ഇല്യൂഷിൻ ഐ.എൽ.-2
| ഐ.എൽ.-2 | |
|---|---|
 സോവിയറ്റ് വായുസേനയുടെ ഒരു ഐ.എൽ.-2. | |
| തരം | ആക്രമണ വിമാനം |
| ഉത്ഭവ രാജ്യം | സോവിയറ്റ് യൂണിയൻ |
| നിർമ്മാതാവ് | ഇല്യൂഷിൻ |
| ആദ്യ പറക്കൽ | 1939 ഒക്ടോബർ 2 |
| അവതരണം | 1941 |
| ഉപയോഗം നിർത്തിയ തീയതി | 1954 |
| സ്ഥിതി | ഉപയോഗത്തിലല്ല |
| പ്രാഥമിക ഉപയോക്താക്കൾ | സോവിയറ്റ് യൂണിയൻ ചെക്കൊസ്ലൊവാക്യ പോളണ്ട് ബൾഗേറിയ മംഗോളിയ യുഗോസ്ലാവിയ ഹംഗറി |
| നിർമ്മിച്ച കാലഘട്ടം | 1941-1945 |
| നിർമ്മിച്ച എണ്ണം | ഏകദേശം 36,000 |
ഇല്യൂഷിൻ ഐ.എൽ.-2 (ഇംഗ്ലീഷ്: Ilyushin Il-2, റഷ്യൻ: Илью́шин Ил-2) രണ്ടാം ലോകമഹായുദ്ധത്തിൽ സോവിയറ്റ് യൂണിയനുടെ പ്രാഥമികമായ ആക്രമണ വിമാനമായിരുന്നു. ഈ വിമാനത്തിനെ ഷ്ടുർമോവീക്ക് (ഇംഗ്ലീഷ്: Shturmovik, റഷ്യൻ: Штурмови́к) എന്ന പേരിലും അറിയപ്പെടുന്നു. രണ്ടാം ലോകമഹായുദ്ധത്തിലെ കിഴക്കൻ മുന്നണിയിൽ സോവിയറ്റ് വായുസേനയുടെ പ്രധാനമായൊരു ഭാഗമായിരുന്നു ഐ.എൽ.-2. മൊത്തത്തിൽ ഇല്യൂഷിൻ ഏകദേശം 36,000[1] ഐ.എൽ.-2 വിമാനങ്ങൾ നിർമ്മിച്ചിരുന്നു. ഐ.എൽ.-2 ആണ് ചരിത്രത്തിൽ ഏറ്റവും അധികം നിർമ്മിക്കപ്പെട്ട സൈനികവിമാനം, കൂടാതെ ചരിത്രത്തിൽ ഏറ്റവും അധികം നിർമ്മിക്കപ്പെട്ട വിമാനങ്ങളിൽ രണ്ടാമത്.[2]
രൂപകൽപ്പനയും വികസനവും
[തിരുത്തുക]1930-കളിൽ സോവിയറ്റ് പ്രതിരോധ മന്ത്രാലയം ശത്രുക്കളുടെ നിലത്തുള്ള അന്തരഘടനയെയും വാഹനങ്ങളെയും ആക്രമിക്കാൻ ഉപയോഗപ്പെടുന്നൊരു വിമാനം ആവശ്യമുണ്ടെന്ന് വെളിപ്പെടുത്തി.[3] ഈ ആവശ്യത്തിന് വേണ്ടി പല വ്യത്യസ്തമായ വിമാനങ്ങൾ സോവിയറ്റ് യൂണിയനിൽ രൂപകൽപ്പന ചെയ്തിരുന്നു, പക്ഷെ ഇവയെല്ലാം തൃപ്തികരമായിരുന്നില്ല. 1938-ഇൽ സോവിയറ്റ് പ്രതിരോധ മന്ത്രാലയത്തിൻ്റെ ആവശ്യങ്ങൾ നിറവേറ്റുന്നൊരു വിമാനം സെർഗെയ് വ്ലാദിമിറോവിച്ച് ഇല്യൂഷിൻ രൂപകൽപ്പന ചെയ്തു. ടി.എസ്.കെ.ബി.-55 (TsKB-55) എന്നായിരുന്നു ഈ വിമാനത്തിൻ്റെ പേര്. ഈ വിമാനത്തിൻ്റെ പരീക്ഷണങ്ങൾ 1940 ഏപ്രിൽ വരെ നടത്തിയിരുന്നു. നിർമ്മാണം ആരംഭിച്ചപ്പോൾ ഈ വിമാനം ഐ.എൽ.-2 എന്നറിയപ്പെട്ടു. ഔദ്യോഗികമായി നിർമ്മിച്ച ആദ്യത്തെ ഐ.എൽ.-2 പറന്നത് 1941 മാർച്ച് 10-ഇനായിരുന്നു.[4]
ഉപയോക്താക്കൾ
[തിരുത്തുക]
ചെക്കോസ്ലോവാക്യ: 1944-1949[5]
പോളണ്ട്: 1944-1954[6]
ബൾഗേറിയ: 1945-1954[5]
മംഗോളിയ: 1945-1954[6]
യൂഗോസ്ലാവ്യ: 1944-1954[7]
സോവിയറ്റ് യൂണിയൻ: 1941-1949[8]
ഹംഗറി: 1945-1952[6]
സാങ്കേതിക വിശദാംശങ്ങൾ (ഐ.എൽ.-2 എം.3)
