ക്രേവൻ ഇംഗ്ലീഷ്‌ മിഡിൽ സ്‌കൂളിലും വഞ്ചിയൂർ എസ്‌.എം.വി. ഹൈസ്‌കൂളിലുമായിരുന്നു. തിരുവനന്തപുരം യൂണിവേഴ്‌സിറ്റി കോളേജിൽ നിന്ന്‌ തത്ത്വശാസ്‌ത്രം ഐച്ഛികവിഷയമായെടുത്ത്‌ 1952-ൽ ഒന്നാംക്ലാസ്സിൽ ഒന്നാം റാങ്കോടുകൂടി എം.എ. ജയിച്ചു. ഏഴു വർഷത്തിലധികം കാലം കേരളകൗമുദിയുടെ സഹപത്രാധിപരായി പ്രവർത്തിച്ചിരുന്നു. യൂണിവേഴ്‌സിറ്റി കോളേജിൽ രണ്ടു വർഷം ലക്‌ച്ചററും മൂന്നുവർഷം ഇന്ത്യാഗവൺമെന്റ്‌ സീനിയർ ഹുമാനിറ്റീസ്‌ സ്‌കോളറുമായിരുന്നു. 1968-ൽ വൊക്കേഷണൽ സൈക്കോളജിയിൽ പി.എച്ച്‌.ഡി. കരസ്‌ഥമാക്കി. 1957 മുതൽ 1969 വരെ ഡൽഹിയിലെ കേന്ദ്രഗവൺമെന്റ്‌ ഗൈഡൻസ്‌ ബ്യൂറോയിൽ സൈക്കോളജിസ്‌റ്റ്‌, കൗൺസലർ എന്നീ നിലകളിലും എൻ.സി.ഇ.ആർ.ടി.യിൽ ലെക്‌ച്ചറർ ആയും സേവനമനുഷ്‌ഠിച്ചു. 1969-ൽ കേരള ഭാഷാ ഇൻസ്‌റ്റിറ്റ്യൂട്ടിൽ റിസർച്ച്‌ ഓഫീസറായി ചേർന്നു. അസിസ്‌റ്റന്റ്‌ ഡയറക്‌ടറായി 1988-ൽ വിരമിച്ചു. 2003 സെപ്റ്റംബർ 21-ന് ഇദ്ദേഹം മരണമടഞ്ഞു.

പ്രധാന കൃതികൾ[തിരുത്തുക]

പുരസ്കാരങ്ങൾ[തിരുത്തുക]

പുറത്തേയ്ക്കുള്ള കണ്ണികൾ[തിരുത്തുക]

കെ. വേലായുധൻ നായർ, പുഴ.കോം വെബ്‌സൈറ്റ്

അവലംബം[തിരുത്തുക]

"https://ml.wikipedia.org/w/index.php?title=കെ._വേലായുധൻ_നായർ&oldid=3090252" എന്ന താളിൽനിന്ന് ശേഖരിച്ചത്