കുരങ്ങണി
തമിഴ്നാട്ടിൽപ്പെടുന്ന പശ്ചിമഘട്ട മലനിരകളിലെ ഒരു ഹിൽസ്റ്റേഷനാണ് കുരങ്ങണി[1]. തെങ്ങ്, മാവ്, തേയില, കാപ്പി എന്നീ വിളകളാൽ സമ്പന്നമായ പ്രദേശമാണ് ഇത്. 2018 മാർച്ച് 11ന് കുരങ്ങിണിയിലുണ്ടായ കാട്ടുതീയിൽപ്പെട്ട് ട്രെക്കിംഗ് സംഘത്തിൽപ്പെട്ട 26 പേർക്ക് ജീവൻ നഷ്ടമായി.ഇതിൽ 17 പേരും സ്ത്രീകളായിരുന്നു. <[https://www.thehindu.com/news/cities/Madurai/fire/article34045443.ece#:~:text=Though%20the%20Forest,in%20various%20hospitals.>.
ഭൂമിശാസ്ത്രം[തിരുത്തുക]
കുരങ്ങണി മലനിരകൾക്കും കൊളുക്കുമലകൾക്കും ഇടയിലാണ് കുരങ്ങണി ഗ്രാമം. തണുത്ത, മേഘാവൃതമായ കാലാവസ്ഥ. ശക്തിയായ കാറ്റു വീശുന്ന മേഖല. പലതരം വന്യമൃഗങ്ങളുടേയും സവിശേഷ സസ്യജനുസ്സുകളുടേയും ആവാസ കേന്ദ്രം കൂടിയാണ് ഈ പ്രദേശം. നിരവധി അരുവികൾ ഇവിടെയുണ്ട്. ഇവയെല്ലാം ചേർന്നൊഴുകി കോട്ടക്കുടി നദിയാവുന്നു. ഇത് [[വൈഗ നദി|വൈഗ നദിയിൽ] ചെന്നു ചേരുന്നു.
ആകർഷണം[തിരുത്തുക]
മല കയറ്റത്തിനും പ്രകൃതിനിരീക്ഷണയാത്രയ്ക്കും അനുയോജ്യമാണ് കുരങ്ങിണി. കേരളത്തിൽപ്പെടുന്ന മൂന്നാർ വഴിയും കുരങ്ങണിയിലെ ട്രെക്കിംഗ് പാതയിലെത്താവുന്നതാണ്[2]. എണ്ണായിരം അടി ഉയരത്തിൽ കൊളുക്കുമലയിലെ തേയിലത്തോട്ടങ്ങൾ സഞ്ചാരികളെ വളരെയേറെ ആകർഷിക്കുന്നു. ആഗസ്ത് മുതൽ ഡിസംബർ വരെയാണ് സഞ്ചാരത്തിന് അനുയോജ്യം. സാമബലരു വെള്ളച്ചാട്ടത്തിൽ നിന്ന് ആരംഭിക്കുന്ന കോട്ടക്കുടി നദിയാണ് പ്രധാന ജലസ്രോതസ്സ്.
ജനസംഖ്യ[തിരുത്തുക]
കുരങ്ങണി ഗ്രാമത്തിലെ ജനസംഖ്യ ഇരുന്നൂറോളം മാത്രമാണ്. അമ്പതോളം വീടുകളും ഇവിടെയുണ്ട്.
യാത്രാമാർഗ്ഗം[തിരുത്തുക]
നൂറു കിലോമീറ്റർ അകലെയുള്ള മധുരയാണ് ഏറ്റവുമടുത്ത വിമാനത്താവളം. ബോഡി നായ്ക്കന്നൂർ വഴി ട്രെയിനിൽ എത്തിച്ചേരാം. ഇവിടെ നിന്ന് 15 കിലോമീറ്റർ യാത്ര ചെയ്താൽ കുരങ്ങണിയിലെത്താം.
അവലംബം[തിരുത്തുക]
- ↑ ]|Kurangani Hills
- ↑ [1] Archived 2018-03-23 at the Wayback Machine.|Top Station Trekking – Stunning Trekking Experience