[തിരുത്തുക]വിവരങ്ങൾ കിട്ടിയത് "Il-2 Shturmovik: Red Avenger"-ൽ നിന്ന്.[9]
സാധാരണ വിശദാംശങ്ങൾ
- വൈമാനികരുടെ എണ്ണം: 2
- നീളം: 11.6 മീ. (38.06 അടി)
- ചിറകിൻ്റെ നീളം: 14.6 മീ. (47.9 അടി)
- ഉയരം: 4.2 മീ. (13.75 അടി)
- ചിറകിൻ്റെ വിസ്തീർണ്ണം: 38.5 ച.മീ. (414 ച.അടി)
- ഒഴിഞ്ഞിരിക്കുമ്പോളുള്ള ഭാരം: 4,574 കി.ഗ്രാം (10,086 പൗണ്ട്)
- നിറഞ്ഞിരിക്കുമ്പോളുള്ള ഭാരം: 6,240 കി.ഗ്രാം (13,759 പൗണ്ട്)
- പറന്നുയരാൻ സാധിക്കുന്ന പരമാവധി ഭാരം: 6,360 കി.ഗ്രാം (14,201 പൗണ്ട്)
- എഞ്ചിൻ: 1 × മിക്കുലിൻ എ.എം.-38 എഫ്. ദ്രാവകം കൊണ്ട് തണുപ്പിക്കുന്ന വി.-12 എഞ്ചിൻ
ശേഷികൾ
- പരമാവധി വേഗത: 405 കി.മീ. മണിക്കൂറിൽ (252 മൈൽ മണിക്കൂറിൽ)
- പരിധി: 724 കി.മീ. (450 മൈൽ)
- സുഖമായി പറക്കാവുന്ന പരമാവധി ഉയരം: 5,500 മീ. (18,045 അടി)
- ഉയരുന്നതിൻ്റെ നിരക്ക്: 10.4 മീ. സെക്കണ്ടിൽ (2,050 അടി മിനിറ്റിൽ)
- ചിറകിൻ മേലുള്ള ഭാരം: 160 കി.ഗ്രാം/ച.മീ. (31.3 പൗണ്ട്/ച.അടി)
- ശക്തി/പിണ്ഡം: 210 വാട്ട്/കി.ഗ്രാം (0.13 ഹോഴ്സ്പവർ/പൗണ്ട്)
ആയുധങ്ങൾ
- തോക്കുകൾ:
- 2 × മുന്നോട്ട് വെടിവയ്ക്കുന്ന 23 മി.മീ. വി.വൈ.എ.-23 കാനനുകൾ
- 2 × മുന്നോട്ട് വെടിവയ്ക്കുന്ന 7.62 മി.മീ. ഷ്കാസ് യന്ത്രത്തോക്കുകൾ
- 1 × കായികമായി ലക്ഷ്യം വയ്ക്കെണ്ട 12.7 മി.മീ. ബെറെസിൻ യു.ബി.ടി. യന്ത്രത്തോക്ക് പുറകിൽ
- റോക്കറ്റുകൾ:
- 4 × ആർ.എസ്.-82 റോക്കറ്റുകൾ അല്ലെങ്കിൽ
- 4 × ആർ.എസ്.-132 റോക്കറ്റുകൾ അല്ലെങ്കിൽ
- 4 × ആർ.ഒ.എഫ്.എസ്.-132 റോക്കറ്റുകൾ
- ബോംബുകൾ: 600 കി.ഗ്രാം (1,333 പൗണ്ട്) വരെ ഭാരമുള്ള ബോംബുകൾ
കുറിപ്പുകൾ
[തിരുത്തുക]- ↑ "Ilyushin Il-2". Encyclopædia Britannica. 2014 ജൂലൈ 20. Retrieved 2020 ഡിസംബർ 23.
{{cite web}}: Check date values in:|access-date=and|date=(help) - ↑ ക്രെല്ലിൻ, എവലിൻ (2016 സെപ്റ്റംബർ 26). "Stalin's "Essential Aircraft:" Ilyushin Il-2 in WWII". Smithsonian National Air and Space Museum. Retrieved 2020 ഡിസംബർ 23.
{{cite web}}: Check date values in:|access-date=and|date=(help) - ↑ മൂർ 2015, പേജ് 40.
- ↑ മൂർ 2015, പേജ് 49.
- 1 2 മൂർ 2015, പേജ് 272
- 1 2 3 മൂർ 2015, പേജ് 273
- ↑ മൂർ 2015, പേജ് 274
- ↑ മൂർ 2015, പേജ് 271
- ↑ മൂർ 2015, പേജ് 337-338
അവലംബം
[തിരുത്തുക]- മൂർ, ജേസൺ (2015). Il-2 Shturmovik: Red Avenger. സ്റ്റ്രൗഡ്: ഫോണ്ട്ഹിൽ മീഡിയ ലിമിറ്റഡ്.