ഇലാം ജില്ല
Ilam इलाम जिल्ला | |
---|---|
![]() ഇലാം ജില്ലയെ പ്രശസ്തമാക്കുന്നത് സമൃദ്ധമായ ചായത്തോട്ടങ്ങളാണ്. | |
![]() Location of Ilam | |
Country | Nepal |
Region | {{{region}}} |
Municipality | |
വിസ്തീർണ്ണം | |
• ആകെ | 1,703 കി.മീ.2 (658 ച മൈ) |
ഉയരം (maximum) | 3,636 മീ(11,929 അടി) |
ജനസംഖ്യ (2011[1]) | |
• ആകെ | 2,90,254 |
• ജനസാന്ദ്രത | 170/കി.മീ.2(440/ച മൈ) |
സമയമേഖല | UTC+5:45 (NPT) |
Main language(s) | Limbu, Nepali |
വെബ്സൈറ്റ് | www.ddcilam.gov.np source:Nakul Niroula |
കിഴക്കൻ നേപ്പാളിലെ പ്രവിവിശ്യ നമ്പർ ഒന്നിലെ 14 ജില്ലകളിൽ ഒന്നാണ് ഇലാം ജില്ല - Ilam district (Nepali: इलाम जिल्लाListen (help·info)). 1703 ചതുരശ്ര കിലോ മീറ്റർ പ്രദേശത്തായി വ്യാപിച്ചു കിടക്കുന്ന ഈ ജില്ല മലയോര ജില്ലയാണ്. 2011 സെൻസസ് പ്രകാരം 290,254ആണ് ഇവിടത്തെ ജനസംഖ്യ.[1] ഇലാം മുൻസിപ്പാലിറ്റിയാണ് ജില്ലയുടെ ഭരണ സിരാകേന്ദ്രം. നേപ്പാളിന്റെ തലസ്ഥാനമായ കാഠ്മണ്ടുവിൽ നിന്ന് 600 കിലോ മീറ്റർ അകലെയാണ് ജില്ലയുടെ സ്ഥാനം.
ആകർഷണം[തിരുത്തുക]
അപൂർവ്വ ഇനം പക്ഷികളും ചെമ്പൻ പാണ്ടയെയും കണ്ടുവരുന്ന ഇനാം മേഖല ഗവേഷകരുടെയും സഞ്ചാരികളുടെയും ഇഷ്ട പ്രദേശമാണ്. ദക്ഷിണ നേപ്പാളിന്റെയും ഉത്തരേന്ത്യയുടെയും താഴ്ന്ന പ്രദേശമായ തരായിയുടെ ഭാഗമായ ഈ പ്രദേശം ഹിമാലയത്തിന്റെ പുറത്തുള്ള താഴ്വര കുന്നിൻ പ്രദേശത്താണ് സ്ഥിതിചെയ്യുന്നത്.
പേരിനു പിന്നിൽ[തിരുത്തുക]
സിനോ-തിബത്തൻ ഭാഷയായ ലിമ്പു ഭാഷയിലെ കെട്ടുപ്പിണഞ എന്ന അർത്ഥമുള്ള ലി , പാത (റോഡ്) എന്നർത്ഥമുള്ള ലാം എന്നീ വാക്കുകൾ ചേർന്നാണ് ഇലാം എന്ന പദം ഉദ്ഭവിച്ചത്.
ചരിത്രം[തിരുത്തുക]
ഇന്നത്തെ രൂപത്തിലുള്ള നേപ്പാളിന്റെ ഏകീകരണത്തിന് മുൻപ് ലിമ്പുവാൻ രാജവംശ പ്രദേശത്തെ പത്തു സ്വതന്ത്ര സ്റ്റേറ്റുകളിൽ ഒന്നായിരുന്നു ഇലാം. എഡി 1813 വരെ ലംഗ്ഡം രാജവംശത്തിലെ രാജാവായിരുന്ന ഹാങ്ഷു ഫുഹ ലിങ്ഡമായിരുന്നു സഖ്യരാഷ്ട്രമായി ഈ പ്രദേശം ഭരിച്ചിരുന്നത്.