കമ്പിവാലൻ കത്രിക
| കമ്പിവാലൻ കത്രിക | |
|---|---|
 |
|
| ശാസ്ത്രീയ വർഗ്ഗീകരണം | |
| സാമ്രാജ്യം: | Animalia |
| ഫൈലം: | Chordata |
| ക്ലാസ്സ്‌: | Aves |
| നിര: | Passeriformes |
| കുടുംബം: | Hirundinidae |
| ജനുസ്സ്: | Hirundo |
| വർഗ്ഗം: | H. smithii |
| ശാസ്ത്രീയ നാമം | |
| Hirundo smithii Leach, 1818 |
|
കമ്പിവാലൻ കത്രികയുടെ ഇംഗ്ലീഷിലെ പേര് Wire-tailed Swallow എന്നാണ്. ശാസ്ത്രീയ നാമം Hirundo smithii എന്നുമാണ്[1]. 1816ൽ കോംഗോ നദിയിൽ പര്യവേക്ഷണം നടത്തിയ ബ്രിട്ടീഷ്സംഘത്തിലെ നോർവീജിയൻ ജീവശാസ്ത്രജ്ഞനായിരുന്ന പ്രൊ. ചെതിയൻ സ്മിത്തിന്റെ പേരിനോട് ചേർന്നാണ് ശസ്ത്രീയ നാമം[2].
ഉള്ളടക്കം
രൂപവിവരണം[തിരുത്തുക]
ഇവയ്ക്ക് 14 സെമീ നീളം ഉണ്ട്. മുകൾ വശം നല്ല നീലയാണ്. തല ചെമ്പിച്ച്താണ്. വാലിൽ വെളുത്ത കുത്തുകളുണ്ട്. അടിവശം വെളുത്തതാണ്. ഇരുണ്ട പറക്കുന്ന ചിറകുകളുണ്ട്. കണ്ണിനു ചുറ്റും നീലനിറമാണ്. വാലിന്റെ അറ്റത്ത് കമ്പിപോലെയുള്ള നാരുകളുണ്ട്. ആണും പെന്നും കാഴ്ച്യ്ക്ക് ഒരുപോലെയാണെങ്കിലും പെണ്ണിന്റെ വാലിലെ കമ്പിക്ക് നീളക്കുറവുണ്ട്[3].
വിതരണം[തിരുത്തുക]
കമ്പിവാലൻ കത്രിക ആഫ്രിക്കയിൽ സഹാറയുടെ തെക്കു ഭാഗതും ഏഷ്യയുടെ തെക്കു ഭാഗത്ത് ഇന്ത്യൻ ഉപഭൂഖണ്ഡത്തിലും തെക്കു കിഴക്കൻ ഏഷ്യവരേയും കാണുന്നു[4]. തനതു പ്രദേശത്തു ജീവിക്കുന്നവയാണെങ്കിലും പാകിസ്താനിലും വടക്കെ ഇന്ത്യയിലും കാണുന്നവ തണുപ്പുകാലത്ത് ദേശാടനം ചെയ്യാറുണ്ട്. ശ്രീലങ്കയിൽ അപൂർവമായെ കാണാറുള്ളു[5].
ഇവയെ വെളിമ്പ്രദേശങ്ങളിൽ വെള്ളവും മനുഷ്യവാസം ഉള്ളിടങ്ങളിലാണ് കാണുന്നത്. പറക്കുന്ന പ്രാണികളാണ് ഭക്ഷണം. വെള്ളത്തിനുമുകളിൽ താണു പറക്കുന്നതു കാണാം. ഇവ കൂട്ടമായി താമസിക്കാത്തവയാണ്.
പ്രജനനം[തിരുത്തുക]
ഉയർന്ന പാറകളിലും, കെട്ടിടങ്ങളിലും, പാലങ്ങളിലും കൂടുണ്ടാക്കാറുണ്ട്. കോപ്പയുടെ ആകൃതിയുള്ള കൂടാണ്. അതിന്റെ ഉൾവശം മണ്ണുകൊണ്ട് പൂശിയിരിക്കും. ആഫ്രിക്കയിൽ കാണപ്പെടുന്നവ മൂന്നോ നാലോ മുട്ടകളാണിടുന്നത്. ഏഷ്യയിൽ കാണപ്പെടുന്നവ അഞ്ചു മുട്ടകൾ വരെ ഇടും.
അവലംബം[തിരുത്തുക]
- ↑ 1.0 1.1 BirdLife International (2012). "Hirundo smithii". IUCN Red List of Threatened Species. Version 2012.1. International Union for Conservation of Nature. ശേഖരിച്ചത് 16 July 2012.
- ↑ Jobling (2010), p. 358.
- ↑ Stevenson, Terry; Fanshaw, John. Birds of East Africa: Kenya, Tanzania, Uganda, Rwanda, Burundi. London, UK: A&C Black. p. 294. ഐ.എസ്.ബി.എൻ. 978-0-7136-7347-0. ശേഖരിച്ചത് 28 August 2014.
- ↑ "ITIS Report: Hirundo smithii". Integrated Taxonomic Information System. ശേഖരിച്ചത് 28 August 2014.
- ↑ Monroe, Burt (1997). A World Checklist of Birds. New Haven, CT, USA: Yale University Press. p. 247. ഐ.എസ്.ബി.എൻ. 978-0-300-07083-5. ശേഖരിച്ചത് 28 August 2014.
 |
വിക്കിമീഡിയ കോമൺസിലെ Hirundo smithii എന്ന വർഗ്ഗത്തിൽ ഇതുമായി ബന്ധപ്പെട്ട കൂടുതൽ പ്രമാണങ്ങൾ ലഭ്യമാണ്. |
