ആട്ടുണൈറ്റ്

വിക്കിപീഡിയ, ഒരു സ്വതന്ത്ര വിജ്ഞാനകോശം.
ആട്ടുണൈറ്റ്
AutuniteUSGOV.jpg
Autunite
General
വിഭാഗം Phosphate minerals
രാസവാക്യം Ca(UO2)2(PO4)2·10-12H2O
Identification
തന്മാത്രാഭാരം 986.26
നിറം Lemon-yellow to sulfur-yellow, greenish yellow to pale green; may be dark green to greenish black
Crystal habit Tabular crystals, foliated or scaly aggregates, and in crusts
Crystal system Orthorhombic
Twinning Rare on {110}
Cleavage {001} perfect, {100} and {010} poor
Fracture uneven
Mohs Scale hardness 2-2.5
Luster Vitreous - pearly
Refractive index nα = 1.553 - 1.555 nβ = 1.575 nγ = 1.577 - 1.578
Optical Properties Biaxial (-)
Birefringence δ = 0.003
Pleochroism X = colorless to pale yellow; Y = Z = yellow to dark yellow
Ultraviolet fluorescence Strong yellow-green fluorescence in UV; Radioactive
Streak Pale yellow
Specific gravity 3.1-3.2
Solubility Soluble in acids
Diaphaneity Transparent to translucent
Other Characteristics Pseudotetragonal for synthetic material
References [1][2]

കാൽസിയം, യുറേനിയം എന്നീ മൂലകങ്ങളുടെ ജലയോജിത ഫോസ്ഫേറ്റാണ് ആട്ടുണൈറ്റ്. Ca (UO2)2. (PO4)2 (H2O)10-12. ഫ്രാൻസിലെ ആട്ടൂൺ പ്രദേശത്ത് ഇതു ധാരാളമായി കണ്ടുവരുന്നു എന്നതാണ് ആട്ടുണൈറ്റ് എന്ന പേരിനു നിദാനം.

പരൽരൂപങ്ങൾ[തിരുത്തുക]

ദ്വിചതുഷ്കോണീയ പ്രിസങ്ങളോ പിരമിഡുകളോ ആയ രൂപമാണ് ഇതിന്റെ പരലുകൾക്കുള്ളത്. വ്യക്തമായ വിദളനവും കാചാഭദ്യുതിയുമുണ്ട്. പവിഴംപോലെ തിളങ്ങുന്നു. പരലുകളിൽ മഞ്ഞനിറമുള്ള തന്തുക്കൾ കാണാം. പൊതുവേ ചെറുനാരങ്ങയുടെമഞ്ഞ മുതൽ ഇളം പച്ചവരെയുള്ള നിറങ്ങളാണുള്ളത്; അൾട്രാ വയലറ്റ് രശ്മികൾ തട്ടുമ്പോൾ പച്ചകലർന്ന മഞ്ഞനിറത്തിൽ പ്രതിദീപ്തമാവുന്നു. കാഠിന്യം 2-2.5; ആ.ഘ. 3.1-3.2. ഘടനയിൽ വലുതായ വ്യതിയാനം കാണുന്നില്ലെങ്കിലും കാൽസിയത്തിന്റെ സ്ഥാനത്ത് അല്പം ബേറിയമോ മഗ്നീഷ്യമോ കലർന്നിരിക്കാം. ചൂടാക്കുമ്പോൾ ജലാംശം ക്രമേണ കുറയുന്നു; 800Cൽ ജലാംശം പൂർണമായും നഷ്ടപ്പെടും. എന്നാൽ ആട്ടുണൈറ്റിനു ജലവിയോജനംകൊണ്ട് ഘടനയിൽ അസ്ഥായിത്വമുണ്ടാകുന്നില്ല. എളുപ്പത്തിൽ ഉരുകുന്നു. അമ്ലങ്ങളിൽ ലയിക്കുന്നു. ചതുഷ്കോണീയമായ ആധാരതലവും, അൾട്രാവയലറ്റ് രശ്മികളുമായുള്ള പ്രതിദീപ്തി സ്വഭാവവും ആട്ടുണൈറ്റിന്റെ സവിശേഷതകളാണ്.

ഉപഖനിജം[തിരുത്തുക]

യുറേനിയത്തിന്റെ അയിരായി ഉപയോഗിച്ചുവരുന്ന ഈ ധാതു പ്രകൃതിയിൽ യുറേനിനൈറ്റ് തുടങ്ങിയ മറ്റയിരുകളുടെ ഓക്സിഡേഷൻ (oxidation) മൂലമാണുണ്ടാകുന്നത്. ഓക്സിഡൈസേഷന്റെയും അപക്ഷയ(weathering)ത്തിന്റെയും മേഖലകളിൽ ഒരു ഉപഖനിജമെന്ന നിലയിൽ അവസ്ഥിതമായിക്കാണുന്നു. ഫ്രാൻസ്, പോർച്ചുഗൽ, ജർമനി, ഇംഗ്ലണ്ട്, കോംഗോ തുടങ്ങിയ രാജ്യങ്ങളിലാണ് അധികമായുള്ളത്.

അവലംബം[തിരുത്തുക]

പുറംകണ്ണികൾ[തിരുത്തുക]

Heckert GNU white.svg കടപ്പാട്: കേരള സർക്കാർ ഗ്നൂ സ്വതന്ത്ര പ്രസിദ്ധീകരണാനുമതി പ്രകാരം ഓൺലൈനിൽ പ്രസിദ്ധീകരിച്ച മലയാളം സർ‌വ്വവിജ്ഞാനകോശത്തിലെ ആട്ടുണൈറ്റ് എന്ന ലേഖനത്തിന്റെ ഉള്ളടക്കം ഈ ലേഖനത്തിൽ ഉപയോഗിക്കുന്നുണ്ട്. വിക്കിപീഡിയയിലേക്ക് പകർത്തിയതിന് ശേഷം പ്രസ്തുത ഉള്ളടക്കത്തിന് സാരമായ മാറ്റങ്ങൾ വന്നിട്ടുണ്ടാകാം.
"http://ml.wikipedia.org/w/index.php?title=ആട്ടുണൈറ്റ്&oldid=1698943" എന്ന താളിൽനിന്നു ശേഖരിച്ചത്